୨୪ ଘଣ୍ଟାରେ ୭ ଥର ଭୂକମ୍ପ ଝଟକା
Earthquake Updates: ଗତ 24 ଘଣ୍ଟା ମଧ୍ୟରେ ବିଭିନ୍ନ ସ୍ଥାନରେ 7 ଟି ଭୂକମ୍ପ ଝଟକା ଅନୁଭୂତ ହୋଇଛି । ଶୁକ୍ରବାର ବିଳମ୍ବିତ ରାତିରେ ଆସାମର ମୋରିଗାଓଁରେ ଭୂମିକମ୍ପ ହୋଇଛି । ଏହାର ତୀବ୍ରତା ରିକ୍ଟର ସ୍କେଲରେ ଖୁବ୍ କମ୍ ରେକର୍ଡ କରାଯାଇଥିଲା । ଏହାପୂର୍ବରୁ ଗତ 24 ଘଣ୍ଟା ମଧ୍ୟରେ ସର୍ବାଧିକ 4.5 ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଅନୁଭୂତ ହୋଇଛି । ତେବେ ଏହି ଭୂକମ୍ପରେ କୌଣସି କ୍ଷୟ କ୍ଷତି ହୋଇ ନାହିଁ।
ଶୁକ୍ରବାର ଭାରତର ଦୁଇଟି ରାଜ୍ୟରେ ଭୂକମ୍ପ ହୋଇଛି । ଏହା ବ୍ୟତୀତ ଆଫଗାନିସ୍ତାନ ଏବଂ ଆରବ ସାଗରରେ ମଧ୍ୟ ଭୂକମ୍ପ ହୋଇଥିବା ନେଇ ସୂଚନା ପ୍ରକାଶ ପାଇଥିଲା । ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ ଶୁକ୍ରବାର ଦିନ ସନ୍ଧ୍ୟା 7.18 ରେ ପ୍ରଥମ ଭୂକମ୍ପ ମିଜୋରାମରେ ହୋଇଥିଲା । ଦ୍ୱିତୀୟଟି ଆଫଗାନିସ୍ତାନରେ ହୋଇଥିଲା ଯାହା ତୀବ୍ରତା ରିକ୍ଟର ସ୍କେଲରେ 4.5 ରେକର୍ଡ କରାଯାଇଛି । ରାତି 9.17 ରେ ଏହି କମ୍ପନ ଅନୁଭୂତ ହୋଇଥିଲା ।
ତୃତୀୟ ଭୂକମ୍ପ ଆରବ ସାଗରରେ ଘଟିଥିଲା। ଏହାର ତୀବ୍ରତା ରିକ୍ଟର ସ୍କେଲରେ 4.1 ରେକର୍ଡ କରାଯାଇଛି । ସେହିପରି ରାତି 11.38 ରେ ଆସାମର ମୋରିଗାଁ ଅଞ୍ଚଳରେ ଚତୁର୍ଥ ଭୂକମ୍ପ ହୋଇଥିଲା। ଯାହାର ତୀବ୍ରତା ରିକ୍ଟର ସ୍କେଲରେ 3.1 ରେକର୍ଡ କରାଯାଇଥିଲା । ଏହାପୂର୍ବରୁ ଆରବ ସାଗରରେ ଭୂକମ୍ପ ଅନୁଭୂତ ହୋଇଥିଲା। ଏହା ବ୍ୟତୀତ ସକାଳେ ମିଜୋରାମରେ ଭୂକମ୍ପ ଅନୁଭୂତ ହୋଇଥିଲା।
ଜାନୁଆରୀ ୨ ରେ ଜାପାନରେ ଶକ୍ତିଶାଳୀ ଭୂକମ୍ପରେ ଅନୁଭୂତ ହୋଇଛି । ପଶ୍ଚିମ ଜାପାନରେ ହୋଇଥିବା ଭୂକମ୍ପ ଯୋଗୁଁ ପ୍ରାୟ 62 ଜଣଙ୍କର ମୃତ୍ୟୁ ଘଟିଥିଲା ଏବଂ ଅନେକ ଅଟ୍ଟାଳିକା ଭୁଶୁଡି ପଡିଥିଲା । ସୋମବାର ଦିନ ଅପରାହ୍ନରେ ଜାପାନର ଇଶିକାୱା ପ୍ରଦେଶ ଏବଂ ଏହାର ଆଖପାଖ ଅଞ୍ଚଳରେ ଏହି ଶକ୍ତିଶାଳୀ ଭୂକମ୍ପ ଘଟିଛି। ରିକ୍ଟର ସ୍କେଲରେ ଏହାର ତୀବ୍ରତା 7.6 ରେ ରେକର୍ଡ କରାଯାଇଛି ।
Click it and Unblock the Notifications
Sign in with Google