ପୋଖରାନ ସେନା ଫାଇରିଂ ରେଞ୍ଜରେ ଯୁବକଙ୍କୁ ପିଟିପିଟ ହତ୍ୟା, 6 ଯବାନ ଅଟକ
ରାଜସ୍ଥାନର ପୋଖରାନ ସେନା ଫାଇରିଂ ରେଞ୍ଜରେ ଅଘଟଣ । ନିଷେଧାଞ୍ଚଳରେ ପ୍ରବେଶ କରିଥିବା ଜଣେ ଯୁବକଙ୍କୁ ପିଟିପିଟି ହତ୍ୟା ଅଭିଯୋଗରେ 6 ଜଣ ସେନା ଯବାନଙ୍କୁ ଅଟକ ରଖିଛି ରାଜସ୍ଥାନ ପୋଲିସ ।
ଜୟପୁର: ରାଜସ୍ଥାନର ପୋଖରାନ ସେନା ଫାଇରିଂ ରେଞ୍ଜରେ ଅଘଟଣ । ନିଷେଧାଞ୍ଚଳରେ ପ୍ରବେଶ କରିଥିବା ଜଣେ ଯୁବକଙ୍କୁ ପିଟିପିଟି ହତ୍ୟା ଅଭିଯୋଗରେ 6 ଜଣ ସେନା ଯବାନଙ୍କୁ ଅଟକ ରଖିଛି ରାଜସ୍ଥାନ ପୋଲିସ । ଜଣେ 24 ବର୍ଷିୟ ଯୁବକ ସଲମନ ତାଙ୍କର ଜଣେ ସାଥୀଙ୍କ ସହିତ ବାଇକ ଯୋଗେ ନିଷେଧାଞ୍ଚଳର ନିକଟବର୍ତ୍ତୀ ହୋଇଥିବା ବେଳେ ପାଟ୍ରୋଲିଂ କରୁଥିବା ସେନା ଯବାନ ତାଙ୍କୁ ଆକ୍ରମଣ କରିଥିଲେ । ଏହାପରେ ଗୁରୁତର ଅବସ୍ଥାରେ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିଲେ । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ମୃତ ସଲମାନଙ୍କ ପରିବାର ସଦସ୍ୟଙ୍କ ଅଭିଯୋଗ ଅନୁସାରେ, ରବିବାର ସଲମାନ ଓ ତାଙ୍କ ବନ୍ଧୁ ନିଖୋଜ ହୋଇାଯାଇଥିବା ଗାଈକୁ ଖୋଜିବା ପାଇଁ ଉକ୍ତ ଅଞ୍ଚଳକୁ ଯାଇଥିଲେ । ସେଠାରେ ତାଙ୍କୁ ପାଟ୍ରୋଲିଂ ଦାୟିତ୍ବରେ ଥିବା ସେନା ଯବାନମାନେ ଧରି ନେଇଥିଲେ । ସଲମାନଙ୍କ ସହ ଥିବା ଅନ୍ୟ ଜଣେ ଯୁବକ ଘଟଣାସ୍ଥଳରୁ ଖସି ପଳାଇଥିଲେ । ଏହାପରେ ସଲମାନଙ୍କୁ ନିସ୍ତୁକ ମାଡ ମାରିବା ସହ ଗୁରୁତର ଅବସ୍ଥାରେ ଯବାନମାନେ ନିକଟସ୍ଥ ହସ୍ପିଟାଲରେ ଭର୍ତ୍ତି କରିଥିଲେ । ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ ।
ଅନ୍ୟପଟେ ଜୈସଲମୀର ଜିଲ୍ଲାପାଳ ଟିନା ଡାବି କହିଛନ୍ତି, ମୃତକଙ୍କ ପରିବାର ସଦସ୍ୟଙ୍କ ସହ ପ୍ରଶାସନ ଆଲୋଚନା କରିଛି । ଉଭୟ ସେନା ଓ ପ୍ରଦେଶ ପୋଲିସ ଘଟଣାର ତଦନ୍ତ ଆରମ୍ଭ କରିଛନ୍ତି । ଉକ୍ତ ଦିନ ପାଟ୍ରୋଲିଂ ଦାୟିତ୍ବରେ ଥିବା ସେନାର 6 ଯବାନଙ୍କୁ ଅଟକ କରିଛି ରାଜସ୍ଥାନ ପୋଲିସ ।
Click it and Unblock the Notifications
Sign in with Google