ଲୋକସଭା ନିର୍ବାଚନ 2024: ଦେଶରେ 52% ଚାହାଁନ୍ତି ପ୍ରଧାନମନ୍ତ୍ରୀ ମୋଦି ଭାରତର ନେତୃତ୍ୱ ଜାରି ରଖନ୍ତୁ: ସର୍ଭେ
Lok Sabha Election 2024: ଲୋକସଭା ନିର୍ବାଚନକୁ ଯିବାକୁ ଏକ ବର୍ଷରୁ କମ୍ ସମୟ ଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲୋକପ୍ରିୟତା ଅବିରତ ରହିଛି । ତେବେ ଏକଥା ଆମେ କହୁନୁ, ଏ କଥା କହୁଛି... ଜାତୀୟ ଗଣମାଧ୍ୟମ ସଂସ୍ଥା 'ଇଣ୍ଡିଆ ଟୁଡେ-ସିଭୋଟର୍ ମୁଡ୍ ଅଫ୍ ଦି ନେସନ୍ ସର୍ଭେ' । ଏହି ସର୍ଭେରୁ ଜଣାପଡିଛି ଯେ 52 ପ୍ରତିଶତ ଉତ୍ତରଦାତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ତୃତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ ଭାବେ ଦେଖିବାକୁ ଇଚ୍ଛା ରଖିଛନ୍ତି ।
ମୁଡ୍ ଅଫ୍ ଦି ନେସନ୍ (MOTN) ର ଅଗଷ୍ଟ ସଂସ୍କରଣର ଅନୁସନ୍ଧାନରୁ ଜଣାପଡିଛି ଯେ ପ୍ରଧାନମନ୍ତ୍ରୀ ଭାବରେ ନରେନ୍ଦ୍ର ମୋଦିଙ୍କ ପ୍ରଦର୍ଶନରେ 63% ଉତ୍ତରଦାତା ସନ୍ତୁଷ୍ଟ ଅଛନ୍ତି । କିଛି ମାସ ପୂର୍ବରୁ ହୋଇଥିବା ସର୍ଭେ ତୁଳନାରେ ଏହି ସଂଖ୍ୟା ସାମାନ୍ୟ ହ୍ରାସ ପାଇଛି, ଯେତେବେଳେ 72 ପ୍ରତିଶତ ଉତ୍ତରଦାତା କହିଛନ୍ତି ଯେ ସେମାନେ ପିଏମ ମୋଦୀଙ୍କ ପ୍ରଦର୍ଶନରେ ସନ୍ତୁଷ୍ଟ ଅଛନ୍ତି ।
ମୁଡ୍ ଅଫ୍ ଦି ନେସନ୍ ସର୍ଭେରୁ ଜଣାପଡିଛି ଯେ 44% ଉତ୍ତରଦାତା କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କାରଣରୁ 2024 ମତଦାନରେ ସେମାନେ ଭାରତୀୟ ଜନତା ପାର୍ଟିକୁ ଭୋଟ୍ ଦେବେ । ବିକାଶ ଏବଂ ହିନ୍ଦୁତ୍ୱ ଏକ ଦ୍ୱିତୀୟ ଏବଂ ତୃତୀୟ କାରଣ ହୋଇ ରହିଛନ୍ତି ଯେ ଉତ୍ତରଦାତାମାନେ କାହିଁକି ବିଜେପିକୁ ଭୋଟ୍ ଦେବେ ।
ସର୍ଭେରୁ ଜଣାପଡିଛି ଯେ ଲୋକସଭା ନିର୍ବାଚନରେ ତୃତୀୟ ଥର ପାଇଁ ଚାହୁଁଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲୋକପ୍ରିୟତା ତାଙ୍କ ରାଜନୈତିକ ପ୍ରତିଦ୍ୱନ୍ଦ୍ୱୀଙ୍କଠାରୁ ଆଗରେ ରହିଛି ।
52% ଉତ୍ତରଦାତା କହିଛନ୍ତି ଯେ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ହେବା ପାଇଁ ସବୁଠାରୁ ଉପଯୁକ୍ତ ହୋଇଥିବାବେଳେ ସର୍ଭେ କରାଯାଇଥିବା 16% ଲୋକ ଏହି ପଦ ପାଇଁ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ବାଛିଛନ୍ତି । ଅବଶିଷ୍ଟ ମାନେ ଦେଶର ବିଭିନ୍ନ ନେତାଙ୍କ ଉପରେ ବିଭକ୍ତ ହୋଇଥିଲେ ।
Click it and Unblock the Notifications
Sign in with Google