କେରଳରେ ଭୂସ୍ଖଳନ ନେଲା 5 ଜୀବନ
ଲଗାଣ ବର୍ଷା ଯୋଗୁଁ କେରଳରେ ସ୍ଥିତି ଗମ୍ଭୀର ହୋଇଛି । କେରଳ ଇଡୁକି ଜିଲ୍ଲା କୁଦାୟାଥୁର ଥୋଡୁପୁଜାହ ଅଞ୍ଚଳରେ ଭୂସ୍ଖଳନ ହୋଇଛି । ଏହି ଅଘଟଣରେ 5ଜଣଙ୍କର ମୃତ୍ୟୁ ହୋଇଛି ।
ଥିରୁଅନନ୍ତପୁରମ: ଲଗାଣ ବର୍ଷା ଯୋଗୁଁ କେରଳରେ ସ୍ଥିତି ଗମ୍ଭୀର ହୋଇଛି । କେରଳ ଇଡୁକି ଜିଲ୍ଲା କୁଦାୟାଥୁର ଥୋଡୁପୁଜାହ ଅଞ୍ଚଳରେ ଭୂସ୍ଖଳନ ହୋଇଛି । ଏହି ଅଘଟଣରେ 5 ଜଣଙ୍କର ମୃତ୍ୟୁ ହୋଇଛି । ପ୍ରଥମେ 3 ଜଣଙ୍କ ମୃତଦେହ ଉଦ୍ଧାର ହୋଇଥିବା ବେଳେ ପରେ 2 ଜଣ ନିଖୋଜଙ୍କ ମୃତଦେହ ଉଦ୍ଧାର କରାଯାଇଛି। ଘଟଣାସ୍ଥଳରେ ଉଦ୍ଧାରକାରୀ ଦଳ ପହଞ୍ଚି ଉଦ୍ଧାରକାର୍ଯ୍ୟ ଜାରି ରଖିଥିଲେ । ପ୍ରବଳ ବର୍ଷା ପାଇଁ ଏକ ଘର ଭୁଶୁଡି ପଡିଥିବା ପୋଲିସ ପକ୍ଷରୁ ସୂଚନା ମିଳିଛି ।
ସୂଚନା ଅନୁସାରେ, ଘଟଣାଟି ମଧ୍ୟରାତ୍ରରେ ହୋଇଛି । ଏହି ପରିବାର ସମସ୍ତ ସଦସ୍ୟ ଶୋଇଥିବା ବେଳେ ଘରଟି ଭୁଶୁଡିପଡିଥିବା ସନ୍ଦେହ କରାଯାଉଛି। ଗତ ଦୁଇ ଦିନରେ କେରଳର ପାହାଡିଆ ଅଞ୍ଚଳରେ ପ୍ରବଳ ବର୍ଷା ହୋଇଥିବା ରେକର୍ଡ ହୋଇଛି ।
#WATCH | Kerala: Three bodies found after a landslide hit Kudayathoor village in Thodupuzha taluka of Idukki district earlier this morning. Search operation underway. pic.twitter.com/OSuii86v5c
— ANI (@ANI) August 29, 2022
ପୂର୍ବରୁ ଚଳିତ ମାସ 20 ତାରିଖରେ ଉତ୍ତରାଖଣ୍ଡରେ ଓ ଏହା ପୂର୍ବରୁ ହିମାଚଳପ୍ରଦେଶରେ ପ୍ରକୃତିର କରାଳ ରୂପ ଦେଖିବାକୁ ମିଳିଥିଲା । ପାହାଡ଼ ଉପରୁ ପଥର ଖଣ୍ଡ ରାସ୍ତା ଉପରକୁ ଖସିଥିଲା । ପାହାଡ଼ରୁ ଭୂସ୍ଖଳନ ହେଉଥିବା ବେଳେ ରାସ୍ତାଘାଟ ମଧ୍ୟ ଭାଙ୍ଗିଯାଇଥିଲା । ପ୍ରକୃତିର ଏହି ଭୟଙ୍କର ରୂପକୁ ସ୍ଥାନୀୟ ଅଞ୍ଚଳର ଜଣେ ଯୁବକ ନିଜ ମୋବାଇଲ କ୍ୟାମେରାରେ କଏଦ କରିଥିଲେ ଯାହାକୁ ଦେଖିଲେ ଛାତି ଧରି ଉଠୁଥିଲା ।
Click it and Unblock the Notifications
Sign in with Google