ନଦୀରେ ଗାଧୋଇବା ହେଲା କାଳ, ଚାଲିଗଲା ୫ ଜୀବନ

ତେଲେଙ୍ଗାନାର ବାସରା ନିକଟସ୍ଥ ଗୋଦାବରୀ ନଦୀରେ ବୁଡି ୫ ଜଣ ଯୁବକଙ୍କ ମୃତ୍ୟୁ ଘଟିଛି । ମନ୍ଦିର ଦର୍ଶନ କରିବା ପୂର୍ବରୁ ନଦୀରେ ଗାଧୋଇବା ସମୟରେ ପ୍ରାଣ ହରାଇଥିବା ନେଇ ପୋଲିସ କହିଛି। ପୋଲିସର ସୂଚନା ଅନୁଯାୟୀ, ହାଇଦ୍ରାବାଦର ପ୍ରାୟ ୨୦ ଜଣଙ୍କ ଏକ ଦଳ ପ୍ରସିଦ୍ଧ ଜ୍ଞାନ ସରସ୍ୱତୀ ମନ୍ଦିରରେ ପ୍ରାର୍ଥନା କରିବାକୁ ବାସରା ଯାଇଥିଳେ । ମନ୍ଦିର ଦର୍ଶନ କରିବା ପୂର୍ବରୁ, ଏହି ଗୋଷ୍ଠୀର ପାଞ୍ଚ ଜଣ ଯୁବକ ନଦୀରେ ସ୍ନାନ କରିବାକୁ ପ୍ରବେଶ କରିଥିଲେ।

ଜଳସ୍ତର ହଠାତ୍ ବୃଦ୍ଧି ପାଇଥିଲା , ଯେଉଁ କାରଣରୁ ପ୍ରବଳ ସ୍ରୋତରେ ଯୁବକ ମାନେ ଭାସି ଯାଇଥିଲେ। ପରେ ଉଦ୍ଧାରକାରୀ ଦଳ ମୃତଦେହ ଗୁଡିକୁ ଉଦ୍ଧାର କରି ନିକଟସ୍ଥ ଏକ ସରକାରୀ ହସ୍ପିଟାଲକୁ ପଠାଇଥିଲେ । ତେବେ ସେଠାରେ ଡାକ୍ତର ମାନେ ନିଶ୍ଚିତ କରିଥିଲେ ଯେ, ସମସ୍ତ ପାଞ୍ଚ ଜଣଙ୍କର ମୃତ୍ୟୁ ହୋଇସାରିଛି। ପରେ ମୃତଦେହ ଗୁଡ଼ିକୁ ପୋଷ୍ଟମର୍ଟମ ପାଇଁ ପଠାଯାଇଥିଲା ପୋଲିସ୍ ।