ଭାରସାମ୍ୟ ହରାଇ ପରେ ନଦୀରେ ଖସିଲା କାର୍,ଚାଲିଗଲା ୫ ଜୀବନ

ମହାରାଷ୍ଟ୍ର ରତ୍ନଗିରି ଜିଲ୍ଲାରେ ବଡ ଦୁର୍ଘଟଣା ଘଟିଛି । ନଦୀରେ କାର୍ ଖସିପଡି ଦୁର୍ଘଟଣା ଘଟିଛି । ଦୁର୍ଘଟଣାରେ ୫ ଜଣଙ୍କର ମୃତ୍ୟୁ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ଯାଞ୍ଚ ଆରମ୍ଭ କରିଛି । ସୂଚନାନୁଯାୟୀ, ଦୁର୍ଘଟଣାଗ୍ରସ୍ତ କାରଟି ପାଲଘରରୁ ନାଲାସୋପାରା ସହରକୁ ଆସୁଥିବାବେଳେ ଏପରି ଅଘଟଣ ଘଟିଥିଲା ।

ସୋମବାର ଦିନ ସକାଳ ପ୍ରାୟ ୫.୪୫ ମିନିଟ୍ ପାଖାପାଖି ଏହି ଅଘଟଣ ଦେଖିବାକୁ ମିଳିଥିଲା । ପ୍ରଥମେ କାର୍ ଡିଭାଇଡର ସହ ଧକ୍କା ହୋଇଥିଲା । ଭାରସାମ୍ୟ ହରାଇ ପରେ ନଦୀରେ କାରଟି ଖସିପଡିଥିଲା । ଫଳରେ ଘଟଣାସ୍ଥଳରେ ସେହି ଗାଡିରେ ଥିବା ୫ ଜଣ ଲୋକଙ୍କର ମୃତ୍ୟୁ ହୋଇଥିଲା । ସେମାନଙ୍କ ମଧ୍ୟରେ ତିନି ଜଣ ମହିଳା ଥିବାବେଳେ ୨ଜଣ ପୁରୁଷ ଥିଲେ ।