୪୦ ଲକ୍ଷ ମହିଳାଙ୍କୁ ମିଳିବ ମାଗଣା ସ୍ମାର୍ଟଫୋନ: ୩ ବର୍ଷ ପର୍ଯ୍ୟନ୍ତ ମାଗଣା ଇଣ୍ଟରନେଟ୍ ସେବା

Updated: Wednesday, October 4, 2023, 11:42 [IST]

Free Smartphone Scheme: ବର୍ତ୍ତମାନ ସରକାର ମହିଳାମାନଙ୍କୁ ମାଗଣା ସ୍ମାର୍ଟଫୋନ୍ ବଣ୍ଟନ କରିବାକୁ ଯାଉଛନ୍ତି । ମାଗଣା ସ୍ମାର୍ଟଫୋନ୍ ବଣ୍ଟନ ଯୋଜନା ସରକାର ଆରମ୍ଭ କରିଛନ୍ତି। ଏହି ଯୋଜନାରେ ସରକାର ମହିଳାମାନଙ୍କୁ ମାଗଣା ସ୍ମାର୍ଟଫୋନ୍ ବଣ୍ଟନ କରିବେ ।

ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ଉଦୟପୁରର ଏକ କିଷାନ ମହୋତ୍ସବରେ ରାଜ୍ୟର ପ୍ରାୟ 40 ଲକ୍ଷ ମହିଳାଙ୍କୁ ସ୍ମାର୍ଟଫୋନ୍ ଏବଂ ମାଗଣା ଇଣ୍ଟରନେଟ୍ ଦେବାକୁ ଘୋଷଣା କରିଥିଲେ। ସୋମବାର ଉଦୟପୁରରେ କିଷାନ ମହୋତ୍ସବଙ୍କୁ ସମ୍ବୋଧିତ କରି ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ କହିଛନ୍ତି ଯେ ମୋବାଇଲ୍ ଫୋନ୍ ବଣ୍ଟନ ଜୁଲାଇ 25 ରୁ ଆରମ୍ଭ ହେବ । ଏହି ଯୋଜନା ଅଧୀନରେ ରାଜ୍ୟରେ ପରିବାରର 1.35 କୋଟି ମହିଳା ମୁଖ୍ୟଙ୍କୁ ମାଗଣା ମୋବାଇଲ୍ ଫୋନ୍ ବଣ୍ଟନ କରାଯିବ ।

ଉଲ୍ଲେଖଥାଉ କି, ରାଜସ୍ଥାନରେ ଚଳିତ ବର୍ଷ ଶେଷ ଆଡ଼କୁ ବିଧାନସଭା ନିର୍ବାଚନ ହେବ । ତେବେ ଗେହଲଟ ମଗଣାରେ ସ୍ମାର୍ଟଫୋନ ବାଣ୍ଟିବା କଥା କହିବା ସହ ମହିଳାମାନଙ୍କୁ ୩ ବର୍ଷ ପର୍ଯ୍ୟନ୍ତ ଫ୍ରି ଇଣ୍ଟରନେଟ ସେବା ମଧ୍ୟ ଦିଆଯିବା କଥା କହିଛନ୍ତି । ଏହାସହ ଗେହଲଟ କହିଛନ୍ତି, ସମସ୍ତ ମହିଳାଙ୍କ ହାତକୁ ସ୍ମାର୍ଟ ଫୋନ ଆସିବା ପରେ, ସେ ଅନ୍ୟମାନଙ୍କ ସହ କଲ କରି କମ୍ୟୁନିକେଟ ହୋଇପାରିବେ ।

ଏହି ଅବସରରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ଟାର୍ଗେଟ୍ କରିଛନ୍ତି । ଗେହଲଟ୍ କହିଛନ୍ତି ଯେ, ପିଏମ ମୋଦପ ମାର୍କେଟିଂରେ ଜଣେ ବିଶେଷଜ୍ଞ। ସେ ବର୍ଷକୁ ତିନିଥର ଚାଷୀଙ୍କୁ 6 ହଜାର ଟଙ୍କା ଦିଅନ୍ତି । କିନ୍ତୁ ସେହି ସମାନ କଂଗ୍ରେସ ସରକାର ଲୋକମାନଙ୍କୁ 2,000 ୟୁନିଟ୍ ବିଦ୍ୟୁତ୍ ମାଗଣାରେ ପ୍ରଦାନ କରନ୍ତି ଯାହାର ମୂଲ୍ୟ 1,800 ଟଙ୍କା ଏବଂ ବାର୍ଷିକ 21,600 ଟଙ୍କା ପ୍ରଦାନ କରୁଛି ।