Haryana Assembly Election 2024: ଦିନ ୧ ଟା ସୁଦ୍ଧା ୩୬.୬୯ ପ୍ରତିଶତ ମତଦାନ

Haryana Assembly Election 2024: ଭୋଟ୍ ଦେଉଛି ହରିଆଣା। ହରିୟାଣାରେ ଦିନ ୧ ଟା ସୁଦ୍ଧା ମୋଟ ୩୬.୬୯ ପ୍ରତିଶତ ମତଦାନ ଗ୍ରହଣ ହୋଇଛି । କେଉଁ ଜିଲ୍ଲାରେ କେତେ ପ୍ରତିଶତ ମତଦାନ ହୋଇଛି ଆସନ୍ତୁ ଏବେ ଜାଣିବା ? ଅମ୍ବାଲା -୩୯.୪୭% ଭବାନୀ -୩୮.୨୭% ଚାରଖୀ ଦାଦ୍ରି -୨୯.୬୨% ଫରିଦାବାଦ -୩୧.୭୧% ଫତେହାବାଦ -୪୦.୦୦% ଗୁରୁଗ୍ରାମ -୨୭.୭୦% ହିସାର -୩୮.୩୪% ଝାବହାର -୩୬.୯୩% ଜିନ୍ଦ -୪୧.୯୩% କଝଥଲ -୩୮.୧୮% -୪୨.୬୪% ପାଲୱାଲ -୪୧.୮୫% ପଞ୍ଚକୁଲା -୨୫.୮୯% ପାନିପଥ - ୩୮.୨୪% ରେୱାରୀ - ୩୫.୧୦% ରୋହତକ -୩୬.୧୯% ସିରସା -୩୪.୭୮% ସୋନିପାଟ - ୩୩.୬୪% ଯମୁନାନଗର- ୪୨.୦୮% ମତ ଦାନ ଗ୍ରହଣ ହୋଇଛି ।

ସୁଚନା ଯୋଗ୍ୟ ଯେ, ହରିଆଣା ବିଧାନସଭାର ୯୦ ଆସନରେ ଆରମ୍ଭ ହୋଇଯାଇଛି ମତଦାନ। ୨୦ ହଜାର ୬୩୨ଟି ମତଦାନ କେନ୍ଦ୍ରରେ କଡା ସୁରକ୍ଷା ବ୍ୟବସ୍ଥା କରାଯାଇଛି। ୧,୦୩୧ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ୨ କୋଟିରୁ ଅଧିକ ମତଦାତା। ଆଜି ୯୦ଟି ଆସନ୍ ପାଇଁ ମତଦାନ ଗ୍ରହଣ କରାଯିବ ଏବଂ ଅକ୍ଟୋବର ୮ ତାରିଖରେ ଭୋଟ ଫଳାଫଳ ଆସିବ । ହରିଆଣାରେ ଚଳିତ ନିର୍ବାଚନ ରୋଚକ ହେବାକୁ ଯାଉଛି ।

ଶାସକ ଦଳ ବିଜେପି ପୁଣି ଥରେ ବିଜୟୀ ହୋଇ ହ୍ୟାଟ୍ରିକ କରିବା ଲକ୍ଷ୍ୟରେ ରହିଛି। ସେହିପରି ଦୀର୍ଘ ଦିନ ପରେ କ୍ଷମତା ଗାଦିକୁ ଫେରିବା ଆଶା ରଖିଛି କଂଗ୍ରେସ । ଅନ୍ୟପଟେ ଆମ ଆଦମୀ ପାର୍ଟି, ଜେଜେପି-ଆଜାଦ ସମାଜ ପାର୍ଟି, ଆଇଏନଏଲଡି-ପିଏସପି ମେଣ୍ଟ ଭାବେ ଚଳିତ ନିର୍ବାଚନରେ ଭାଗ୍ୟ ପରୀକ୍ଷା କରୁଛନ୍ତି ।

ଏଥରେ ନିର୍ବାଚନୀ ମୈଦାନରେ ମୋଟ ୯୦ ଆସନରେ ପ୍ରତିଦ୍ୱନ୍ଦ୍ୱିତା କରୁଛନ୍ତି ୨୦ ହଜାର ୧୦୩୧ ଜଣ ପ୍ରାର୍ଥୀ । ସେମାନଙ୍କ ମଧ୍ୟରେ ୧୦୧ ଜଣ ମହିଳା ପ୍ରାର୍ଥୀ ରହିଛନ୍ତି ।