ଛତିଶଗଡ଼ରେ ନକ୍ସଲଙ୍କ ବର୍ବର କାଣ୍ଡ : 22 ଯବାନ ସହିଦ୍, 32 ଆହତ, ଏବେ ନିଖୋଜ ଅଛନ୍ତି ଯବାନ

ଛତିଶଗଡର ବିଜାପୁରରେ ହୋଇଥିବା ନକ୍ସଲ ଆକ୍ରମଣରେ ଏପର୍ଯ୍ୟନ୍ତ 22 ଜଣ ଯବାନ ସହିଦ ହୋଇଛନ୍ତି

Published: Sunday, April 4, 2021, 13:46 [IST]

ଛତିଶଗଡ : ଛତିଶଗଡର ବିଜାପୁରରେ ହୋଇଥିବା ନକ୍ସଲ ଆକ୍ରମଣରେ ଏପର୍ଯ୍ୟନ୍ତ 22 ଜଣ ଯବାନ ସହିଦ ହୋଇଛନ୍ତି । ଏଥିସହିତ ଜଣେ ଯବାନ ଏବେ ବି ନିଖୋଜ ଅଛନ୍ତି । ଏହି ଆକ୍ରମଣରେ ସମୁଦାୟ 32 ଯବାନ ଆହତ ହୋଇଛନ୍ତି, ଯେଉଁଥିରେ 25 ଜଣ ଯବାନଙ୍କୁ ବିଜାପୁର ହସ୍ପିଟାଲରେ ଚିକିତ୍ସିତ କରାଯାଉଛି । ଅପରପକ୍ଷରେ ଛତିଶଗଡ ପୋଲିସ ମଧ୍ୟ 9 ଜଣ ନକ୍ସଲଙ୍କୁ ହତ୍ୟା କରିଥିବା ଦାବି କରିଛି । ଏଥିସହ ପୋଲିସ ଅଧିକାରୀଙ୍କ ଅନୁଯାୟୀ ସୁରକ୍ଷା ବାହିନୀ ମଧ୍ୟ ମହିଳା ନକ୍ସଲଙ୍କ ମୃତଦେହକୁ ଘଟଣାସ୍ଥଳରୁ ଉଦ୍ଧାର କରିଛି । ଶୁକ୍ରବାର ରାତିରେ ବିଜାପୁର ଏବଂ ସୁକମା ଜିଲ୍ଲାର ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସର କୋବ୍ରା ବାଟାଲିୟନ, DRG ଏବଂ STF ର ମିଳିତ ଦଳ ନକ୍ସଲ ବିରୋଧୀ ଅପରେସନରେ ସାମିଲ ହୋଇଥିଲେ ।

ବିଜାପୁର ଜିଲ୍ଲାର ତରେମ, ଉସୁର, ସୁକମା ଜିଲ୍ଲାର ମୀନାପା ଏବଂ ନରସାପୁରାମରୁ ପ୍ରାୟ ଦୁଇ ହଜାର ଯବାନ ଏହି ଅପରେସନରେ ଜଡିତ ଥିଲେ ।
ଭୁପେଶ ବାଗେଲଙ୍କ ସହ କଥା ହେଲେ ଗୃହମନ୍ତ୍ରୀ
କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଛତିଶଗଡର ମୁଖ୍ୟମନ୍ତ୍ରୀ ଭୁପେଶ ବାଗେଲଙ୍କ ସହ ଏହି ଏନକାଉଣ୍ଟର ସମ୍ପର୍କରେ ଆଲୋଚନା କରିବା ସହ ସେଠାକାର ପରିସ୍ଥିତି ସମ୍ପର୍କରେ ସମସ୍ତ ତଥ୍ୟ ନେଇଛନ୍ତି । CRPFର ମହାନିର୍ଦ୍ଦେଶକଙ୍କୁ ତୁରନ୍ତ ଛତିଶଗଡ ଯିବାକୁ ନିର୍ଦ୍ଦେଶ ଦେଇଛନ୍ତି । ଏହି ଏନକାଉଣ୍ଟରରେ ସହିଦ ହୋଇଥିବା ଯବାନମାନଙ୍କୁ ଶ୍ରଦ୍ଧାଞ୍ଜଳି ଦେବା ସହ କେନ୍ଦ୍ର ଗୃହମନ୍ତ୍ରୀ କହିଛନ୍ତି ଯେ ଦେଶ ସେମାନଙ୍କ ବଳିଦାନକୁ ଭୁଲିବ ନାହିଁ । ଆମେ ଶାନ୍ତି ଏବଂ ବିକାଶର ଶତ୍ରୁମାନଙ୍କ ବିରୁଦ୍ଧରେ ଲଢେଇ ଜାରି ରଖିବୁ।
ତିନି ଘଣ୍ଟା ଧରି ଚାଲିଥିଲା ମୁକାବିଲା

ପୋଲିସ ଅଧିକାରୀ କହିଛନ୍ତି ଯେ ଶନିବାର ମଧ୍ୟାହ୍ନ ପ୍ରାୟ 12 ଟା ସମୟରେ ବିଜାପୁର-ସୁକମା ଜିଲ୍ଲାର ସୀମାନ୍ତରେ ଥିବା ସୁକମା ଜିଲ୍ଲାର ଜଗର୍ଗୁଣ୍ଡା ପୋଲିସ ଷ୍ଟେସନ ଅନ୍ତର୍ଗତ ଜୋନାଗୁଡା ଗ୍ରାମ ନିକଟରେ ନକ୍ସଲମାନଙ୍କ ପିଏଲଜିଏ ବାଟାଲିୟନ ଏବଂ ତାରେମର ସୁରକ୍ଷା ବାହିନୀ ମଧ୍ୟରେ ଏନକାଉଣ୍ଟର ହୋଇଥିଲା । ଏହି ମୁକାବିଲା ତିନି ଘଣ୍ଟାରୁ ଅଧିକ ସମୟ ଧରି ଚାଲିଥିଲା । ସୂଚନାନୁସାରେ, ଏନକାଉଣ୍ଟରରେ କୋବ୍ରା ବାଟାଲିୟନର ଜଣେ ଯବାନ, ବସ୍ତାରିଆ ବାଟାଲିୟନର ଦୁଇ ଜଣ ଯବାନ ଏବଂ DRG ର ଦୁଇ ଜଣ କର୍ମଚାରୀ (ସମୁଦାୟ ପାଞ୍ଚ ଜଣ ଯବାନ) ପ୍ରାଣ ହରାଇଥିଲେ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଃଖ ପ୍ରକାଶ କରିଛନ୍ତି
ଛତିଶଗଡରେ ନକ୍ସଲମାନଙ୍କ ସହ ହୋଇଥିବା ଏନକାଉଣ୍ଟରରେ ସହୀଦ ଯବାନମାନଙ୍କ ପ୍ରତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଃଖ ପ୍ରକାଶ କରିଛନ୍ତି ଏବଂ କହିଛନ୍ତି ଯେ ସେମାନଙ୍କ ବଳିଦାନ କେବେ ଭୁଲି ହେବ ନାହିଁ । ସେ ଟ୍ୱିଟ୍‌ରେ କହିଛନ୍ତି, "ଛତିଶଗଡରେ ମାଓବାଦୀଙ୍କ ସହ ଲଢେଇ ସମୟରେ ସହିଦ ହୋଇଥିବା ଯବାନଙ୍କ ପରିବାର ସହ ମୋର ସମବେଦନା ରହିଛି । ସାହସୀ ସହିଦମାନଙ୍କ ବଳିଦାନ କେବେ ବି ଭୁଲି ପାରିବ ନାହିଁ। ଆହତମାନଙ୍କୁ ଶୀଘ୍ର ଆଶୁ ଆରୋଗ୍ୟ କାମନା କରୁଛି।"
ନକ୍ସଲ ଆକ୍ରମଣକୁ ନିନ୍ଦା କଲେ ମୁଖ୍ୟମନ୍ତ୍ରୀ

Strongly condemn the cowardly attack by left-wing extremists on our jawans in #Sukma, Chhattisgarh. My deepest condolences to the families of the jawans who embraced martyrdom while fighting for the country. Wish speedy recovery to the injured.
— Naveen Patnaik (@Naveen_Odisha) April 4, 2021

ଛତିଶଗଡର ନକ୍ସଲ ଆକ୍ରମଣକୁ ଦୃଢ ଭାବରେ ନିନ୍ଦା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଟ୍ୱିଟ୍ କରି ସେ କହିଛନ୍ତି,
"ଛତିଶଗଡର ସୁକମାରେ ବାମପନ୍ଥୀ ଉଗ୍ରବାଦୀଙ୍କ ଦ୍ୱାରା ହୋଇଥିବା ଭୟଭୀତ ଆକ୍ରମଣକୁ ଦୃଢ ନିନ୍ଦା କରୁଛି । ଦେଶ ପାଇଁ ସଂଗ୍ରାମ କରୁଥିବା ସମୟରେ ସହୀଦ ହୋଇଥିବା ଯବାନଙ୍କ ପରିବାର ପ୍ରତି ମୋର ଗଭୀର ସମବେଦନା । ଆହତମାନଙ୍କୁ ଆଶୁ ଆରୋଗ୍ୟ କାମନା କରୁଛି ।"

Published On April 4, 2021