ଦୀପାବଳିରେ ଦିଲ୍ଲୀ ଅଗ୍ନିଶମ ସେବାକୁ ଜରୁରୀକାଳୀନ 201 କଲ୍
ଦୀପାବଳିରେ ଦିଲ୍ଲୀ ଅଗ୍ନିଶମ ସେବାକୁ ଜରୁରୀକାଳୀନ 201 କଲ୍ । ଦୀପାବଳୀରେ ବାଣ ଫୁଟାଇବା ପାଇଁ ଥିଲା ବାରଣ ।
ନୂଆଦିଲ୍ଲୀ: ଦିଲ୍ଲୀ ସରକାର ସମସ୍ତ ପ୍ରକାରର ବାଣ ଫୁଟାଇବା ପାଇଁ ବାରଣ କରିବା ସତ୍ତ୍ବେ ବି ଅଗ୍ନିଶମ ବିଭାଗକୁ ମିଳିଛି 2ଶହରୁ ଅଧିକ ଫୋନ କଲ୍ । ଅନେକ ସ୍ଥାନରେ ଘଟିଛି ଅଗ୍ନିକାଣ୍ଡ । ଅଧିକାରୀମାନେ କହିଛନ୍ତି ଯେ ବାଣ ଫୁଟାଇବା କାରଣରୁ ଅଗ୍ନିକାଣ୍ଡ ସହିତ କେବଳ ନଅଟି କଲ୍ ଜଡିତ ଥିଲା।
ଦିଲ୍ଲୀ ଅଗ୍ନିଶମ ସେବା (ଡିଏଫଏସ)ର ନିର୍ଦ୍ଦେଶକ ଅତୁଲ ଗର୍ଗ କହିଛନ୍ତି, "ଦୀପାବଳିରେ ମୋଟ 201 ଟି କଲ୍ ସହରରୁ ଆସିଥିଲା । ଅନ୍ୟ ଜଣେ ଅଗ୍ନିଶମ ଅଧିକାରୀ କହିଛନ୍ତି, "ଅନେକ ଅଗ୍ନିକାଣ୍ଡ , ଅନେକ ବାଣ ଫୁଟାଇବା ଏବଂ ଆଉ କିଛି ଅଳିଆ ଆବର୍ଜନାରେ ନିଆଁ ଲାଗିବା ଥିଲା। ଅଳିଆ ଗଦାରେ ବାଣ ପକାଇବା ପରେ ନିଆଁ ଲାଗିବା ପରେ ସ୍ଥାନୀୟ ଲୋକେ ଅଗ୍ନିଶମ ବିଭାଗର ସାହାଯ୍ୟ ନେଇଥିଲେ । ତଥ୍ୟ ଅନୁଯାୟୀ, 2021 ରେ ବିଭାଗ ଦ୍ୱାରା 152 ଟି ଅଗ୍ନି ସମ୍ବନ୍ଧୀୟ କଲ୍ ଗ୍ରହଣ କରାଯାଇଥିଲା। 2020 ରେ, ମୋଟ 205 ଟି କଲ୍ ଗ୍ରହଣ କରାଯାଇଥିବାବେଳେ 2019 ରେ 245 ଟି କଲ୍ ପାଇଥିଲା ।
ସୋମବାର ଦିନ ପୂର୍ବ ଦିଲ୍ଲୀର ଗାନ୍ଧୀ ନଗର ଅଞ୍ଚଳରେ ସବୁଠାରୁ ବଡ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି । ନିଆଁ ଲିଭାଇବା ପାଇଁ 10ଟି ଅଗ୍ନିଶମ ଗାଡି କୁ ସେବାରେ ନିୟୋଜିତ କରାଯାଇଛି। ଦୀପାବଳି ସନ୍ଧ୍ୟାରେ ଏହି ଅଞ୍ଚଳର ଏକ କାରଖାନାରେ ଅଗ୍ନିକାଣ୍ଡ ଘଟିବା ଫରେ ଘଟଣାସ୍ଥଳରୁ 4 ଜଣଙ୍କୁ ଉଦ୍ଧାର କରାଯାଇଥିବା ବେଳେ ଦୁଇ ଜଣ ଅଗ୍ନିଶମ କର୍ମଚାରୀ ଆହତ ହୋଇଛନ୍ତି। ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣାପଡିନାହିଁ।
ଅଗ୍ନିଶମ ଅଧିକାରୀ କହିଛନ୍ତି ଯେ ସନ୍ଧ୍ୟା ପ୍ରାୟ 6.50 ସମୟରେ ଗାନ୍ଧୀ ନଗର ଅଞ୍ଚଳରୁ ଗଳି ନମ୍ବର 12, ରଘୁବର ପୁରା-2 ରେ ଥିବା ଏକ କାରଖାନାରେ ଅଗ୍ନିକାଣ୍ଡ ଘଟିଥିଲା ଯାହା ପରେ 10 ଟି ଅଗ୍ନିଶମ ଗାଡି ଘଟଣାସ୍ଥଳରେ ପହଞ୍ଚିଥିଲା। ଅନ୍ୟ ଏକ ଘଟଣାରେ ଉତ୍ତର-ପଶ୍ଚିମ ଦିଲ୍ଲୀର ପ୍ରଶାନ୍ତ ବିହାର ଅଞ୍ଚଳର ଏକ ରେଷ୍ଟୁରାଣ୍ଟରେ ଅଗ୍ନିକାଣ୍ଡ ଘଟିଛି। ଅଗ୍ନିଶମ ବିଭାଗର ଜଣେ ଅଧିକାରୀ କହିଛନ୍ତି, "ଆମେ ରାତି 8.50 ରେ ଅଗ୍ନିକାଣ୍ଡ ସମ୍ପର୍କରେ ସୂଚନା ପାଇଥିଲୁ । ଯାହା ପରେ ଘଟଣାସ୍ଥଳରେ 7ଟି ଅଗ୍ନିଶମ ଗାଡି ନିଆଯାଇଥିଲା। ଚଳିତ ବର୍ଷର ଦୀପାବଳିରେ ରାଜଧାନୀରେ ଅଗ୍ନିଶମ ବିଭାଗର ପ୍ରାୟ 2,900 କର୍ମଚାରୀ ନିୟୋଜିତ ହୋଇଥିଲେ ଏବଂ ଏଥିସହ ଦୀପାବଳି ଉଦ୍ଦେଶ୍ୟରେ ଅତିରିକ୍ତ ଅଗ୍ନିଶମ କେନ୍ଦ୍ର ମଧ୍ୟ ସ୍ଥାପନ କରାଯାଇଥିଲା।
Click it and Unblock the Notifications
Sign in with Google