ମୁମ୍ବାଇରେ ନିର୍ମାଣ ହେବ ୨୦୦୦ ଶଯ୍ୟା ବିଶିଷ୍ଟ 'ଫ୍ୟୁଚର ହସ୍ପିଟାଲ', ମିଳିବ AI ଆଧୁନିକ ଚିକିତ୍ସା
ଦେଶର ଆର୍ଥିକ ରାଜଧାନୀ ମୁମ୍ବାଇ ଖୁବ୍ଶୀଘ୍ର ଏକ 'ଫ୍ୟୁଚର ହସ୍ପିଟାଲ'ର ସାକ୍ଷୀ ହେବ । ଯାହା ସ୍ୱାସ୍ଥ୍ୟ ସେବାର ବଦଳାଇ ଦେବ ଚିତ୍ର । ରିଲାଏନ୍ସ ଫାଉଣ୍ଡେସନ୍ ଅଧ୍ୟକ୍ଷା ନୀତା ଅମ୍ବାନୀ ଶୁକ୍ରବାର ରିଲାଏନ୍ସ ଇଣ୍ଡଷ୍ଟ୍ରିଜ୍ ବାର୍ଷିକ ସାଧାରଣ ସଭା (AGM 2025)ରେ ଏନେଇ ଘୋଷଣା କରିଛନ୍ତି । ସେ କହିଛନ୍ତି ଯେ ମୁମ୍ବାଇରେ ଏକ ୨୦୦୦ ଶଯ୍ୟା ବିଶିଷ୍ଟ ଆଡଭାନ୍ସଡ୍ ମେଡିକାଲ୍ ସିଟି ନିର୍ମାଣ କରାଯାଉଛି ।
ବିଶେଷ କଥା ହେଉଛି ଏହା କେବଳ ଏକ ହସ୍ପିଟାଲ୍ ହେବ ନାହିଁ ବରଂ ଏଠାରେ AI ଏବଂ ଆଧୁନିକ ଚିକିତ୍ସା ଟେକନିକ୍ ସହିତ ସଜ୍ଜିତ ଡାଇଗ୍ନୋଷ୍ଟିକ୍ ସିଷ୍ଟମ୍ ବ୍ୟବହାର କରାଯିବ। ନୀତା ଅମ୍ବାନୀ କହିଛନ୍ତି ଯେ ଫାଉଣ୍ଡେସନ୍ର ଗ୍ରାମୀଣ ବିକାଶ ପଦକ୍ଷେପଗୁଡ଼ିକ ଚଳିତବର୍ଷ ୫୫ହଜାରରୁ ଅଧିକ ଗାଁରେ ୧୫ ଲକ୍ଷ ଲୋକଙ୍କ ଜୀବନକୁ ଉନ୍ନତ କରିଛି।
ନୀତା ଅମ୍ବାନୀ କହିଛନ୍ତି ଯେ ଗ୍ରାମୀଣ ବିକାଶ, ଶିକ୍ଷା ଏବଂ ସ୍ୱାସ୍ଥ୍ୟ ଭଳି କ୍ଷେତ୍ରରେ ରିଲାଏନ୍ସ ଫାଉଣ୍ଡେସନ୍ର ପଦକ୍ଷେପ ଦେଶର ପ୍ରତ୍ୟେକ କୋଣରେ ପହଞ୍ଚିଛି । ସେ କହିଥିଲେ, "ଏହା କେବଳ ଏକ ହସ୍ପିଟାଲ ହେବ ନାହିଁ, ବରଂ ଭାରତରେ ସ୍ୱାସ୍ଥ୍ୟସେବା ନବସୃଜନର ଏକ ନୂତନ କେନ୍ଦ୍ର ହେବ । ଏଠାରେ AI ସାହାଯ୍ୟରେ ରୋଗ ଚିହ୍ନଟ କରାଯିବ। ଉନ୍ନତ ଚିକିତ୍ସା ଟେକ୍ନୋଲୋଜି, ଭାରତ ଏବଂ ବିଶ୍ୱର ସର୍ବୋତ୍ତମ ଡାକ୍ତରମାନେ ଏଠାରେ ଚିକିତ୍ସାର ଉଚ୍ଚ ମାନଦଣ୍ଡ ପୂରଣ କରିବେ।"
ସେ ଆହୁରି କହିଥିଲେ ଯେ ଏଠାରେ ଏକ ମେଡିକାଲ କଲେଜ ମଧ୍ୟ ନିର୍ମାଣ କରାଯିବ ଯାହା ଦ୍ୱାରା ଭବିଷ୍ୟତର ଡାକ୍ତରମାନେ ପ୍ରସ୍ତୁତ ହୋଇପାରିବେ ।ମୁମ୍ବାଇର ସାର୍ HN ରିଲାଏନ୍ସ ଫାଉଣ୍ଡେସନ୍ ହସ୍ପିଟାଲ ୩୩ ଲକ୍ଷ ରୋଗୀଙ୍କୁ ଚିକିତ୍ସା କରିଛି ଏବଂ ଏହାକୁ ଭାରତର ଅଗ୍ରଣୀ ମଲ୍ଟି-ସ୍ପେଶାଲିଟି ହସ୍ପିଟାଲର ମାନ୍ୟତା ଦିଆଯାଇଛି ।
ନୀତା ଅମ୍ବାନୀ କହିଥିଲେ, ହସ୍ପିଟାଲ ଏବେ ଏହାର କାର୍ଯ୍ୟକୁ ବିସ୍ତାର କରୁଛି ଏବଂ ଜୀବନ ନାମକ ଏକ ନୂତନ ଶାଖା ଆରମ୍ଭ କରୁଛି। ଏହା ବିଶେଷ ଭାବରେ କେମୋଥେରାପି ଏବଂ ଇମ୍ୟୁନୋଥେରାପି ପାଇଁ ହେବ । ଯେଉଁଥିରେ ପିଲାମାନଙ୍କର କର୍କଟ ଚିକିତ୍ସା ଉପରେ ବିଶେଷ ଧ୍ୟାନ ଦିଆଯିବ।
ନୀତା ଅମ୍ବାନୀ ଜୋର ଦେଇ କହିଥିଲେ ଯେ ଆମର ଲକ୍ଷ୍ୟ କେବଳ କ୍ଷମତା ବିସ୍ତାର କରିବା ନୁହେଁ, ବରଂ ପ୍ରତ୍ୟେକ ଭାରତୀୟଙ୍କ ପାଇଁ ବିଶ୍ୱସ୍ତରୀୟ ସ୍ୱାସ୍ଥ୍ୟସେବା ସୁଲଭ କରିବା । ସେ କହିଥିଲେ, "ଆମର ଲକ୍ଷ୍ୟ ହେଉଛି ଭାରତର ପ୍ରତ୍ୟେକ କୋଣରେ ୧ କୋଟିରୁ ଅଧିକ ପିଲାଙ୍କୁ ବିଶ୍ୱସ୍ତରୀୟ ଶିକ୍ଷା ପ୍ରଦାନ କରିବା। ସେ ଗୁରୁତ୍ୱାରୋପ କରିଥିଲେ ଯେ କ୍ରୀଡା ଜୀବନକୁ ପରିବର୍ତ୍ତନ କରିବାର ଶକ୍ତି ରଖେ । ସେ କହିଥିଲେ ଯେ 'ସମସ୍ତଙ୍କ ପାଇଁ ଶିକ୍ଷା ଏବଂ କ୍ରୀଡା' କାର୍ଯ୍ୟକ୍ରମ ମାଧ୍ୟମରେ ରିଲାଏନ୍ସ ଫାଉଣ୍ଡେସନ ଏପର୍ଯ୍ୟନ୍ତ ୨.୩ କୋଟିରୁ ଅଧିକ ପିଲାଙ୍କ ନିକଟରେ ପହଞ୍ଚିଛି।
Click it and Unblock the Notifications
Sign in with Google