ଜନ୍ମଦିନର ଖୁସି ହୋଇଗଲା ଚିତ୍କାରରେ ପରିଣତ, ଯୁବତୀଙ୍କୁ ଗଣବଳାତ୍କାର

ପଶ୍ଚିମବଙ୍ଗର ହରିଦେବପୁର ଅଞ୍ଚଳରେ ଜଣେ ୨୦ବର୍ଷୀୟା ମହିଳାଙ୍କୁ ଦୁଇ ଜଣ ପରିଚିତ ବ୍ୟକ୍ତି ଗଣବଳାତ୍କାର କରିଛନ୍ତି। ଶୁକ୍ରବାର ମହିଳା ଜଣଙ୍କ ତାଙ୍କ ଜନ୍ମଦିନ ପାଳନ କରୁଥିବାବେଳେ ତାଙ୍କୁ ବଳାତ୍କାର କରାଯାଇଥିବା ଅଭିଯୋଗ କରିଛନ୍ତି। ଅଭିଯୁକ୍ତ ଦୁଇଜଣ ହେଲେ ଚନ୍ଦନ ମଲିକ ଓ ଦୀପ ବିଶ୍ବାସ। ସେମାନେ ଏବେ ଫେରାର ଅଛନ୍ତି। ପୀଡିତା ମହିଳା ଜଣଙ୍କ ଚନ୍ଦନଙ୍କୁ କିଛି ମାସ ତଳେ ଭେଟିଥିଲେ। ଚନ୍ଦନ ନିଜକୁ ଦକ୍ଷିଣ କଲକାତା ପୂଜା କମିଟିର ମୁଖ୍ୟ ବୋଲି କହିବା ସହିତ ଦୀପ ବିଶ୍ବାସଙ୍କ ସହିତ ପରିଚିତ କରାଇଥିଲେ।

ଯୁବତୀଙ୍କ ଅଭିଯୋଗ ଅନୁଯାୟୀ, ଚନ୍ଦନ ତାଙ୍କୁ ଜନ୍ମଦିନ ଉତ୍ସବ ପାଇଁ ଦୀପଙ୍କ ଘରକୁ ନେଇଥିଲେ। ପୋଲିସ ସୂତ୍ରରୁ ଜଣାପଡ଼ିଛି, "ଶୁକ୍ରବାର ଥିଲା ଯୁବତୀଙ୍କ ଜନ୍ମଦିନ। ଏହି ଅବସରରେ ଚନ୍ଦନ ଓ ଦୀପ ତାଙ୍କୁ ଦୀପଙ୍କ ଫ୍ଲାଟକୁ ନେଇଥିଲେ। ସେଠାରେ ସେମାନେ ଏକାଠି ଖାଇବା ଖାଇଥିଲେ। ଯୁବତୀ ଘରକୁ ଫେରିବାକୁ ଚାହିଁବାରୁ ଅଭିଯୁକ୍ତମାନେ ତାଙ୍କୁ ଅଟକାଇ କବାଟ ବନ୍ଦ କରି ବଳାତ୍କାର କରିଥିଲେ।"

ଶନିବାର ସକାଳ ପ୍ରାୟ ୧୦:୩୦ରେ ଯୁବତୀ କୌଣସି ପ୍ରକାରେ ଖସି ପଳାଇବାରେ ସଫଳ ହୋଇଥିଲେ। ଘରକୁ ଫେରି ସେ ପରିବାରକୁ ଘଟଣା ବିଷୟରେ ଜଣାଇଥିଲେ, ପରେ ଶନିବାରଏକ ଏଫଆଇଆର ରୁଜୁ ହୋଇଥିଲା। ପୋଲିସ ଅଧିକାରୀ କହିଛନ୍ତି, "ଆମେ ଫେରାର ଅଭିଯୁକ୍ତଙ୍କୁ ଖୋଜିବା ଆରମ୍ଭ କରିଛୁ।"

ଯୁବତୀଙ୍କ ଅଭିଯୋଗ ଅନୁଯାୟୀ, କିଛି ମାସ ପୂର୍ବେ ତାଙ୍କର ଚନ୍ଦନଙ୍କ ସହ ପରିଚୟ ହୋଇଥିଲା, ଯିଏ ନିଜକୁ ଦକ୍ଷିଣ କୋଲକାତାର ଏକ ବଡ଼ ଦୁର୍ଗା ପୂଜା କମିଟିର ମୁଖ୍ୟ ବୋଲି ପରିଚୟ ଦେଇଥିଲେ। ଚନ୍ଦନଙ୍କ ମାଧ୍ୟମରେ ସେ ଦୀପଙ୍କୁ ଭେଟିଥିଲେ ଓ ତିନିଜଣ ପରସ୍ପର ସହ ଯୋଗାଯୋଗରେ ଥିଲେ। ଅଭିଯୁକ୍ତମାନେ ତାଙ୍କୁ ପୂଜା କମିଟିରେ ସାମିଲ କରାଇବାର ପ୍ରତିଶ୍ରୁତି ଦେଇଥିଲେ।