ମୁହାଁମୁହିଁ ଧକ୍କା ମାଲବାହୀ ଟ୍ରେନ୍‌ ; ୨ ଆହତ

ଉତ୍ତର ପ୍ରଦେଶର ଫତେହପୁରରେ ଏକ ରେଳ ଦୁର୍ଘଟଣା ଘଟିଛି । ଏଠାରେ ଗୋଟିଏ ହିଁ ଟ୍ରାକ୍ ଉପରେ ଆସୁଥିବା ଦୁଇଟି ମାଲଗାଡ଼ି ମଧ୍ୟରେ ଧକ୍କା ହୋଇଛି । ଏହି ଦୁର୍ଘଟଣାରେ ମାଲବାହୀ ଟ୍ରେନ୍‌ର ୨ ଲୋକୋ ପାଇଲଟ୍‌ ଗୁରୁତର ଆହତ ହୋଇଛନ୍ତି। ଦୁର୍ଘଟଣା ପରେ ବିଭାଗୀୟ ଅଧିକାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରି ସାରିଛନ୍ତି।

ସୂଚନାନୁଯାୟୀ, ୨ଟି ଯାକ ମାଲବାହୀ ଟ୍ରେନ୍‌ ଗୋଟିଏ ଧାରଣାରେ ସାମ୍ନାସାମ୍ନି ହେବା ପରେ ଧକ୍କା ହୋଇଥିଲା । ଗୁରୁତର ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଦୁର୍ଘଟଣା ପରେ ଟ୍ରେନ୍‌ ଚଳାଚଳ ବାଧାପ୍ରାପ୍ତ ହୋଇଛି । ଅନେକ ଟ୍ରେନ୍‌କୁ ଅଟକାଇ ରଖାଯିବା ସହ ମାର୍ଗ ପରିବର୍ତ୍ତନ କରାଯାଇଛି।