ଶପଥ ନେବେ ୨ ଉପମୁଖ୍ୟମନ୍ତ୍ରୀ ! ମହିଳା ବିଧାୟକଙ୍କୁ ମିଳିବ ବଡ଼ ଦାୟିତ୍ୱ

ଦିଲ୍ଲୀ ବିଧାୟକ ଦଳରେ ନେତା ତଥା ମୁଖ୍ୟମନ୍ତ୍ରୀ ଚୟନ କରିବା ପାଇଁ ବୁଧବାର ବିଜେପିର ଏକ ଗୁରୁତ୍ୱପୂର୍ଣ୍ଣ ବୈଠକ ଆରମ୍ଭ ହୋଇଯାଇଛି ଖୁବ୍ ଶୀଘ୍ର ନାମ ମଧ୍ୟ ଘୋଷଣା କରାଯିବ । ସେହିପରି ଫେବୃଆରୀ 20 ତାରିଖରେ ରାମଲୀଳା ମଇଦାନରେ ଶପଥ ଗ୍ରହଣ ସମାରୋହ ଅନୁଷ୍ଠିତ ହେବ।

ଦିଲ୍ଲୀ ମୁଖ୍ୟମନ୍ତ୍ରୀ ଦୌଡ଼ରେ ଆଗରେ ଥିବା ରେଖା ଗୁପ୍ତା କହିଛନ୍ତି, "ଦିଲ୍ଲୀର ଇଚ୍ଛା ପୂରଣ ହୋଇଛି।27 ବର୍ଷ ପରେ ରାମ ରାଜ୍ୟ ପ୍ରତିଷ୍ଠା ହୋଇଛି । ଯେତେବେଳେ ଶପଥ ନିଆଯିବ, ଦିଲ୍ଲୀର ପ୍ରତ୍ୟେକ ନାଗରିକ ଆନନ୍ଦିତ ନଜର ଆସିବେ । ଖବର ରହିଛି ଏଥର ଦିଲ୍ଲୀର ଦୁଇ ଉପମୁଖ୍ୟମନ୍ତ୍ରୀ ଶପଥ ନେବେ । ବିଜେପି ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଭାରତୀୟ ଜନତା ପାର୍ଟି ଦିଲ୍ଲୀରେ ଜଣେ ମୁଖ୍ୟମନ୍ତ୍ରୀ ଏବଂ ଦୁଇଜଣ ଉପମୁଖ୍ୟମନ୍ତ୍ରୀ କରିବାକୁ ନିଷ୍ପତ୍ତି ନେଇପାରେ । ନାମଗୁଡ଼ିକ ପ୍ରାୟ ଚୂଡ଼ାନ୍ତ ହୋଇସାରିଛି। ଯଦି ସୂତ୍ରଗୁଡ଼ିକୁ ବିଶ୍ୱାସ କରାଯାଏ, ତେବେ ଏଥର ଜଣେ ମହିଳା ବିଧାୟକଙ୍କୁ ଏକ ଗୁରୁତ୍ୱପୂର୍ଣ୍ଣ ଦାୟିତ୍ୱ ଦିଆଯାଇପାରେ।

ଅନ୍ୟପକ୍ଷରେ ଶପଥ ଗ୍ରହଣ ଉତ୍ସବରେ ଯୋଗଦେବା ପାଇଁ ଅରବିନ୍ଦ କେଜରିୱାଲ, ପୂର୍ବତନ ମୁଖ୍ୟମନ୍ତ୍ରୀ ଆତିଶୀ ଏବଂ କଂଗ୍ରେସ ରାଜ୍ୟ ସଭାପତି ଦେବେନ୍ଦ୍ର ଯାଦବଙ୍କୁ ନିମନ୍ତ୍ରଣ କରାଯାଇଛି। ଦିଲ୍ଲୀର ନୂତନ ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ଉତ୍ସବ ଦିନ ରାମଲୀଳା ମଇଦାନ ଏବଂ ଏହାର ଆଖପାଖରେ 5,000 ରୁ ଅଧିକ ସୁରକ୍ଷା କର୍ମୀ ମୁତୟନ ହେବେ। ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଦିନରେ ଆଇନ ଶୃଙ୍ଖଳା ଏବଂ ଟ୍ରାଫିକ୍ ପରିଚାଳନା ବଜାୟ ରଖିବା ପାଇଁ10 ରୁ ଅଧିକ ଅର୍ଦ୍ଧସାମରିକ ବାହିନୀ ମଧ୍ୟ ନିୟୋଜିତ ହେବେ।

ଦିଲ୍ଲୀର ପରବର୍ତ୍ତୀ ମୁଖ୍ୟମନ୍ତ୍ରୀ ଫେବୃଆରୀ 20 ତାରିଖରେ ରାମଲୀଳା ମଇଦାନରେ ତାଙ୍କ ମନ୍ତ୍ରୀ ପରିଷଦ ସହିତ ଶପଥ ଗ୍ରହଣ କରିବେ। ବିଜେପି ଶାସିତ ରାଜ୍ୟଗୁଡ଼ିକର ମୁଖ୍ୟମନ୍ତ୍ରୀଙ୍କ ସମେତ ଶୀର୍ଷ ବିଜେପି ନେତାମାନେ ଏଥିରେ ଯୋଗ ଦେବାର ସମ୍ଭାବନା ରହିଛି।