୧୬ ବର୍ଷୀୟ ନାବାଳିକା/ନାବାଳକ ନେଇ ପାରିବେ ଶାରୀରିକ ସଂପର୍କ ନିଷ୍ପତ୍ତି: ମେଘାଳୟ ହାଇକୋର୍ଟ
ଶିଲଂ: ମେଘାଳୟ ହାଇକୋର୍ଟ ୧୬ ବର୍ଷୀୟ ନାବାଳିକା ଯୌନ ଶୋଷଣ ମାମଲାରେ ବଡ଼ ତର୍କ ଦେଇ ଫୈସଲା ଶୁଣାଇଛନ୍ତି । ହାଇକୋର୍ଟ ନାବାଳିକାଙ୍କ ବିରୋଧରେ ଯୌନ ଅପରାଧରୁ ଶିଶୁଙ୍କ ସଂରକ୍ଷଣ ପାଇଁ ରହିଥିବା ପକ୍ସୋ ଅଧିନିୟମ ୨୦୧୨ର ଧାରା ୩ ଏବଂ ୪ ଆଧାରରେ ରୁଜୁ ଏଫଆଇଆରକୁ ରଦ୍ଦ କରି ରାୟ ଶୁଣାଇଛନ୍ତି ଯେ, ୧୬ ବର୍ଷୀୟା ନାବାଳିକା ଯୌନ ସମ୍ପର୍କ ବନାଇବାକୁ ନେଇ ସଚେତ ନିର୍ଣ୍ଣୟ ନେବାରେ ସକ୍ଷମ ।
ମେଘାଳୟ ହାଇକୋର୍ଟ କହିଛନ୍ତି କି, ଏହି ଆଇନ ସ୍ପଷ୍ଟ ଭାବେ ଦର୍ଶାଉଛି କି ଏହା ସେହି ମାମଲାଗୁଡିକୁ ଅନ୍ତର୍ଭୁକ୍ତ କରିବାକୁ ଚାହୁଁନାହିଁ ଯେଉଁଠାରେ ପୁଅ ଏବଂ ଝିଅ ପ୍ରେମ ସଂପର୍କରେ ସଂପୃକ୍ତ ଅଛନ୍ତି ।
ପ୍ରକାଶଯୋଗ୍ୟ, ଜଣେ ଯୁବକଙ୍କ ସହ ଶାରୀରିକ ସଂପର୍କରେ ରହଥିବା ଜଣେ ଯୁବତୀ ତାଙ୍କ ଉପରେ ଯୌନ ଶୋଷଣର ଅଭିଯୋଗ କରିଥିଲେ । ମେଘାଳୟ ହାଇକୋର୍ଟ ପ୍ରେମ ପ୍ରସଙ୍ଗ ସହ ସମ୍ବନ୍ଧିତ ଏହି ମାମଲାର ଶୁଣାଣି କରିଛନ୍ତି । ଆବେଦନକାରୀ ଅଭିଯୁକ୍ତ ଅନେକ ଘରେ କାମ କରୁଥିଲା ଏବଂ ଏଥିରେ ପୀଡିତା ନାବାଳିକାଙ୍କ ଘର ମଧ୍ୟ ସାମିଲ ଥିଲା । ଏହିଠାରୁ ହିଁ ଉଭୟଙ୍କ ମଧ୍ୟରେ ବନ୍ଧୁତ୍ୱ ସ୍ଥାପନା ହୋଇଥିଲା ଏବଂ ଏହି ବନ୍ଧୁତା ଭଲପାଇବାରେ ପରିଣତ ହୋଇଥିଲା । ଏହାରି ମଧ୍ୟରେ ଉଭୟ ଶାରୀରିକ ସମ୍ପର୍କ ମଧ୍ୟ ରଖିଥିଲେ । ଯେତେବେଳେ ଏ ସମ୍ପର୍କରେ ଯୁବତୀଙ୍କ ମା' ଜାଣିବାକୁ ପାଇଲେ ତେବେ ମାଆ ଆଇପିସିର ଧାରା ୩୬୩ ଏବଂ ପକ୍ସୋ ଆଇନର ଧାରା ୩ ଏବଂ ୪ ଆଧାରରେ ଏଫଆଇଆର୍ ରୁଜୁ କରିଥିଲେ ।
ମାମଲାର ଶୁଣାଣି କରି କୋର୍ଟ କହିଛନ୍ତି କି ପରିବର୍ତ୍ତିତ ସାମାଜିକ ଆବଶ୍ୟକତା ସହ ତାଳ ଦେଇ ଆଇନରେ ଆଇନରେ ଆବଶ୍ୟକ ପରିବର୍ତ୍ତନ ଆଣିବାର ଆବଶ୍ୟକତା ରହିଛି । କାରଣ ୧୬ ବର୍ଷ ବୟସରେ ନାବାଳକର ଶାରୀରିକ ଓ ମାନସିକ ବିକାଶକୁ ଦୃଷ୍ଟିରେ ରଖି ଏଭଳି ବ୍ୟକ୍ତି ତା'ର ମଙ୍ଗଳ ସମ୍ବନ୍ଧରେ ନିଷ୍ପତ୍ତି ନେବାରେ ସକ୍ଷମ ହେବା ଯୁକ୍ତିଯୁକ୍ତ ବୋଲି ବିବେଚନା କରାଯିବ ।
ନାବାଳକଙ୍କ ଓକିଲ କୋର୍ଟରେ ଯୁକ୍ତି ବାଢିଥିଲେ ଯେ ଏହା ଯୌନ ଉତ୍ପୀଡନ ମାମଲା ନୁହେଁ ବରଂ ସମ୍ପୂର୍ଣ୍ଣ ସହମତି କ୍ରମେ ସଂପର୍କ । ଏହି ମାମଲାରେ ଅଭିଯୁକ୍ତ ନିଜ ଓକିଲଙ୍କ ଜରିଆରେ ହାଇକୋର୍ଟଙ୍କୁ କହିଥିଲେ କି, ପୀଡିତା ନିଜେ ତାଙ୍କ ବୟାନରେ ଏବଂ କୋର୍ଟ ସାକ୍ଷ୍ୟ ସମୟରେ ପ୍ରକାଶ କରିଛନ୍ତି ଯେ, ଯୌନ ସଂପର୍କରେ କୌଣସି ଜୋର ଜବରଦସ୍ତି ସଂପୃକ୍ତି ନାହିଁ ।
Click it and Unblock the Notifications
Sign in with Google