ମହାକୁମ୍ଭ ପାଇଁ ନୂଆଦିଲ୍ଲୀ ରେଳ ଷ୍ଟେସନର ଦଳଚକଟା ସ୍ଥିତି

New Delhi: ନୂଆଦିଲ୍ଲୀ ରେଳ ଷ୍ଟେସନର ୧୩-୧୪ ନମ୍ବର ପ୍ଲାଟଫର୍ମରେ ଦଳଚକଟା ସ୍ଥିତି । ଅତ୍ୟଧିକ ଭିଡ଼ ଯୋଗୁଁ ଶ୍ୱାସରୁଦ୍ଧ ଭଳି ପରିସ୍ଥିତି ସୃଷ୍ଟି ହୋଇଥିଲା ଯାହା ଫଳରେ ଅନେକ ଲୋକ ଚେତାଶୂନ୍ୟ ହୋଇ ପଡ଼ିଥିବା ନେଇ ସୂଚନା ରହିଛି । ୧୫ ଜଣ ଆହତ ହୋଇଥିବା ନେଇ ସୂଚନା ରହିଛି, ଆହତଙ୍କ ମଧ୍ୟରେ ଅଧିକାଶଂ ମହିଳା ରହିଛନ୍ତି । ସ୍ଥିତି ନିୟନ୍ତ୍ରଣ କରିବା ପାଇଁ ଉଦ୍ୟମ କରାଯାଉଛି ।

ସୂଚନା ଅନୁସାରେ, ମହାକୁ୍ମ୍ଭ ପାଇଁ ପ୍ରୟାଗରାଜ ଯିବା ପାଇଁ ରାତି ୮ଟାରେ ଅନେକ ଲୋକ ହଠାତ୍ ନୂଆଦିଲ୍ଲୀ ଷ୍ଟେସନରେ ପହଞ୍ଚିବା ଆରମ୍ଭ କରିଥିଲେ, ଯାହା ଫଳରେ ସେଠାରେ ବିଶୃଙ୍ଖଳା ସୃଷ୍ଟି ହୋଇଥିଲା। ଦଳାଚକଟାରେ ୧୫ ଜଣ ଆହତ ହୋଇଛନ୍ତି। କୁହାଯାଉଛି ଯେ ଦୁଇ ଜଣଙ୍କ ଅବସ୍ଥା ଗୁରୁତର ରହିଛି ଏବଂ ସେମାନଙ୍କୁ ଡାକ୍ତରଖାନାକୁ ନିଆଯାଇଛି। ପ୍ରୟାଗରାଜ ପାଇଁ ଦୁଇଟି ସ୍ୱତନ୍ତ୍ର ଟ୍ରେନ୍ ଚଲୁଛି ଏବଂ ଖୁବ୍ ଶୀଘ୍ର ଆହୁରି ଟ୍ରେନ୍ ସଂଖ୍ୟା ବଢାଯିବା ନେଇ ସୂଚନା ରହିଛି ।