MP Accident: ଓଲଟିଲା ପିକ୍ଅପ୍ ଭ୍ୟାନ୍; ଗଲା ୧୪ ଜୀବନ, ୨୧ ଆହତ
ମଧ୍ୟପ୍ରଦେଶ ଦୁର୍ଘଟଣା: ମଧ୍ୟପ୍ରଦେଶର ଡିଣ୍ଡୋରିରୁ ଏକ ଭୟଙ୍କର ସଡ଼କ ଦୁର୍ଘଟଣାର ଖବର ସାମ୍ନାକୁ ଆସିଛି । ସୂଚନାନୁସାରେ, ଏହି ଦୁର୍ଘଟଣାରେ ୧୪ ଜଣଙ୍କର ମୃତ୍ୟୁ ହୋଇଥିବାବେଳେ ୨୧ ଜଣ ଆହତ ହୋଇଛନ୍ତି । ଆହତମାନଙ୍କୁ ଚିକିତ୍ସା ପାଇଁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି । ଯେଉଁଠାରେ କେତେକଙ୍କ ଅବସ୍ଥା ଗୁରୁତର ରହିଛି ।
ଦୁର୍ଘଟଣା ପରେ ଚିତ୍କାର
ମଧ୍ୟପ୍ରଦେଶର ଡିଣ୍ଡୋରିରେ ଏକ ଭୟଙ୍କର ସଡ଼କ ଦୁର୍ଘଟଣା ପରେ ଚିତ୍କାର ଦେଖିବାକୁ ମିଳିଥିଲା । ଏହି ଦୁର୍ଘଟଣା ଶାହାପୁରା ପୋଲିସ ଷ୍ଟେସନ ଏବଂ ବିଚିଆ ପୋଲିସ ପୋଷ୍ଟ ଅଞ୍ଚଳରେ ଥିବା ବାଦଝାର ଘାଟିରେ ଘଟିଥିଲା। କୁହାଯାଉଛି ଯେ ପିକଅପ୍ ଗାଡିଟି ଓଲଟି ପଡିଛି ଯେଉଁଥିପାଇଁ ୧୪ ଜଣ ଲୋକ ଘଟଣାସ୍ଥଳରେ ପ୍ରାଣ ହରାଇଛନ୍ତି ।
ସମସ୍ତେ ପିକ୍ଅପ୍ ଭ୍ୟାନ୍ରେ ଏକ ଶାଦଖିଆ କାର୍ଯ୍ୟକ୍ରମରେ ଯୋଗ ଦେବାକୁ ଯାଇଥିଲେ। ସେଠାରୁ ଫେରିବା ବେଳେ ଗାଡ଼ିଟି ଦ୍ରୁତ ଗତିରେ ଥିଲା, ଆଉ ଡ୍ରାଇଭର ତାହା ଉପରୁ ନିୟନ୍ତ୍ରଣ ହରାଇ ବସିଲେ। ଏହାପରେ ଗାଡ଼ିଟି ରାସ୍ତା ଉପରେ ହିଁ ଓଲଟି ଯାଇଥିଲା ।
ପିକଅପ୍ ତଳୁ ସମସ୍ତଙ୍କୁ ବାହାର କରାଯାଇଥିବା ବେଳେ ସେମାନଙ୍କ ମଧ୍ୟରୁ ୧୪ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଥିଲା । ଆଉ ୨୧ ଜଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ସେମାନଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । ଶବ ଗୁଡ଼ିକୁ ବ୍ୟବଚ୍ଛେଦ ନିମନ୍ତେ ପଠାଯାଇଛି।
ଦୁର୍ଘଟଣାଗ୍ରସ୍ତ ଗାଡ଼ିକୁ ରାସ୍ତାରୁ ହଟାଯାଇଛି । ପୁଲିସ୍ ଘଟଣାର ତଦନ୍ତ ଆରମ୍ଭ କରିଛି । ଦୁର୍ଘଟଣାରେ ମୃତକ ତଥା ଗୁରୁତରଙ୍କ ପରିଚୟ ଖବର ଲେଖିବା ଯାଏଁ ମିଳି ପାରିନାହିଁ ।
Click it and Unblock the Notifications
Sign in with Google