ବିଷାକ୍ତ ମଦ ପିଇ ୧୦ ମୃତ, ୧୨ରୁ ଅଧିକ ଗୁରୁତର

ତାମିଲନାଡୁ: ବିଷାକ୍ତ ମଦ ପିଇ ୧୦ ଜଣଙ୍କ ମୃତ । ସମସ୍ତ ମୃତକ ତାମିଲନାଡୁ ଭିଲିପୁରମ ଓ ଚେଙ୍ଗଲପାଟୁ ଜିଲ୍ଲାର । ସେହିପରି ଆହୁରି ୧୨ରୁ ଉର୍ଦ୍ଧ୍ୱ ଲୋକ ଗୁରୁତର ଅବସ୍ଥାରେ ଚିକିତ୍ସାଧିନ ଥିବା ନେଇ ସୂଚନା ରହିଛି ।

ରବିବାର ଦିନ ଭିଲିପୁରମ ଜିଲ୍ଲାର ମର୍କକାନାମ ନିକଟ ଏକିୟାରକୁପ୍ପାମର ୬ ଜଣ ବାସିନ୍ଦାଙ୍କର ମୃତ୍ୟୁ ଘଟିଛି । ଚେଙ୍ଗଲପାଟୁ ଜିଲ୍ଲାରେ ଶୁକ୍ରବାର ଦିନ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ରବିବାର ଦିନ ଏକ ଦମ୍ପତିଙ୍କର ମୃତ୍ୟୁ ହୋଇଥିବା ନେଇ ସୂଚନା ଦେଇଛନ୍ତି ପୋଲିସ ଅଧିକାରୀ ।

ବିଷାକ୍ତ ମଦ ସେବନ କରି ସମସ୍ତଙ୍କର ମୃତ୍ୟୁ ହୋଇଥିବା ନେଇ ସ୍ପଷ୍ଟ ହୋଇଛି । ପୋଲିସ ଅଧିକାରୀଙ୍କ କହିବାନୁସାରେ, ବର୍ତ୍ତମାନ ୧୨ରୁ ଅଧିକ ଲକୋ ଚିକିତ୍ସିତ ହେଉଛନ୍ତି । ଇନ୍ସପେକ୍ଟର ଜେନେରାଲ୍ ପୋଲିସ୍ ଏନ କନ୍ନନ୍ ଉପଯୁକ୍ତ କାର୍ଯ୍ୟାନୁଷ୍ଠାନ କରାଯିବାର ପ୍ରତିଶୃତି ଦେଇଛନ୍ତି ।

ପୋଲିସର ସୂଚନାନୁସାରେ, ପୂର୍ବରୁ ଏହା ପାରିବାରିକ କଳହ ହେତୁ ଆତ୍ମହତ୍ୟା ଉଦ୍ୟମ ହୋଇପାରେ ବୋଲି ଆଶଙ୍କା କରାଯାଉଥିଲା ହେଲେ ଏହାର ଲକ୍ଷଣ ଦେଖିବା ପରେ ଏହା ବିଷାକ୍ତ ମଦ ପିଇ ମୃତ୍ୟୁ ବୋଲି ସ୍ପଷ୍ଟ ହୋଇଥିଲା । ଏହା ପରେ ଉକ୍ତ ଅଞ୍ଚଳରେ ସତର୍କ ସୂଚନା ଜାରି କରାଯାଇଥିଲା । ପରେ ସମାନ ଲକ୍ଷଣ ଥିବା ଆଉ ଦୁଇଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସମୁଦାୟ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ଏହି ମାମଲାରେ ଜଣେ ଅଭିଯୁକ୍ତକୁ ଗିରଫ କରାଯାଇଛି।

English summary

10 People Died After Consuming Spurious Liquor In Tamil Nadu