ରେଲୱେ ଚାକିରୀ ପାଇଲା 10 ମାସର ଶିଶୁକନ୍ୟା
ରେଲୱେ ଅଫିସରେ ଚାକିରି ପାଇଁ 10 ମାସର ଶିଶୁ । କଥା ଟା ଆପଣଙ୍କୁ ଟିକିଏ ଅଡୁଆ ଲାଗୁଥିବ ନିଶ୍ଚିତ । କିନ୍ତୁ କଥାଟି ସଂପୂର୍ଣ୍ଣ ସତ୍ୟ। ଦକ୍ଷିଣ ପୂର୍ବ ରେଲୱେ ରାୟପୁର ମଣ୍ଡଳ ଅନୁକମ୍ପା ନିଯୁକ୍ତି କ୍ଷେତ୍ରରେ ଇତିହାସ ରଚିଛି ।
ରାୟପୁର: ରେଲୱେ ଅଫିସରେ ଚାକିରି ପାଇଁ 10 ମାସର ଶିଶୁ । କଥା ଟା ଆପଣଙ୍କୁ ଟିକିଏ ଅଡୁଆ ଲାଗୁଥିବ ନିଶ୍ଚିତ । କିନ୍ତୁ କଥାଟି ସଂପୂର୍ଣ୍ଣ ସତ୍ୟ। ଦକ୍ଷିଣ ପୂର୍ବ ରେଲୱେ ରାୟପୁର ମଣ୍ଡଳ ଅନୁକମ୍ପା ନିଯୁକ୍ତି କ୍ଷେତ୍ରରେ ଇତିହାସ ରଚିଛି । ରାଧିକା ଯାଦବ ନାମକ ଏହି କୁନି ଝିଅର ନାମ ରେଲୱେରେ ଅନୁକମ୍ପା ନଯୁକ୍ତି ପାଇଁ ନାମ ପଞ୍ଜିକରଣ କରାଯାଇଛି ।
ରେଲୱେ ଅଧିକାରୀଙ୍କ ଅନୁସାରେ ଛତିଶଗଡ ରେଲୱେ ଇତିହାସରେ ଏହା ପ୍ରଥମ ମାମଲା । ଯେଉଁଠି ମାତ୍ର 10 ମାସର ଝିଅକୁ ଅନୁକମ୍ପା ନିଯୁକ୍ତି ଦିଆଯାଇଛି । 18 ବର୍ଷ ହେବାପରେ ଭାରତୀୟ ରେଳବାଇରେ ଜଣେ କର୍ମଚାରୀ ଭାବରେ ନିଯୁକ୍ତ ହେବେ ।ରାଧିକାଙ୍କ ସମ୍ପର୍କୀୟ ତାଙ୍କୁ ଆଣି ରାୟପୁର ରେଲୱେ କାର୍ଯ୍ୟାଳୟରେ ପହଞ୍ଚିଥିଲେ । ସେଠାରେ ତାଙ୍କ ପଞ୍ଜିକରଣ ପାଇଁ ଟିପଚିହ୍ନ ରଖାଯାଇଛି ।
ରେଲୱେ ଅଧିକାରୀଙ୍କ କହିବା ଅନୁସାରେ, ରାଧିକାଙ୍କ ବାପା ରାଜେନ୍ଦ୍ର କୁମାର ଯାଦବ ଜଣେ ରେଲୱେ କର୍ମଚାରୀ ଥିଲେ । ଜୁନମାସରେ ଏକ ସଡକ ଦୁର୍ଘଟଣାରେ ରାଜେନ୍ଦ୍ର ଓ ତାଙ୍କ ପତ୍ନୀଙ୍କର ମୃତ୍ୟୁ ହୋଇଥିଲା । କିନ୍ତୁ ରାଧିକା ଏହି ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଥିଲେ । ବର୍ତ୍ତମାନ ରାଧିକା ତାଙ୍କ ଜେଜେ ବାପା ଓ ଜେଜେମାଆଙ୍କ ନିକଟରେ ରହୁଛନ୍ତି। ରେଲୱେ ପଲିସି ଅନୁସାରେ ବିଭାଗ ଅନୁକମ୍ପା ସ୍ତରରେ ତାଙ୍କ ଝିଅକୁ ଏହି ଚାକିରି ପ୍ରଦାନ କରିଛନ୍ତି ।
ଏପରି ଦୁର୍ଘଟଣା ଘଟିଲେ ନିୟମ ଅନୁଯାୟୀ ରେଲୱେ ପରିବାରକୁ ସମସ୍ତ ପ୍ରକାର ସହାୟତା ଯୋଗାଇ ଦେଇଥାଏ । ରେଲୱେ ଅଧିକାରୀ ରାଜେନ୍ଦ୍ରଙ୍କ ପରିବାରକୁ ଭେଟିଥିଲେ । ଜୁଲାଇ 3ରେ ରାଧିକାଙ୍କୁ ତାଙ୍କ ପରିବାର ରେଲୱେ କାର୍ଯ୍ୟାଳୟ ଆଣିଥିଲେ । ନିଯୁକ୍ତିର ସମସ୍ତ ପ୍ରକ୍ରିୟା ଶେଷ ହୋଇଥିଲା ।ରେଲୱେରେ ତାଙ୍କ ଚାକିରି ପକ୍କା। ଏହା ସହିତ ତାଙ୍କୁ ସମସ୍ତ ସୁବିଧା ମଧ୍ୟ ଯୋଗାଇ ଦିଆଯିବ ବୋଲି କହିଛନ୍ତି ବରିଷ୍ଠ ବିଭାଗୀୟ ଅଧିକାରୀ।
Click it and Unblock the Notifications
Sign in with Google