ଲାଇନଚ୍ୟୁଚ ହେଲା ଯାତ୍ରୀବାହୀ ଟ୍ରେନ, ୧୦ ଆହତ

ଲାଇନଚ୍ୟୁଚ ହେଲା ଯାତ୍ରୀବାହୀ ଟ୍ରେନ, ୧୧ ଆହତ

Updated: Monday, January 2, 2023, 14:54 [IST]

ଜୟପୁର: ସୋମବାର ସକାଳେ ରାଜସ୍ଥାନର ପାଲିରେ ଯୋଧପୁର ସୁର୍ଯ୍ୟନଗରୀ ଏକ୍ସପ୍ରେସର ୧୧ ଟି ବଗି ଲାଇନଚ୍ୟୁତ ହୋଇଛି । ରାତି ୩.୨୭ ରେ ଏହି ଦୁର୍ଘଟଣା ଘଟିଛି । ଏଥିରେ ୧୦ ଜଣ ଯାତ୍ରୀ ଆହତ ହୋଇଛନ୍ତି ।

ସୂଚନା ଅନୁସାରେ, ସିପିଆରଓ ସୂଚନା ଦେଇଛନ୍ତି ଯେ, ଉତ୍ତର ପଶ୍ଚିମ ରେଳବାଇର ଜେନେରାଲ ମ୍ୟାନେଜର ତଥା ଅନ୍ୟ ଉଚ୍ଚ ପଦାଧିକାରୀମାନେ ରେଳବାଇର ଜୟପୁର ମୁଖ୍ୟାଳୟରେ ଏହି ଘଟଣାର ତଦାରଖ କରୁଛନ୍ତି । ବହୁ ଉଚ୍ଚ ପଦାଧିକାରୀ ତୁରନ୍ତ ଘଟଣାସ୍ଥଳରେ ପହଞ୍ଚିଛନ୍ତି । ତେବେ ଟ୍ରେନଟି ବାନ୍ଦ୍ରାରୁ ଯୋଧପୁର ଯାଉଥିବା ସମୟରେ ଏହି ଦୁର୍ଘଟଣା ଘଟିଛି । ଏହି ଟ୍ରେନର ୧୧ଟି ସ୍ଲିପର୍ କୋଚ୍ ରେଳ ଧାରଣାରୁ ତଳକୁ ଖସି ଯାଇଛି । ଏହି ଦୁର୍ଘଟଣାରେ ୧୦ ଜଣ ଆହତ ହୋଇଥିବା ବେଳେ ୩ ଜଣଙ୍କ ଅବସ୍ଥା ଗୁରୁତର ରହିଛି । ଆହତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରାଯାଇଛି । ସେହିପିର ଏହି ଦୁର୍ଘଟଣାରେ କାହାରି ମୃତ୍ୟୁ ଘଟିଥିବା ରିପୋର୍ଟ ହୋଇ ନାହିଁ ।

11 coaches were impacted due to derailment of Bandra Terminus-Jodhpur Suryanagari Express train. No casualties reported yet. Higher officials have reached spot. Buses have been arranged for stranded passengers so that they can reach their destinations: CPRO, North Western Railway pic.twitter.com/U4ZoM1YlrI
— ANI MP/CG/Rajasthan (@ANI_MP_CG_RJ) January 2, 2023

ଅନ୍ୟପକ୍ଷରେ ଟ୍ରେନ୍ ଲାଇନଚ୍ୟୁଚ ହେବାରୁ ଅନେକ ଟ୍ରେନର ଗମନା ଗମନରେ ବ୍ୟାଘାତ ସୃଷ୍ଟି ହୋଇଛି । ଦୁର୍ଘଟଣା ପରେ ହେଲପଲାଇନ୍ ନମ୍ବର ଜାରି କରାଯାଇଛି । ସେହିପରି ୪ଟି ଟ୍ରେନର ଗତିପଥ ବଦଳାଯାଇଛି ।