ୱାର୍ଲ୍ଡ ହାଇପରଟେନସନ ଡେ' 2022: ଏହି ଖାଦ୍ୟ ଆପଣଙ୍କୁ ରଖିବ ସୁସ୍ଥ
ଆଜି ହେଉଛି ବିଶ୍ୱ ଉଚ୍ଚ ରକ୍ତଚାପ ଦିବସ । 2006ରୁ ପ୍ରତିବର୍ଷ ମେ 17 ତାରିଖକୁ ବିଶ୍ୱ ଉଚ୍ଚ ରକ୍ତଚାପ ଦିବସ ରୂପେ ପାଳନ କରାଯାଏ ।
ଆଜି ହେଉଛି ବିଶ୍ୱ ଉଚ୍ଚ ରକ୍ତଚାପ ଦିବସ । 2006ରୁ ପ୍ରତିବର୍ଷ ମେ 17 ତାରିଖକୁ ବିଶ୍ୱ ଉଚ୍ଚ ରକ୍ତଚାପ ଦିବସ ରୂପେ ପାଳନ କରାଯାଏ । ବର୍ତ୍ତମାନ ସମୟରେ କୋଭିଡ୍ ଭୁତାଣୁର ପ୍ରଭାବ ଦେଶବ୍ୟାପୀ ରହିଥିବା ବେଳେ ଉଚ୍ଚ ରକ୍ତଚାପ ରୋଗୀଙ୍କ ଉପରେ ଏହାର ଅଧିକ ପ୍ରଭାବ ରହୁଥିବା ଦେଖିବାକୁ ମିଳୁଛି । ଏହି ଉଚ୍ଚ ରକ୍ତଚାପ ଜନିତ ରୋଗୀ ମାନେ ଅଧିକାଂଶ କରୋନା ଦ୍ୱାରା ସଂକ୍ରମିତ ହେଉଥିବା ରିପୋର୍ଟରୁ ଜଣାପଡିଛି ।
ଖାଲି ଏହା ନୁହେଁ ବରଂ ଡାଇବେଟିସ୍, ମେଦବହୁଳ, ହୃଦ୍ ରୋଗ, କିଡନୀ ରୋଗୀ ମାନଙ୍କ ଠାରେ ସଂକ୍ରମଣର ଆଶଙ୍କା ଅଧିକ ରହୁଛି । ଯଦି ଉଚ୍ଚ ରକ୍ତଚାପ ହୁଏ ତେବେ ଖୁବ୍ ସାବଧାନତାର ସହ ରହିବାକୁ ପଡେ । କାରଣ ଏହା ଦ୍ୱାରା ଆମ ଶରୀର ଉପରେ ଖୁବ୍ ଖରାପ ପ୍ରଭାବ ପଡିଥାଏ । ଏପରିକି ଜୀବନ ମଧ୍ୟ ଯାଇପାରେ । ଉଚ୍ଚ ରକ୍ତଚାପ ଅଧିକ ହେଲେ ଔଷଧ ବ୍ୟବହାର ଏବଂ ଆମର ଦୈନାନ୍ଦିନ ଖାଇବା ପିଇବା ଆଦି ଉପରେ ବିଶେଷ ଧ୍ୟାନ ଦେବାକୁ ପଡେ ।
ଏହି ଖାଦ୍ୟ ପ୍ରତି ଧ୍ୟାନ ଦିଅନ୍ତୁ :
• ପ୍ରଥମତଃ ଲୁଣ କମ୍ ଖାଇବେ, ଚର୍ବିଜାତୀୟ ଖାଦ୍ୟଠାରୁ ଦୁରେଇ ରହିବେ ।
• ନିୟମିତ ଯୋଗ, ପ୍ରାଣାୟାମ କରିବେ ।
• ନିଶାଦ୍ରବ୍ୟ ଠାରୁ ଦୂରେଇ ରହିବେ ।
• ଗୋଟିଏ ଜାଗାରେ ବସି ନ ରହି, ଅଧିକ ଚଲାବୁଲା କରିବା ଭଲ ।
• ଅତିକମରେ 6ରୁ 7 ଘଣ୍ଟା ଶୁଅନ୍ତୁ ।
• ଲିଫ୍ଟ ବ୍ୟବହାର ନ କରି ପାହାଚର ବ୍ୟବହାର କରନ୍ତୁ ।
• ସବୁଜ ପନିପରିବା, ତଟକା ଫଳ, ଭିଟାମିନ୍ ଓ କ୍ୟାଲସିୟମ୍ ରହିଥିବା ଖାଦ୍ୟ ଯେପରିକି; କ୍ଷୀର, ଓଟ୍ସ, କଦଳୀ, ଚୂନାମାଛ, ଶାଗ, ଭେଣ୍ଡି, କୋଳଥ ଡାଲି, ବାଜରା, ପୋହା, ପିଆଜ, ଘୋଳ ଦହି, ସବୁଜ ଚଣା ଆଦି ଖାଇବା ଦରକାର ।
• ନିୟମିତ କିଛି ସମୟ ବ୍ୟବଧାନରେ ରକ୍ତଚାପକୁ ମାପନ୍ତୁ ।
• ଔଷଧ ଖାଇବା ସହିତ ଡାକ୍ତରଙ୍କ ସହ ପରାମର୍ଶ କରନ୍ତୁ ।
Click it and Unblock the Notifications
Sign in with Google