ଆଜି ବିଶ୍ୱ କର୍କଟ ଦିବସ: ଜାଣନ୍ତୁ କ୍ୟାନସରର କାରଣ, ପ୍ରତିରୋଧର ଉପାୟ

କ୍ୟାନସର ରୋଗ ସମ୍ପର୍କରେ ବ୍ୟାପକ ଜନ ସେଚେତନତା ସୃଷ୍ଟି କରିବା ପାଇଁ ପ୍ରତିବର୍ଷ ଫେବୃଆରୀ ୪ ତାରିଖରେ World Cancer Day ପାଳନ କରାଯାଏ । ଏହି ଦିନ ଲୋକଙ୍କୁ କ୍ୟାନସରର କାରଣ, ପ୍ରତିରୋଧ ଏବଂ ଲକ୍ଷଣ ବିଷୟରେ ସୂଚନା ଦିଆଯାଏ ।

Updated: Saturday, February 4, 2023, 17:51 [IST]

World Cancer Day: ଆଜି ବିଶ୍ୱ କର୍କଟ ଦିବସ । କ୍ୟାନସର ରୋଗ ସମ୍ପର୍କରେ ବ୍ୟାପକ ଜନ ସେଚେତନତା ସୃଷ୍ଟି କରିବା ପାଇଁ ପ୍ରତିବର୍ଷ ଫେବୃଆରୀ ୪ ତାରିଖରେ World Cancer Day ପାଳନ କରାଯାଏ । ଏହି ଦିନ ଲୋକଙ୍କୁ କ୍ୟାନସରର କାରଣ, ପ୍ରତିରୋଧ ଏବଂ ଲକ୍ଷଣ ବିଷୟରେ ସୂଚନା ଦିଆଯାଏ । ଏକ ରିପୋର୍ଟ ଅନୁସାରେ, କର୍କଟ ରୋଗ କାରଣରୁ ପ୍ରତିବର୍ଷ ପ୍ରାୟ ୧୦ ମିଲିୟନ୍ ଲୋକଙ୍କର ମୃତ୍ୟୁ ହେଉଛି । ଜୀବନ ଶୈଳୀରେ ପରିବର୍ତ୍ତନ, ନିୟମିତ ଯାଞ୍ଚ ଏବଂ ଏହି ରୋଗର ପ୍ରାରମ୍ଭିକ ଲକ୍ଷଣ ଚିହ୍ନଟ କରିବା ଦ୍ୱାରା କର୍କଟ ଭଳି ମାରାତ୍ମକ ରୋଗକୁ ପରାସ୍ତ କରାଯାଇପାରିବ ।

ବିଶ୍ୱ କର୍କଟ ଦିବସର ଇତିହାସ ଏବଂ ଉଦ୍ଦେଶ୍ୟ

କର୍କଟ ଶବ୍ଦର ଉତ୍ପତ୍ତି ଗ୍ରୀକ୍ ଚିକିତ୍ସକ ହିପୋକ୍ରାଟସଙ୍କ ଦ୍ୱାରା କରାଯାଇଛି । ତାଙ୍କୁ ଚିକିତ୍ସାର ଜନକ ବୋଲି ମଧ୍ୟ କୁହାଯାଏ । ବିଶ୍ୱ କର୍କଟ ଦିବସ ପ୍ରଥମେ ୨୦୦୮ ମସିହାର ପାଳନ କରାଯାଇଥିଲା । ଏହି ରୋଗ ବିଷୟରେ ସଚେତନତା ସୃଷ୍ଟି ତଥା ଏହାର ନିରାକରଣ, ଚିହ୍ନଟ ଏବଂ ଚିକିତ୍ସା ପାଇଁ ଉତ୍ସାହିତ କରିବା ପାଇଁ ଆନ୍ତର୍ଜାତୀୟ କର୍କଟ ନିୟନ୍ତ୍ରଣ କେନ୍ଦ୍ର
ଦ୍ୱାରା ଏହା ପ୍ରଥମେ ପାଳନ କରାଯାଇଥିଲା ।

ବିଶ୍ୱ କର୍କଟ ଦିବସ ୨୦୨୩ର ଥିମ୍

୨୦୨୨, ୨୦୨୩ ଏବଂ ୨୦୨୪ ପାଇଁ ବିଶ୍ୱ କର୍କଟ ଦିବସର ବିଷୟବସ୍ତୁ ହେଉଛି 'close the care gap' । ତେଣୁ ଚଳିତ ବର୍ଷର ଥିମ୍ ହେଉଛି 'କ୍ଲୋଜ୍ ଦ କେୟାର୍ ଗ୍ୟାପ୍'

କର୍କଟ ରୋଗର ପ୍ରତିରୋଧର ଉପାୟ
.କୌଣସି ପ୍ରକାର ତମାଖୁ ସେବନରୁ ନିବୃତ୍ତ ରହିବା
.ମାଦକ ଦ୍ରବ୍ୟ ବା ନିଶା ସେବନ ନ କରିବା
.ନିରାପଦ ଯୌନ ଏବଂ ପ୍ରଜନନ ଅଭ୍ୟାସ ଆପଣାଇବା
.ସ୍ୱାସ୍ଥ୍ୟକର ଖାଦ୍ୟଭ୍ୟାସ ଜାରି ରଖିବା
.ସୁସ୍ଥ ଜୀବନ ଶୈଳୀ ଆପଣେଇବା
.ନିୟମିତ ସ୍ୱାସ୍ଥ୍ୟ ପରୀକ୍ଷା କରାଇବା
.ପରିବେଶ ପ୍ରଦୂଷଣକୁ ପ୍ରତିହତ କରିବା