ସାବଧାନ ! ଆପଣଙ୍କ ଜିଭରେ ଦେଖାଦେଉଥିବା ଏହି ୫ଟି ପରିବର୍ତ୍ତନ, ଗବେଷଣାରୁ ଆସିଲା ଆଶ୍ଚର୍ଯ୍ୟ କଲା ପରି ରିପୋର୍ଟ
ଜିଭ କେବଳ ଖାଦ୍ୟର ସ୍ୱାଦ ଗ୍ରହଣ କିମ୍ବା କଥାବାର୍ତ୍ତାରେ ସାହାଯ୍ୟ କରେ ନାହିଁ, ବରଂ ଏହା ଆମ ସ୍ୱାସ୍ଥ୍ୟର ଏକ ଗୁରୁତ୍ୱପୂର୍ଣ୍ଣ ସୂଚକ। ଭାରତୀୟ ଏବଂ ଆନ୍ତର୍ଜାତୀୟ ସ୍ୱାସ୍ଥ୍ୟ ବିଶେଷଜ୍ଞମାନେ ଚେତାବନୀ ଦେଇଛନ୍ତି ଯେ, ଜିଭରେ ଦେଖାଦେଉଥିବା କିଛି ନିର୍ଦ୍ଦିଷ୍ଟ ପରିବର୍ତ୍ତନ ଗମ୍ଭୀର ରୋଗର ସଙ୍କେତ ହୋଇପାରେ। ଏହାକୁ ଅଣଦେଖା କଲେ ସ୍ୱାସ୍ଥ୍ୟ ଅବସ୍ଥା ଜଟିଳ ହୋଇପାରେ। ଡାକ୍ତରମାନେ ଜିଭରେ ଦେଖାଦେଉଥିବା ୫ଟି ପ୍ରମୁଖ ପରିବର୍ତ୍ତନକୁ ଗମ୍ଭୀରତାର ସହ ନେବାକୁ ପରାମର୍ଶ ଦେଇଛନ୍ତି ...
ଜିଭରେ ଦେଖାଦେଉଥିବା ୫ଟି ଗମ୍ଭୀର ସଙ୍କେତ
ଧଳା ଆସ୍ତରଣ କିମ୍ବା ପ୍ୟାଚ:
ଜିଭରେ ଧଳା ଆସ୍ତରଣ କିମ୍ବା ପ୍ୟାଚ ଫଙ୍ଗାଲ ସଂକ୍ରମଣ (ଓରାଲ ଥ୍ରାସ୍), ଲିଉକୋପ୍ଲାକିଆ କିମ୍ବା ଓରାଲ କ୍ୟାନସରର ପ୍ରାରମ୍ଭିକ ଲକ୍ଷଣ ହୋଇପାରେ।
ଲିଉକୋପ୍ଲାକିଆ ଏକ ପ୍ରି-କ୍ୟାନସର ଅବସ୍ଥା, ଯାହା ମୁଖ କ୍ୟାନସରରେ ପରିଣତ ହୋଇପାରେ, ବିଶେଷକରି ତମାଖୁ ଚୋବାଇବା କିମ୍ବା ମଦ୍ୟପାନ କରୁଥିବା ଲୋକଙ୍କଠାରେ ହୋଇଥାଏ ।
ପରାମର୍ଶ: ଧଳା ପ୍ୟାଚ ୨ ସପ୍ତାହରୁ ଅଧିକ ସମୟ ରହେ, ତୁରନ୍ତ ଡାକ୍ତରଙ୍କୁ ଦେଖାନ୍ତୁ।
ଲାଲିମା କିମ୍ବା ଜଳାପୋଡ଼ା:
ଜିଭରେ ଅସ୍ୱାଭାବିକ ଲାଲିମା, ଜଳାପୋଡ଼ା ଅନୁଭବ କିମ୍ବା ଚିକ୍କଣ ହେବା ଭିଟାମିନ୍ ବି-୧୨, ଆଇରନର ଅଭାବ, ଅଟୋଇମ୍ୟୁନ ରୋଗ କିମ୍ବା ଓରାଲ କ୍ୟାନସରର ସଙ୍କେତ।
ଏହା ଗ୍ଲୋସାଇଟିସ୍ (ଜିଭରେ ପ୍ରଦାହ) କିମ୍ବା ଏଲର୍ଜିର ଲକ୍ଷଣ ହୋଇପାରେ।
ପରାମର୍ଶ: ଲାଲିମା ସହ ଦରଦ କିମ୍ବା ଖାଦ୍ୟ ଗିଳିବାରେ ଅସୁବିଧା ହେଉଥିଲେ ENT ବିଶେଷଜ୍ଞଙ୍କୁ ପରାମର୍ଶ କରନ୍ତୁ।
ଜିଭରେ ଘା' କିମ୍ବା ଅଲସର:
ବାରମ୍ବାର ଘା' କିମ୍ବା ଅଲସର ଷ୍ଟ୍ରେସ, ପୁଷ୍ଟିହୀନତା, ମୁଖ ସଂକ୍ରମଣ, କ୍ରୋନ୍ସ ରୋଗ କିମ୍ବା ଓରାଲ କ୍ୟାନସରର ସଙ୍କେତ।
ଅଲସର ୨-୩ ସପ୍ତାହ ମଧ୍ୟରେ ଆରୋଗ୍ୟ ନ ହେଲେ କିମ୍ବା ରକ୍ତସ୍ରାବ ହେଉଥିଲେ, ଏହା ଗମ୍ଭୀର।
ପରାମର୍ଶ: ଅଲସର ସହ ଜ୍ୱର, ଓଜନ ହ୍ରାସ କିମ୍ବା ଲସିକା ଗ୍ରନ୍ଥିରେ ଫୁଲା ଥିଲ ଡାକ୍ତରୀ ପରୀକ୍ଷା କରାନ୍ତୁ।
ଜିଭରେ ଅସ୍ୱାଭାବିକ ଗାନ୍ଠ କିମ୍ବା ଫୁଲା:
ଜିଭରେ ଗାନ୍ଠ, ଫୁଲା କିମ୍ବା ଅସ୍ୱାଭାବିକ ବଢ଼ା ଓରାଲ କ୍ୟାନସର, ସିଷ୍ଟ କିମ୍ବା ଟ୍ୟୁମରର ଲକ୍ଷଣ।
ଏହା ଜିଭର ପାର୍ଶ୍ୱ କିମ୍ବା ତଳ ଅଂଶରେ ଦେଖାଯାଇପାରେ ଏବଂ ଦରଦରୁ ମୁକ୍ତ ହୋଇପାରେ।
ପରାମର୍ଶ: ଗାନ୍ଠ କିମ୍ବା ଫୁଲା ୧୦ ଦିନରୁ ଅଧିକ ରହେ, ବାୟୋପ୍ସି କିମ୍ବା ENT ପରୀକ୍ଷା କରାନ୍ତୁ।
ଜିଭରେ କଳା ବା ଅସ୍ୱାଭାବିକ ରଙ୍ଗ:
କଳା, ବାଦାମୀ କିମ୍ବା ଅସ୍ୱାଭାବିକ ରଙ୍ଗର ଦାଗ ମେଲାନୋମା (ଚର୍ମ କ୍ୟାନସର), ଫଙ୍ଗାଲ ସଂକ୍ରମଣ କିମ୍ବା ଔଷଧର ପାର୍ଶ୍ୱ ପ୍ରଭାବ।
ଏହା ଡାଇବେଟିସ କିମ୍ବା ହରମୋନାଲ ଅସନ୍ତୁଳନର ସଙ୍କେତ ହୋଇପାରେ।
ପରାମର୍ଶ: ରଙ୍ଗ ପରିବର୍ତ୍ତନ ସହ ସ୍ୱାଦ ହରାଇବା କିମ୍ବା ଜିଭରେ ନିଷ୍କ୍ରିୟତା ହେଉଥିଲେ ଡାକ୍ତରୀ ପରୀକ୍ଷା କରାନ୍ତୁ।
ଅଣଦେଖା କରିବା କାହିଁକି ବିପଜ୍ଜନକ?
ଏହି ପରିବର୍ତ୍ତନଗୁଡ଼ିକ ଅଣଦେଖା କଲେ ଗମ୍ଭୀର ପରିଣାମ ହୋଇପାରେ:
ଓରାଲ କ୍ୟାନସର: ଭାରତରେ ପ୍ରତି ବର୍ଷ ପ୍ରାୟ ୧.୩୫ ଲକ୍ଷ ଓରାଲ କ୍ୟାନସର ମାମଲା ରିପୋର୍ଟ ହୁଏ। ପ୍ରାରମ୍ଭିକ ଚିହ୍ନଟ ନ ହେଲେ କ୍ୟାନସର ଶରୀରର ଅନ୍ୟ ଅଂଶକୁ ବ୍ୟାପିପାରେ।
ପୁଷ୍ଟିହୀନତା: ଭିଟାମିନ୍ ବି-୧୨ କିମ୍ବା ଆଇରନର ଅଭାବ ଆନିମିଆ, ନ୍ୟୁରୋଲୋଜିକାଲ ସମସ୍ୟା ଓ ଜଟିଳତା ସୃଷ୍ଟି କରିପାରେ।
ସଂକ୍ରମଣ: ଫଙ୍ଗାଲ କିମ୍ବା ବ୍ୟାକ୍ଟେରିଆଲ ସଂକ୍ରମଣ ଶରୀରର ଅନ୍ୟ ଅଂଶକୁ ବ୍ୟାପିପାରେ, ବିଶେଷକରି ଦୁର୍ବଳ ଇମ୍ୟୁନିଟି ଥିବା ବ୍ୟକ୍ତିଙ୍କଠାରେ ବ୍ୟାପିପାରେ।
Click it and Unblock the Notifications
Sign in with Google