HMPV ଭାଇରସ ସଂକ୍ରମଣରୁ ରକ୍ଷା ପାଇବା ପାଇଁ ବ୍ୟବହାର କରନ୍ତୁ ଏହି ମାସ୍କ

Updated: Friday, January 10, 2025, 15:43 [IST]

HMPV Virus: ଦେଶରେ HMPV ଭାଇରସ ମାମଲା ବୃଦ୍ଧି ପାଉଛି। ରୋଗ ନିୟନ୍ତ୍ରଣ ଏବଂ ପ୍ରତିରୋଧ କେନ୍ଦ୍ର (CDC) ଅନୁଯାୟୀ, ଛୋଟ ପିଲା, ବୟସ୍କ ଏବଂ ଦୁର୍ବଳ ରୋଗ ପ୍ରତିରୋଧକ ଶକ୍ତି ଥିବା ଲୋକମାନେ ସତର୍କ ରହିବା ଉଚିତ୍ । ଏହାର ଲକ୍ଷଣଗୁଡ଼ିକ କରୋନା ଭାଇରସ ସହ ସମାନ କିଛି ମାତ୍ରାରେ ସମାନ । HMPV ଭାଇରସ ଗୁରୁତର ହେଲେ ନିମୋନିଆ ଏବଂ ବ୍ରୋଙ୍କାଇଟିସ୍ ହେବାର ଭୟ ମଧ୍ୟ ରହିଥାଏ । ହେରେ ଡାକ୍ତରମାନେ କହିଛନ୍ତି ଯେ ବର୍ତ୍ତମାନ ଏହି ଭାଇରସକୁ ନେଇ ଅଧିକ ଭୟଭୀତ କରିବାର ଆବଶ୍ୟକ ନାହିଁ ।

ହେଲେ ଏହି ଭାଇରସ ପାଇଁ ସତର୍କ ରହିବାକୁ ପଡିବ। ପ୍ରକୃତରେ, କରୋନା ଭାଇରସ ପରି, HMPV ରୁ ରକ୍ଷା ପାଇବା ପାଇଁ ସବୁଠାରୁ ବଡ ଅସ୍ତ୍ର ହେଉଛି ମାସ୍କ। ବିଶେଷଜ୍ଞମାନେ ମାସ୍କ ପିନ୍ଧିବାକୁ ନିବେଦନ କରୁଛନ୍ତି। ବଜାରରେ ପୁଣି ଅନେକ ପ୍ରକାରର ମାସ୍କ ବିକ୍ରି ହେବା ଆରମ୍ଭ ହୋଇଯାଇଛି । ହେଲେ ବର୍ତ୍ତମାନ ପ୍ରଶ୍ନ ଉଠୁଛି କେଉଁ ମାସ୍କ HMPV ଭାଇରସରୁ ସର୍ବାଧିକ ସୁରକ୍ଷା ମିଳିବ ।

ଏକ ମାସ୍କ ବ୍ୟବହାର କରିବା ଦ୍ୱାରା ଆପଣ ଅତି ସହଜରେ HMPV ଭାଇରାସରୁ ନିଜକୁ ରକ୍ଷା କରିପାରିବେ । ସ୍ୱାସ୍ଥ୍ୟ ବିଶେଷଜ୍ଞମାନଙ୍କ ଅନୁସାରେ, ଘର ତିଆରି ମାସ୍କ କିମ୍ବା ସର୍ଜିକାଲ୍ ମାସ୍କ ସୁବିଧାଜନକ କିନ୍ତୁ ଏହା ସେତେ ପ୍ରଭାବଶାଳୀ ନୁହେଁ । କପଡ଼ା ମାସ୍କ HMPV ଭଳି ଶ୍ୱାସକ୍ରିୟା ସଂକ୍ରମଣ ବିରୁଦ୍ଧରେ କେବଳ ସୀମିତ ସୁରକ୍ଷା ପ୍ରଦାନ କରେ। ସର୍ଜିକାଲ୍ ମାସ୍କ ଅଧିକ ପ୍ରଭାବଶାଳୀ।ସର୍ବୋତ୍ତମ ମାସ୍କ ହେଉଛି N95 ରେସ୍ପିରେଟର, ଯାହା ଅତି କମରେ 95% କଣିକାକୁ ଫିଲ୍ଟର କରିବା ପାଇଁ ଡିଜାଇନ୍ କରାଯାଇଛି। ଭିଡ଼ ସ୍ଥାନ ପାଇଁ N95 ମାସ୍କ ସର୍ବୋତ୍ତମ ।

N95 ମାସ୍କ ପ୍ରାୟ 95% ଛୋଟ କଣିକା (0.3 ମାଇକ୍ରୋନ)କୁ ଅବରୋଧ କରେ, ଯାହାକୁ ଅବରୋଧ କରିବା ସାଧାରଣତଃ ବହୁତ କଷ୍ଟକର। ଏହି ମାସ୍କଗୁଡ଼ିକ ଥରେ ବ୍ୟବହାରଯୋଗ୍ୟ।