ରିପୋର୍ଟରେ ବଡ ଖୁଲାସା: ବଜାରରେ ଫିକ୍ସଡ-ଡୋଜ୍ ଔଷଧ, କେନ୍ଦ୍ର ସରକାର ନେଲେ ବଡ ପଦକ୍ଷେପ
ବୈଜ୍ଞାନିକ ଅନୁସନ୍ଧାନ ବିନା ଫାର୍ମାସ୍ୟୁଟିକାଲ୍ କମ୍ପାନୀଗୁଡିକୁ ନିଷିଦ୍ଧ FDC ଔଷଧ ପାଇଁ ଦେଶର ଅନେକ ରାଜ୍ୟ ଲାଇସେନ୍ସ ପ୍ରଦାନ କରିଥିଲେ, ଯେଉଁ କାରଣରୁ 35 ରୁ ଅଧିକ ଔଷଧ ବଜାରରେ ପହଞ୍ଚିଥିଲା। ଔଷଧ ନିୟନ୍ତ୍ରକ ଏହାକୁ ଜନସ୍ୱାସ୍ଥ୍ୟ ଏବଂ ନିରାପତ୍ତା ପାଇଁ ଏକ ଗୁରୁତ୍ୱପୂର୍ଣ୍ଣ ବିଷୟ ବୋଲି କହିଛନ୍ତି ଏବଂ ଲାଇସେନ୍ସ ପ୍ରକ୍ରିୟା ସମୀକ୍ଷା କରିବାକୁ ସମସ୍ତ ରାଜ୍ୟକୁ ନିର୍ଦ୍ଦେଶ ଦେଇଛନ୍ତି।
କେନ୍ଦ୍ରୀୟ ଔଷଧୀୟ ମାନକ ନିୟନ୍ତ୍ରଣ ସଂଗଠନ(ସିଡିଏସସିଓ) ପକ୍ଷରୁ ପେନକିଲର, ପୁଷ୍ଟିକର ସପ୍ଲିମେଣ୍ଟ ଏବଂ ଆଣ୍ଟି-ଡାଇବେଟିସ୍ ସମେତ ଅଣଅନୁମୋଦିତ ୩୫ଟି ଫିକ୍ସଡ୍ ଡୋଜ ମିଶ୍ରଣ ଔଷଧର ଉତ୍ପାଦନ, ବିକ୍ରୟ ଏବଂ ବିତରଣକୁ ବନ୍ଦ କରାଯିବା ନେଇ ନିର୍ଦେଶ ଜାରି କରାଯାଇଛି। ଏସବୁ ଫିକ୍ସଡ୍ ଡୋଜ ମିଶ୍ରଣ ଔଷଧ(ଏଫଡିସି)ର ମାନକ ଠିକ ଅଛି କି ନାହିଁ ଅନୁମୋଦନ ଦେବା ପୂର୍ବରୁ ସମୀକ୍ଷା କରାଯିବା ଆବଶ୍ୟକ। ଏହାସହିତ ଡ୍ରଗ୍ସ ଆଣ୍ଡ କସମେଟିକ୍ସ ଆକ୍ଟ ୧୯୪୦ ନିୟମର କଡ଼ାକଡ଼ି ଅନୁପାଳନ ନିଶ୍ଚିତ କରିବାକୁ ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ଭେଷଜ ନିୟନ୍ତ୍ରକଙ୍କୁ ନିର୍ଦେଶ ଦିଆଯାଇଛି।
ଏଫଡିସି ଔଷଧଗୁଡ଼ିକ ହେଉଛି ଯେଉଁଗୁଡ଼ିକରେ ଏକ ସ୍ଥିର ଅନୁପାତରେ ଦୁଇ କିମ୍ବା ତତୋଧିକ ସକ୍ରିୟ ଔଷଧ ଉପାଦାନ (ଏପିଆଇ)ର ମିଶ୍ରଣ ଥାଏ। ନିୟାମକ ଏହି ନିର୍ଦ୍ଦେଶନାମା ଜାରି କରିଛନ୍ତି ଯେ ସୁରକ୍ଷା ଏବଂ ପ୍ରଭାବର ପୂର୍ବ ମୂଲ୍ୟାଙ୍କନ ବିନା କିଛି ଏଫଡିସି ଔଷଧକୁ ଉତ୍ପାଦନ, ବିକ୍ରୟ ଏବଂ ବଣ୍ଟନ ପାଇଁ ଲାଇସେନ୍ସ ଦିଆଯାଇଛି, ଯାହା ଜନସ୍ୱାସ୍ଥ୍ୟ ଏବଂ ସୁରକ୍ଷା ପାଇଁ ଏକ ଗମ୍ଭୀର ବିପଦ ସୃଷ୍ଟି କରୁଛି।
Click it and Unblock the Notifications
Sign in with Google