ଦୁର୍ଗାପୂଜା ପୂର୍ବରୁ ଲାଗିବା ପାଇଁ ଯାଉଛି ସୂର୍ଯ୍ୟପରାଗ, ଜାଣନ୍ତୁ ତାରିଖ ଏବଂ ସମୟ

Updated: Wednesday, October 4, 2023, 22:51 [IST]

Surya Grahan 2023: 2023 ବର୍ଷର ଦ୍ୱିତୀୟ ସୂର୍ଯ୍ୟ ପରାଗ ଚଳିତ ମାସ ଅର୍ଥାତ୍ ଅକ୍ଟୋବର 14 ତାରିଖ, ଶନିବାର ଦିନ ଲାଗିବା ପାଇଁ ଯାଉଛି । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ଏ ବର୍ଷର ପ୍ରଥମ ସୂର୍ଯ୍ୟ ପରାଗ ଏପ୍ରିଲ୍ ମାସରେ ଲାଗିଥିଲା ।

14 ଅକ୍ଟୋବରରେ ଲାଗିବା ପାଇଁ ଯାଉଥିବା ସୂର୍ଯ୍ୟପରାଗକୁ ନେଇ ଲୋକଙ୍କ ମନରେ ଅନେକ ଦ୍ୱନ୍ଦ ସୃଷ୍ଟି ହୋଇଛି କାରଣ ଅକ୍ଟୋବର 15 ତାରିଖରୁ ନବରାତ୍ରୀ ଆରମ୍ଭ ହେବାପାଇଁ ଯାଉଛି । ଏଭଳି ପରିସ୍ଥିତିରେ ସମସ୍ତେ ବର୍ତ୍ତମାନ ଜାଣିବା ପାଇଁ ଚାହୁଁଛନ୍ତି ଯେ, ଏହି ପରାଗ କାରଣରୁ ନବରାତ୍ରୀ ପୂଜା ପ୍ରଭାବିତ ହେବ କି? ଏହାର କୌଣସି ପ୍ରଭାବ ପୂଜା ବିଦ୍ଧିରେ ପଡିବ କି ?

ତେବେ ଉତ୍ତର ହେଉଛି 'ନା' କାରଣ ଏହି ସୂର୍ଯ୍ୟପରାଗ ଭାରତରେ ଦୃଶ୍ୟମାନ ହେବ ନାହିଁ । ତେଣୁ ସୂର୍ଯ୍ୟ ପରାଗ ପାଇଁ ମା ଦୁର୍ଗାଙ୍କ ପୂଜା ଉପରେ ପ୍ରଭାବ ପକାଇବ ନାହିଁ । ତେବେ ହିନ୍ଦୁ ଧର୍ମରେ ସୂର୍ଯ୍ୟ ପରାଗକୁ ଶୁଭ ବୋଲି ବିବେଚନା କରାଯାଏ ନାହିଁ । ଖାସ ସେଥିପାଇଁ ପୂଜା ପୂର୍ବରୁ ପରଗ ଲାଗୁଥିବାରୁ ଲୋକଙ୍କ ମନରେ ଦ୍ୱନ୍ଦ ସୃଷ୍ଟ ହୋଇଥାଏ ।

ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ଏହି ମାସରେ ବର୍ଷର ଦ୍ୱିତୀୟ ଚନ୍ଦ୍ର ଗ୍ରହଣ ମଧ୍ୟ ଲାଗିବା ପାଇଁ ଯାଉଛି । ଚନ୍ଦ୍ରଗ୍ରହଣ 28-29 ଅକ୍ଟୋବରର ରାତିରେ ଲାଗିବା ପାଇଁ ଯାଉଛି ଯାହା ଭାରତରେ ଦୃଶ୍ୟମାନ ହେବ ।

ସୂଚନାଥାଉ ଯେ, ସୂର୍ଯ୍ୟପରାଗ ଅକ୍ଟୋବର 14 ଶନିବାର ଦିନ ରାତି 8:34 ରେ ଆରମ୍ଭ ହେବ ଏବଂ ଏହାର ଅନ୍ତ ରାତି 2:25 ରେ ଶେଷ ହେବ। ଏହି ପରାଗ ଆଫ୍ରିକାର ପଶ୍ଚିମାଞ୍ଚଳ, ଆଟଲାଣ୍ଟିକ୍, ଆର୍କଟିକ୍, ଉତ୍ତର ଆମେରିକା ଏବଂ ଦକ୍ଷିଣ ଆମେରିକାର ପଶ୍ଚିମ ଭାଗରେ ସୂର୍ଯ୍ୟ ପରାଗ ଦୃଶ୍ୟମାନେ ହେବ । ଭାରତରେ ସୂର୍ଯ୍ୟ ପରାଗ ଦୃଶ୍ୟମାନ ହେବ ନାହିଁ ତେଣୁ ସୂତକ ଅବଧି ବୈଧ ନୁହେଁ ।

14 ଅକ୍ଟୋବରକୁ ଲାଗିବା ପାଇଁ ଯାଉଥିବା ସୂର୍ଯ୍ୟପରାଗ ବଳୟାକାର ସୂର୍ଯ୍ୟ ପରାଗ । ଏହି ପରାଗ ସମୟରେ ପୃଥିବୀ ଓ ସୂର୍ଯ୍ୟଙ୍କ ମଧ୍ୟରେ ଦୂରତା ଯଥେଷ୍ଟା ବଢିଯାଇଥାଏ । ଏହି ସମୟରେ ସୂର୍ଯ୍ୟଙ୍କ ଆଲୋକ ପୃଥିବୀକୁ ପହଞ୍ଚିବା ପୂର୍ବରୁ ମଝିରେ ଚନ୍ଦ୍ର ରହିଥାଏ । ତେଣୁ ସୂର୍ଯ୍ୟଙ୍କ ମାତ୍ରା ଏକ ଛୋଟ ଅଂଶ ଦେଖିବା ପାଇଁ ମିଳିଥାଏ ।