କେବଳ ଡେଙ୍ଗୁ ନୁହେଁ ଏହି ରୋଗ ହେଲେ ବି କମ ହୋଇଯାଏ ପ୍ଲେଟଲେଟ୍
Immune Thrombocytopenic: ଡେଙ୍ଗୁ ହେଲେ ସାଧାରଣତଃ ରୋଗୀର ପ୍ଲେଟଲେଟ୍ କମିଯାଇଥାଏ । ଯାହା ଅତ୍ୟନ୍ତ ବିପଜ୍ଜନକ ବୋଲି ବିବେଚନା କରାଯାଏ । 50,000 ରୁ କମ୍ ପ୍ଲେଟଲେଟ୍ କମିବା ବିପଜ୍ୱନକ ବୋଲି କୁହାଯାଇଥାଏ । ଯେଉଁଥି ପାଇଁ ଖାଦ୍ୟ ଏବଂ ଉପଯୁକ୍ତ ଚିକିତ୍ସା ପାଇଁ ପରାମର୍ଶ ଦିଆଯାଇଥାଏ । ତେବେ କେବଳ ଡେଙ୍ଗୁ ନୁହେଁ ଆଉ ଏକ ଏପରି ରୋଗ ଅଛି ଯେଉଁଥିରେ ମଧୟ ପ୍ଲେଟଲେଟ୍ କମିବାର ଭୟ ରହିଥାଏ ।
ଏହି ରୋଗର ନାମ ହେଉଛି ଇମ୍ୟୁନ ଥ୍ରୋମ୍ବୋସାଇଟୋପେନିକ୍( 'Immune Thrombocytopenic') । ଆସନ୍ତୁ ଜାଣିବା ଏହାର କାରଣ, ଲକ୍ଷଣ ଏବଂ ଏହାକୁ କିପରି ଏଡାଯାଇ ପାରିବ ।
ଇମ୍ୟୁନ ଥ୍ରୋମ୍ବୋସାଇଟୋପେନିଆର କାରଣ ( 'Immune Thrombocytopenic')
ଏହି ରୋଗର ପ୍ରକୃତ କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ । କେତେକ ବିଶେଷଜ୍ଞଙ୍କ ଅନୁସାରେ, ଶରୀରର ରୋଗ ପ୍ରତିରୋଧକ ଶକ୍ତି କମିଲେ ଏହି ରୋଗ ହୋଇଥାଏ । ଏହି ରୋଗ ରକ୍ତରେ ହୋଇଥାଏ । ଏହି ରୋଗ ହେଲେ ପ୍ଲେଟଲେଟ୍ କମିବାର ଭୟ ରହିଥାଏ । ଏହି ରୋଗ CBC ଏବଂ PS ପରୀକ୍ଷା ଦ୍ୱାରା ଚିହ୍ନଟ ହୁଏ । କେତେକ କ୍ଷେତ୍ରରେ, ଡେଙ୍ଗୁରୁ ସୁସ୍ଥ ହେବା ପରେ ରୋଗୀକୁ ଏହି ରୋଗ ହେବାର ଅଧିକ ଭୟ ରହିଥାଏ ।
ଯଦି କୌଣସି ବ୍ୟକ୍ତିର ଡେଙ୍ଗୁ ନାହିଁ । ଏହା ସତ୍ତ୍ୱେ, ଯଦି ଶରୀରରେ ପ୍ଲେଟଲେଟ୍ ସଂଖ୍ୟା 1 ଲକ୍ଷରୁ କମ ହୋଇଯାଇଛି କିମ୍ବା କ୍ରମାଗତ ଭାବେ ହ୍ରାସ ପାଉଛି, ତେବେ ସଚେତନ ହେବା ଉଚିତ୍ । ଇମ୍ୟୁନ ଥ୍ରୋମ୍ବୋସାଇଟୋପେନିଆ ହେତୁ ଏହା ହୋଇପାରେ । ଯଦିଓ ଏହି ରୋଗ ସାଧାରଣ ନୁହେଁ, ଯଦି ଏହାର ଲକ୍ଷଣ ଦେଖାଯାଏ ତେବେ ଏକ ପରୀକ୍ଷା କରାଯିବା ଉଚିତ୍ । ଡାକ୍ତରମାନେ ଏହାର ଲକ୍ଷଣକୁ ଔଷଧ ସାହାଯ୍ୟରେ ନିୟନ୍ତ୍ରଣ କରନ୍ତି ।
ଇମ୍ୟୁନ ଥ୍ରୋମ୍ବୋସାଇଟୋପେନିଆର ଲକ୍ଷଣ
ଡେଙ୍ଗୁ ବିନା ପ୍ଲେଟଲେଟ୍ କମିବା
ଚର୍ମରେ ଛୋଟ ଦାଗ ସୃଷ୍ଟି ହେବା
ପାଟି ଏବଂ ନାକରୁ ରକ୍ତସ୍ରାବ
ଶରୀର ଘା'ହେବା
ଆଣ୍ଠୁ କିମ୍ବା କାନ୍ଧରେ ଗଣ୍ଠି ସୃଷ୍ଟି ହେବା
ସବୁବେଳେ କ୍ଳାନ୍ତ ଅନୁଭବ କରିବା
ଋତୁସ୍ରାବ ବେଳେ ଅତ୍ୟଧିକ ରକ୍ତସ୍ରାବ
Click it and Unblock the Notifications
Sign in with Google