ଘରେ ପ୍ରସ୍ତୁତ କରନ୍ତୁ Organic ଫେସ୍ ପ୍ୟାକ୍

ଘରେ ପ୍ରସ୍ତୁତ କରନ୍ତୁ Organic Face Pack

ଭୁବନେଶ୍ୱର: ଆଲୋକର ପର୍ବ ଦିପାବାଳୀ ପାଇଁ ଲୋକମାନେ ମାସକ ପୂର୍ବରୁ ପ୍ରସ୍ତୁତ ଆରମ୍ଭ କରିଦେଇଥାନ୍ତି । ଘର ସଫାଠୁ ଆରମ୍ଭ କରି ବିଭିନ୍ନ ପ୍ରକାରର କିଣାକିଣି କରିଥାନ୍ତି । ଏପରି ପରିସ୍ଥିତିରେ, ଆମେ ଅନେକ ଥର ଆମ ତ୍ୱଚାର ଯତ୍ନ ନେବାକୁ ଭୁଲି ଯାଇଥାଉ । ଯଦି ଆପଣ ମଧ୍ୟ ଦିପାବାଳୀରେ ଘର ସଫା କରିବାରେ ବିଜି ଅଛନ୍ତି ତେବେ ନିଜ ତ୍ୱଚାକୁ ମଧ୍ୟ ସଫା କରିନିଅନ୍ତୁ । ଯାହା ଦ୍ୱାରା ଆପଣଙ୍କ ଘର ସହ ତ୍ୱଚା ମଧ୍ୟ ଉଜ୍ଜ୍ୱଳ ଦିସିବ । ଆପଣଙ୍କ ଚେହେରାରେ ଚମକ ଆଣିବାକୁ, ଘରେ ତିଆରି Organic ଫେସ୍ ପ୍ୟାକ୍ ବ୍ୟବହାର କରନ୍ତୁ ।

କିପରି ପ୍ରସ୍ତୁତ କରିବେ Organic Face Pack

ଆଲୋଭେରା -ହଦଳୀ ପ୍ୟାକ୍- ଘରେ ଫେସ୍ ପ୍ୟାକ୍ ତିଆରି କରିବା ପାଇଁ ଆପଣଙ୍କୁ ଆଲୋଭେରା ଏବଂ ହଦଳୀ ଦରକାର । ସମସ୍ତଙ୍କ ଘରେ ଆଲୋଭେରା ଏବଂ ହଦଳୀ ସହଜରେ ଉପଲବ୍ଧ । ଏହି ଦୁଇଟି ଜିନିଷ ଚର୍ମ ପାଇଁ ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଏ । ଆଲୋଭେରା ବ୍ୟବହାର ସହିତ ପିମ୍ପଲ୍ ଏବଂ ଦାଗର ସମସ୍ୟା ଦୂର ହୋଇଯାଏ । ଏହାକୁ ହଦଳୀ ସହିତ ମିଶ୍ରିତ ପ୍ରୟୋଗ କରିବା ଦ୍ୱାରା ଚେହେରାରେ ଥିବା ସଂକ୍ରମଣ ମଧ୍ୟ ଦୂର ହୋଇଥାଏ । ଏହି ପ୍ୟାକ୍ ପ୍ରସ୍ତୁତ କରିବାକୁ, 1 ଚାମଚ ସତେଜ ଆଲୋଭେରା ଜେଲ୍ ନେଇ ସେଥିରେ ଏକ ଚାମଚ ହଦଳୀ ପାଉଡର ମିଶାନ୍ତୁ । ଏବେ ଏହାକୁ ମୁହଁ ଏବଂ ବେକରେ ଲଗାନ୍ତୁ । କିଛି ସମୟ ପରେ ମୁହଁକୁ ପାଣିରେ ଧୋଇ ନିଅନ୍ତୁ ।

ଓଟସ୍-ହନି ଫେସ୍ ପ୍ୟାକ୍- ଘରେ ତ୍ୱଚାକୁ ସଫା କରିବା ପାଇଁ ଓଟସ୍ ଏକ ଅତ୍ୟନ୍ତ ପ୍ରଭାବଶାଳୀ ଜିନିଷ । ଆପଣ ଓଟସ୍ ଏବଂ ମହୁ ବ୍ୟବହାର କରି ଏକ Organic ଫେସ୍ ପ୍ୟାକ୍ ତିଆରି କରିପାରିବେ । ଏଥିପାଇଁ ଓଟମିଲକୁ ଗ୍ରାଇଣ୍ଡ୍ କରି ଏକ ପାଉଡର ପ୍ରସ୍ତୁତ କରନ୍ତୁ ଏବଂ ଏଥିରେ 2 ଚାମଚ ମହୁ ମିଶାଇ ମୁହଁରେ ଲଗାନ୍ତୁ । 10-15 ମିନିଟ୍ ପରେ ଥଣ୍ଡା ପାଣିରେ ମୁହଁକୁ ଧୋଇ ଦିଅନ୍ତୁ ।

ବେସନ-ଦହି ପ୍ୟାକ୍- ଏହା ପୁରୁଣା ଓ ଅତ୍ୟନ୍ତ ପ୍ରଭାବଶାଳୀ ପ୍ୟାକ୍ । ଏହି ପ୍ୟାକ୍ ଦ୍ୱାରା ଆପଣ ନିଜ ଚେହେରାକୁ ସଫା ଓ ସୁନ୍ଦର ରଖିପାରିବେ । 2 ଚାମଚ ବେସନ ଏବଂ 1 ଚାମଚ ସତେଜ ଦହିକୁ ଏହାର ଏକ ମିଶ୍ରଣ ପ୍ରସ୍ତୁତ କରନ୍ତୁ । ଏହି ପ୍ୟାକକୁ ମୁହଁରେ ଲଗାନ୍ତୁ ଏବଂ 20 ମିନିଟ୍ ପରେ ଟିକେ ଶୁଖିଲା ପରେ ମୁହଁ ଧୋଇ ନିଅନ୍ତୁ ଏହା ବ୍ରଣ ଏବଂ ଦାଗ ଦୂର କରିଥାଏ ।

English summary

Organic Face Pack Tips In Odia