କେଶ ସମସ୍ୟା ଦୂର କରିବ ନିମ୍ବ ପତ୍ର
କେଶ ସମସ୍ୟାର ସରଳ ସମାଧାନ ପାଇଁ ନିମ୍ବ ପତ୍ର ବହୁତ ଉପକାରୀ ହୋଇଥାଏ । ବିଭିନ୍ନ ଉପାୟରେ ନିମ୍ବ ପତ୍ରକୁ ବ୍ୟବହାର କରିବା ଦ୍ବାରା, ଏହା କେଶ ସମସ୍ୟାକୁ କମ୍ କରିବାରେ ସାହାଯ୍ୟ କରେ । ଆସନ୍ତୁ ଜାଣିବା ନିମ୍ବ ପତ୍ର କିପରି ଏହି ସମସ୍ୟା ଦୂର କରିବାରେ ସହାୟକ ହେବ ।
ପୁରୁଷ ହୁଅନ୍ତୁ ବା ମହିଳା,ଆଜିକାଲି ସମସ୍ତଙ୍କ କ୍ଷେତ୍ରରେ କେଶ ଜନିତ ସମସ୍ୟା ଦେଖାଦେଉଛି। ଯୁବପିଢୀଙ୍କର ସବୁଠୁ ବଡ ଚିନ୍ତା କେଶ ଝଡିବା, ରୂପି ହେବା ଇତ୍ୟାଦି । ତେବେ ଅତି କମ ସମୟରେ ଏହି ସମସ୍ୟାରୁ ନିଜକୁ ମୁକ୍ତ କରିବା ପାଇଁ ଅନେକ କେମିକାଲ ଯୁକ୍ତ ପ୍ରଡକ୍ଟ ଉପରେ ନିର୍ଭର କରୁଛନ୍ତି । କିନ୍ତୁ କେମିକାଲ ଯୁକ୍ତ ପ୍ରଡକ୍ଟ ସମସ୍ତଙ୍କ କ୍ଷେତ୍ରରେ କାର୍ଯ୍ୟକ୍ଷମ ହୋଇନଥାଏ । ଏଥିପାଇଁ ଯଥାସମ୍ଭବ କେମିକାଲ ଯୁକ୍ତ ପ୍ରଡକ୍ଟ ଠାରୁ ଦୂରେଇ ରହି , ସବୁବେଳେ ଘରୋଇ ଉପାୟରେ ଆପଣାଇବା ଆବଶ୍ୟକ । ତେବେ କେଶ ସମସ୍ୟାର ସରଳ ସମାଧାନ ପାଇଁ ନିମ୍ବ ପତ୍ର ବହୁତ ଉପକାରୀ ହୋଇଥାଏ । ବିଭିନ୍ନ ଉପାୟରେ ନିମ୍ବ ପତ୍ରକୁ ବ୍ୟବହାର କରିବା ଦ୍ବାରା, ଏହା କେଶ ସମସ୍ୟାକୁ କମ୍ କରିବାରେ ସାହାଯ୍ୟ କରେ । ଆସନ୍ତୁ ଜାଣିବା ନିମ୍ବ ପତ୍ର କିପରି ଏହି ସମସ୍ୟା ଦୂର କରିବାରେ ସହାୟକ ହେବ ।
- ପ୍ରଥମେ ନିମ୍ବ ପତ୍ରକୁ ଧୋଇ ତାର ପେଷ୍ଟ ପ୍ରସ୍ତୁତ କରିବେ । ଏହାପରେ ସେଥିରେ ମହୁ ମିଶାଇ ଗୋଳାଇବେ । ଏହାକୁ କେଶର ମୂଳରେ ଲଗାଇବା ପରେ ୧୦ରୁ ୧୫ ମିନିଟ ଯାଏ ରଖି କେଶକୁ ଧୋଇବେ । ଏପରି କିଛି ଥର କରିବା ଦ୍ବାରା କେଶରୁ ରୂପି କମ ହେବା ସହ କେଶ ସୁସ୍ଥ ରହିଥାଏ ।
-ନିମ୍ବ ପତ୍ରକୁ ବାଟି ସେଥିରେ ଦହି ମିଶାଇ କେଶରେ ଲଗାଇ ୨୫ ମିନିଟ ପରେ ଧୋଇବେ । ଏପରି କରିବା ଦ୍ବାରା, କେଶ ଝଡିବା କମ୍ ହେବା ସହିତ, କେଶରେ ଚମକ ଆସିଥାଏ ।
-ପାଣିରେ ନିମ୍ବ ପତ୍ରକୁ ପକାଇ ସିଝାଇବେ । ଏହା ଭଲଭାବେ ସିଝିଯିବା ପରେ ସେହି ପାଣିକୁ ଛାଣି, ଥଣ୍ଡା ହେବା ପରେ ସେହି ପାଣିରେ କେଶ ଧୋଇବେ । ଏହା କେଶ ପାଇଁ ବହୁତ୍ ଉପକାରୀ ।
-ନଡିଆ ତେଲରେ ନିମ୍ବ ପତ୍ର ପକାଇ ଫୁଟାଇବେ । ଏହା ଫୁଟିବା ପରେ ଅଳ୍ପ ଉଷୁମ ଥିବା ସମୟରେ କେଶ ଏବଂ କେଶ ମୂଳରେ ଲଗାଇ ମସାଜ କରିବେ । ଏହା ମୁଣ୍ଡ କୁଣ୍ଡାଇ ହେବା, କେଶ ଝଡିବା ସହିତ ଆହୁରି ଅନେକ କେଶ ଜନିତ ସମସ୍ୟାକୁ ଦୂର କରିବାରେ ସାହାଯ୍ୟ କରେ ।