ଅଧିକ ଅଣ୍ତା ଖାଉଛନ୍ତି କି ହୋଇଯାଆନ୍ତୁ ସତର୍କ ! ଜାଣନ୍ତୁ ଗୋଟେ ଦିନରେ କେତେଟା ଅଣ୍ତା ଖାଇବା ଉଚିତ୍

ଭୁବନେଶ୍ୱର: ଅଣ୍ତା ଖାଇବା ଦ୍ୱାରା ଶରୀରକୁ ପ୍ରୋଟିନ୍, ଭିଟାମିନ୍ ଏବଂ ମିନେରାଲ୍ସ ମିଳିଥାଏ । ଏହା ଶରୀରକୁ ଶକ୍ତି ଦେବା ସହ ଓଜନ ହ୍ରାସ କରିବାରେ ମଧ୍ୟ ସାହାଯ୍ୟ କରିଥାଏ । ଏହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ଅଟେ । ଆମ ଶରୀରରେ ଗୋଟିଏ ଦିନରେ ସୀମିତ ପ୍ରୋଟିନ୍, ମିନେରାଲ୍ସ ଏବଂ ଚର୍ବି ଆବଶ୍ୟକ କରିଥାଏ ଏପରି ପରିସ୍ଥିତିରେ, ଯଦି ଆମେ ଅଣ୍ଡାକୁ ଅତ୍ୟଧିକ ଖାଇଥାଉ, ତେବେ ଆମ ସ୍ୱାସ୍ଥ୍ୟରେ ଏହାର ଖରାପ ପ୍ରଭାବ ପଡିଥାଏ । ତେବେ ଆସନ୍ତୁ ଜାଣିବା ଗୋଟେ ଦିନରେ କେତେଟା ଅଣ୍ଡା ଖାଇବା ଉଚିତ୍ ।

ଅଣ୍ଡାରେ ଥାଏ ଏହି ପୋଷକ ତତ୍ତ୍ୱ
ଅଣ୍ଡାରେ ଥିବା ପୋଷକ ତତ୍ତ୍ୱ ବିଷୟରେ କହିବାକୁ ଗଲେ, ଗୋଟେ ଅଣ୍ଡାରେ ସୁଗାରର ପରିମାଣ ହେଉଛି ୧.୧ ଗ୍ରାମ, କ୍ୟାଲସିୟମ ୫%, ୨% ମ୍ୟାଗ୍ନେସିୟମ୍, ୧୮% ଭିଟାମିନ୍ ବି କମ୍ପ୍ଲେକ୍ସ, ୩୭୩ ମିଗ୍ରା ମ୍ୟାଗ୍ନେସିୟମ୍, ୧୩ ଗ୍ରାମ ପ୍ରୋଟିନ୍, ୧୨୬ ମିଗ୍ରା ପୋଟାସିୟମ୍, ୫% ଫ୍ୟାଟ୍, ୬% ଆଇରନ୍, ୧୦% ଭିଟାମିନ୍ ରହିଥାଏ ।

ଗୋଟେ ଦିନରେ କେତେଟା ଅଣ୍ତା ଖାଇବା ଉଚିତ୍
ଜଣେ ସୁସ୍ଥ ବ୍ୟକ୍ତି ସପ୍ତାହରେ ୫ ରୁ ୬ ଟି ଅଣ୍ଡା ଖାଇବା ଉଚିତ୍ ଅର୍ଥାତ୍ ଗୋଟିଏ ଦିନରେ ଆପଣ ମାତ୍ର ଗୋଟେ ହିଁ ଅଣ୍ତା ଖାଇପାରିବେ । ଏବଂ ଯଦି ଆପଣ ଅଣ୍ଡାର କେବଳ ଧଳା ଅଂଶ ଖାଆନ୍ତି, ତେବେ ଆପଣ ପ୍ରତିଦିନ ଦୁଇଟି ଅଣ୍ଡାର ଧଳା ଅଂଶ ଖାଇପାରିବେ । ଯେଉଁ ଲୋକମାନେ ଦିନରେ ୨୫ ରୁ ୩୦ ଗ୍ରାମ ପ୍ରୋଟିନ୍ ଆବଶ୍ୟକ କରନ୍ତି, ଅର୍ଥାତ୍ ଯେଉଁମାନେ ଜିମରେ ବ୍ୟାୟାମ କରନ୍ତି ସେମାନେ ମଧ୍ୟ ଦିନକୁ ୨-୩ ଟି ଅଣ୍ଡା ଖାଇବା ଉଚିତ୍ । ଅଣ୍ଡା ବ୍ୟତୀତ ଆପଣ ଡାଲି ଏବଂ ଅନ୍ୟାନ୍ୟ ପ୍ରୋଟିନଯୁକ୍ତ ଖାଦ୍ୟ ମଧ୍ୟ ଖାଇବା ଉଚିତ୍ ।

1. ଯେଉଁମାନଙ୍କର ଶରୀରରେ କୋଲେଷ୍ଟ୍ରଲ୍ର ମାତ୍ରା ଅଧିକ ଥାଏ କିମ୍ବା ଯେଉଁମାନେ ହୃଦୟ ରୋଗୀ, ସେମାନେ ଅଣ୍ଡାର ବ୍ୟବହାରକୁ କମ୍ କରିବା ଉଚିତ୍ । ଗୋଟିଏ ସପ୍ତାହରେ କେବଳ ଚାରିଟି ଅଣ୍ଡା ଖାଇ ପାରିବେ । ଏହାଠାରୁ ଅଧିକ ଖାଇବା ଦ୍ୱାରା କୋଲେଷ୍ଟ୍ରଲ ବଢିବାର ଭୟ ରହିଥାଏ ।

2. ମଧୁମେହ ବା ଡାଇବେଟିକ୍ ରୋଗୀମାନେ ମଧ୍ୟ ଅଣ୍ଡା ଖାଇବା ଠାରୁ ଦୂରେଇ ରହିବା ଉଚିତ, କାରଣ ଏହା ରକ୍ତରେ ଶର୍କରା ସ୍ତର ବୃଦ୍ଧି କରିଥାଏ ।

3. ଯେଉଁମାନେ କିଡନୀ ଜନିତ ରୋଗରେ ଆକ୍ରାନ୍ତ, ସେମାନେ ଡାକ୍ତରଙ୍କୁ ନ ପଚାରି ଅଣ୍ଡା ଖାଇବା ଉଚିତ୍ ନୁହେଁ, କାରଣ ଅଧିକ ଅଣ୍ଡା ଖାଇଲେ ଆପଣଙ୍କ କିଡନୀ ଉପରେ ଏହା ଖରାପ ପ୍ରଭାବ ପକାଇଥାଏ ।

4. ଓଜନ କମ କରିବା ପାଇଁ ଆପଣ ଅଣ୍ତାର ଧଳା ଅଂଶ ଖାଦ୍ୟରେ ସାମିଲ କରି ପାରିବେ ହେଲେ ହଳଦିଆ ଅଂଶ ଖାଇବା ଉଚିତ୍ ନୁହେଁ ।

English summary

Know how many eggs to be eaten in a day