Health Tips: ବର୍ଷା ଦିନେ ଭୁଲରେ ବି ଖାଆନ୍ତୁ ନାହିଁ ଏହି ସବୁ ଖାଦ୍ୟ ?
ବର୍ଷାଦିନ ଚାଲିଛି । ଏହି ସମୟରେ ବିଭିନ୍ନ ପ୍ରକାର ଅଣୁଜୀବଙ୍କ ସଂଖ୍ୟା ବୃଦ୍ଧିପାଏ । ସେଇ ହିସାବରେ ବିଭିନ୍ନ ପ୍ରକାର ରୋଗର ଭୟ ମଧ୍ୟ ବଢିଥାଏ । ସାମାନ୍ୟ ଥଣ୍ଡା କାଶ ଠାରୁ ଆରମ୍ଭ କରି ଜଣ୍ଡିସ, ଟାଇଫଏଡ, ଡେଙ୍ଗୁ ଭଳି ମାରାତ୍ମକ ରୋଗ ମଧ୍ୟ ଏ ସମୟରେ ଦେଖା ଦେଇଥାଏ ।
ସାଧାରତଃ ବର୍ଷାଦିନେ ଶରୀରର ହଜମ ଶକ୍ତି ସାମାନ୍ୟ ରୂପେ ହ୍ରାସ ପାଇଥାଏ ତେଣୁ ନିୟନ୍ତ୍ରିତ ଭାବେ ଖାଦ୍ୟ ଗ୍ରହଣ ନକଲେ ଝାଡା ବାନ୍ତି ଓ ଫୁଡ ପଇଜନ ଭଳି ସମସ୍ୟା ଦେଖାଦିଏ ।
ଭାତ ବର୍ଷାଦିନେ ଭାତ ଖାଇଲେ ଏହା ଶରୀରରେ ଜଳୀୟ ଅଂଶକୁ ବୃଦ୍ଧି କରିଥାଏ । ଫଳତଃ ଶରୀର ଫୁଲିବା ଭଳି ସମସ୍ୟା ସୃଷ୍ଟି ହୋଇଥାଏ ।ଏହା ରୋଗପ୍ରତିରୋଧକ ଶକ୍ତିକୁ ମଧ୍ୟ ହ୍ରାସ କରିଥାଏ । ତେଣୁ ବର୍ଷା ଦିନେ ସାଧାରଣ ଚାଉଳ ପରିବର୍ତ୍ତେ ବ୍ରାଉନ ରାଇସ ବ୍ୟବହାର କରିବା ଉଚିତ ।
କଞ୍ଚା ପରିବା ବର୍ଷାଦିନେ କଞ୍ଚା ପରିବାରେ ବ୍ୟାକଟେରିଆ ଭଳି କିଛି ଅଣୁଜୀବ ରହିଥାନ୍ତି । ଏହି ପରିବାକୁ ସଫା କରିବା ପରେ ମଧ୍ୟ ଉକ୍ତ ଅଣୁଜୀବ କବଳରୁ ମୁକ୍ତି ମିଳି ନଥାଏ । ତେଣୁ ପରିବା ଗୁଡିକୁ ଏହି ସମୟରେ କଞ୍ଚା ନଖାଇ ରୋଷେଇ କରି ଖାଇବା ନିହାତି ଆବଶ୍ୟକ ।
ଶାଗ ଶାଗ ଜାତୀୟ ଖାଦ୍ୟରେ ବର୍ଷାଦିନେ ଇ.କୋଲାଇ ଏବଂ ସାଲମୋନେଲା ଭଳି ବ୍ୟାକଟେରିଆ ରହିଥାନ୍ତି । ତେଣୁ ଏହାର ସେବନ ଦ୍ୱାରା ସମୟେ ସମୟେ ଫୁଡ ପଇଜନିଙ୍ଗ ଭଳି ସମସ୍ୟା ଦେଖା ଦେଇଥାଏ ।
ମାଛ ବର୍ଷାଦିନେ ଜଳାଶୟର ଜଳ ସଂକ୍ରମିତ ହୋଇଥାଏ । ଏହି ଜଳରେ ରହୁଥିବା ହେତୁ ମାଛ ଭଳି ଜଳଜୀବଙ୍କ ଶରୀରରେ ଫିତା କୃମି, ଗୋଲ କୃମି ଏବଂ ଅଙ୍କୁଶ କୃମିଙ୍କ ସଂଖ୍ୟା ବୃଦ୍ଧି ପାଇଥାଏ ଯାହା କି ଖାଦ୍ୟଶୃଙ୍ଖଳ ମାଧ୍ୟମରେ ମନୁଷ୍ୟ ଶରୀରରେ ପ୍ରବେଶ କରନ୍ତି । ଏହା ଦ୍ୱାରା ଅନେକ ସମୟରେ ପରସାଇଟିକ ଇନଫେକ୍ସନ ଦେଖା ଦିଏ ।
Click it and Unblock the Notifications
Sign in with Google