ବର୍ଷା ଦିନେ ଫେଲୋ କରନ୍ତୁ ଏହି ଡାଏଟ୍ ଚାର୍ଟ

ବର୍ଷା ଋତୁରେ ଅଧିକ ରୋଗ ହେଉଥିବାରୁ ଖାଦ୍ୟ ପାନୀୟ ପ୍ରତି ବିଶେଷ ଧ୍ୟାନ ଦେବାର ଆବଶ୍ୟକତା ରହିଛି । କିଛିଟା ଖାଦ୍ୟ ଅଛି ଯାହାକୁ ବର୍ଷା ଦିନେ ଡାଏଟରେ ସାମିଲ କଲେ ଆମେ ରୋଗରୁ ଦୂରେଇ ରହିବା । ତେବେ ଜାଣନ୍ତୁଏହି ଖାଦ୍ୟ ଗୁଡ଼ିକ କ’ଣ?

ମୌସୁମୀ ଆରମ୍ଭ ପରେ ଏବେ ଚାରିଆଡ଼େ ବର୍ଷା ହେଉଛି । ବର୍ଷା ସହ ଆରମ୍ଭ ହୋଇଯାଇଛି ସର୍ଦ୍ଦି, କାଶ, କଫ, ଜ୍ଵର। କେବଳ ଏତିକି ନୁହେଁ କରୋନା ସଂକ୍ରମଣ ବି ଦିନକୁ ଦିନ ବଢ଼ୁଥିବା ଦେଖାଯାଉଛି । ବର୍ଷା ଦିନେ ଡାଇରିଆ ଏବଂ ଟାଇଫଏଡର ମଧ୍ୟ ଶିକାର ହୁଅନ୍ତି ଲୋକେ । ଏହି ଋତୁରେ ଅଧିକ ରୋଗ ହେଉଥିବାରୁ ଖାଦ୍ୟ ପାନୀୟ ପ୍ରତି ବିଶେଷ ଧ୍ୟାନ ଦେବାର ଆବଶ୍ୟକତା ରହିଛି । କିଛିଟା ଖାଦ୍ୟ ଅଛି ଯାହାକୁ ବର୍ଷା ଦିନେ ଡାଏଟରେ ସାମିଲ କଲେ ଆମେ କିଛି ରୋଗରୁ ନିଜକୁ ଦୂରେଇ ରଖି ପାରିବ। ତେବେ ଆସନ୍ତୁ ଜାଣିବା ଖାଦ୍ୟ ଗୁଡ଼ିକ କ'ଣ?

ଗୁଡ଼ରେ ଆଣ୍ଟି ଅକ୍ସିଡାଣ୍ଟ ଭରପୁର ମାତ୍ରାରେ ରହିଥାଏ । ଏଥିରେ ଆଇରନ୍ ଜିଙ୍କ ବି ରହିଥାଏ । ଏହା ଆମ ଶରୀରରେ ଇମ୍ୟୁନିଟି ବଢାଇବାରେ ସହାୟକ ହୋଇଥାଏ ଏହି ଖାଦ୍ୟ ଟି। ପ୍ରତିଦିନ ଗୁଡ଼ ଖାଇବା ଆମ ଶରୀର ପାଇଁ ବହୁତ ଲାଭଦାୟକ ହୋଇଥାଏ । ବର୍ଷା ଦିନେ ହେଉଥିବା ସଂକ୍ରମଣକୁ ବି ଏହା ହେବାକୁ ଦେଇନ ଥାଏ । ଯେଉଁମାନଙ୍କର ଖାଦ୍ୟ ହଜମ ହୋଇ ନଥାଏ ସେମାନେ ପ୍ରତିଦିନ ଗୁଡ଼ ଖାଇବା ଦରକାର।

ଘିଅ:
ଘିଅରେ ଗୋଟିଏ ନୂହେଁ ଅନେକ ପ୍ରକାର ଫାଇଦା ରହିଥାଏ । ଏହା ଇମ୍ୟୁନିଟି ବୃଦ୍ଧି କରାଇବା ସହିତ ଶରୀରକୁ ଗରମ ରଖିଥାଏ । ସ୍ମରଣ ଶକ୍ତି ମଧ୍ୟ ବଢ଼ାଇଥାଏ । ବର୍ଷା ଦିନେ ଘିଅ ଖାଇବାର ଅଭ୍ୟାସ କରନ୍ତୁ। ଏହା ଆପଣଙ୍କୁ ସୁସ୍ଥ ରଖିବ । ଏହାଛଡ଼ା ସ୍କିନକୁ ଡ୍ରାଏ ହେବାକୁ ବି ଦେବନାହିଁ ।

ହଳଦୀ:

ହଳଦୀର ଔଷଧୀୟ ଗୁଣ ବାବଦରେ ସମସ୍ତେ ଅବଗତ ଅଛେ । ଏହା ଆମ ରୋଷେଇ ଘରେ ସବୁବେଳେ ଥାଏ । ଏଥିରେ ଆଣ୍ଟି ଅକ୍ଦିଡେଣ୍ଟ ଭରପୁର ମାତ୍ରାରେ ରହିଥାଏ । ଏହା ଆମ ଶରୀରରେ ଇମ୍ୟୁନିଟିକୁ ବି ବଢ଼ାଇଥାଏ । ବର୍ଷା ଦିନେ ଆପଣ କ୍ଷୀରରେ ହଳଦୀ ମିଶାଇ ପିଅନ୍ତୁ, ଶରୀରରୁ ଅଧା ରୋଗ ଭଲ ହୋଇଯିବ । ଏହା ସହ ତ୍ବଚାରେ ଚମକ ବି ଆସିବ ।

କନ୍ଦମୂଳ:

କନ୍ଦମୂଳ ଖାଇବା ଶରୀର ପାଇଁ ଖୁବ୍ ଭଲ ହୋଇଥାଏ । ଏଥିରେ ଭିଟାମିନ୍ ଏ , ସି, ବି, ଫାଇବର୍ ସହ ଭରପୁର ମାତ୍ରାରେ ଆଣ୍ଟି ଅକ୍ସିଡାଣ୍ଟ ବି ରହିଥାଏ । ଏହାକୁ ବର୍ଷା ଦିନ ଡାଏଟରେ ଯୋଡନ୍ତୁ । ଶରୀରକୁ ବହୁତ ଲାଭ ମିଳିବ ।

ବାଦାମ:

ଚିନା ବାଦାମ, କାଜୁ, ପିସ୍ତା ବାଦାମ ଖାଇବା ବହୁତ ଭଲ ହୋଇଥାଏ । ଏଥିରେ ବହୁତ ପ୍ରକାର ଭିଟାମିନ୍ ରହିଥାଏ । ଯାହା ବର୍ଷା ଦିନେ ଶରୀରକୁ ସୁସ୍ଥ ରଖିବାରେ ସାହାଯ୍ୟ କରିଥାଏ । ଏହା ଖାଇବା ଦ୍ବାରା ଶରୀର ଅଧିକ ସମୟ କାମ କରିବାରେ ସକ୍ଷମ ହୋଇଥାଏ । ଏହା ସହଜରେ ଥକାପଣ ଅନୁଭବ କରିବାକୁ ଦେଇ ନ ଥାଏ ।

ଏଠାରେ ଆପଣ ଗୋଟିଏ କଥା ଧ୍ୟନ ରଖନ୍ତୁ ଶରୀର ପାଇଁ ଭଲ ବୋଲି ଏହାକୁ ଅତି ମାତ୍ରାରେ ଖାଇବେ ନାହିଁ । ଏହା ଆପଣଙ୍କ ଶରୀରପାଇଁ କ୍ଷତିକାରକ ବି ହୋଇପାରେ ।

English summary

Due to the high number of diseases during the monsoon season, special attention needs to be paid to food and drink. There are some foods that if included in the diet on a rainy day we will avoid the disease. So find out what these foods are.