EPFO: ଆସିଲା ନୂଆ ନିୟମ, ଆପଣ ଅଧିକ ସୁଧର ଲାଭ ପାଇବେ

ନିକଟରେ କେନ୍ଦ୍ର ମନ୍ତ୍ରୀ ମନସୁଖ ମାଣ୍ଡଭିଆଙ୍କ ଅଧ୍ୟକ୍ଷତାରେ ଇପିଏଫଓର କେନ୍ଦ୍ରୀୟ ଟ୍ରଷ୍ଟ ବୋର୍ଡ (ସିବିଟି) ର ୨୩୬ ତମ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ସରକାର ଇପିଏଫଓ ସଦସ୍ୟଙ୍କ ସୁବିଧା ବୃଦ୍ଧି ତଥା ପ୍ରକ୍ରିୟାକୁ ସରଳ କରିବା ପାଇଁ ଅନେକ ପରିବର୍ତ୍ତନକୁ ଅନୁମୋଦନ କରିଛନ୍ତି ।

ସଦସ୍ୟଙ୍କ ଅଧିକ ଆୟ ପାଇଁ ବିନିମୟ ବାଣିଜ୍ୟ ପାଣ୍ଠି (ଇଟିଏଫ) ପାଇଁ ମୁକ୍ତି ନୀତି କର୍ମଚାରୀଙ୍କ ପ୍ରୋଭିଡେଣ୍ଟ ଫଣ୍ଡ ସଂଗଠନ (ଇପିଏଫଓ) ର କେନ୍ଦ୍ରୀୟ ଟ୍ରଷ୍ଟି ବୋର୍ଡ (ସିବିଟି) ଦ୍ୱାରା ଅନୁମୋଦିତ ହୋଇଛି ।

ଖବର ଅନୁଯାୟୀ, କେନ୍ଦ୍ରୀୟ ପବ୍ଲିକ୍ ସେକ୍ଟର ଏଣ୍ଟରପ୍ରାଇଜେସ୍ (ସିପିଏସଇ) ଏବଂ ଭାରତ ୨୨ ସୂଚକାଙ୍କରେ ଇଟିଏଫରୁ ପ୍ରାପ୍ତ ଅର୍ଥର ୫୦ ପ୍ରତିଶତ ପୁନଃ ନିବେଶ କରିବାକୁ ସିବିଟି ଅନୁମୋଦନ କରିଛି ।

ନୂତନ ନୀତି ଅନୁଯାୟୀ ଏହି ପାଣ୍ଠିକୁ ଅତି କମରେ ପାଞ୍ଚ ବର୍ଷ ରଖିବା ବାଧ୍ୟତାମୂଳକ । ରିପୋର୍ଟରେ କୁହାଯାଇଛି ଯେ ଅବଶିଷ୍ଟ ଅର୍ଥ ସରକାରୀ ସିକ୍ୟୁରିଟି ଏବଂ କର୍ପୋରେଟ୍ ବଣ୍ଡ ପରି ଅନ୍ୟ ଆର୍ôଥକ ଉପକରଣରେ ନିବେଶ ହେବ । କେନ୍ଦ୍ର ଶ୍ରମ ଏବଂ ରୋଜଗାର ମନ୍ତ୍ରଣାଳୟ ଦ୍ୱାରା ପ୍ରଦାନ କରାଯାଇଥିବା ସୂଚନାରେ କୁହାଯାଇଛି ଯେ, ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ ବୋର୍ଡ ଅଫ୍ ଇଣ୍ଡିଆ ଦ୍ୱାରା ନିୟନ୍ତ୍ରିତ ସରକାରୀ କ୍ଷେତ୍ର ଦ୍ୱାରା ପ୍ରାୟୋଜିତ ଇନଫ୍ରାଷ୍ଟ୍ରକଚର ଇନଭେଷ୍ଟମେଣ୍ଟ ଟ୍ରଷ୍ଟ / ରିଏଲ୍ ଇଷ୍ଟେଟ୍ ଇନଭେଷ୍ଟମେଣ୍ଟ୍ ଟ୍ରଷ୍ଟ ଦ୍ୱାରା ପ୍ରଦାନ କରାଯାଇଥିବା ୟୁନିଟରେ ସିବିଟି ନିବେଶକୁ ଅନୁମତି ଦେଇଛି ।

ଆପଣ ଅଧିକ ସୁଧର ଲାଭ ପାଇବେ :-
ବୋର୍ଡ ମଧ୍ୟ ଇପିଏଫ ଯୋଜନା ୧୯୫୨ ରେ ଏକ ଗୁରୁତ୍ୱପୂର୍ଣ୍ଣ ସଂଶୋଧନକୁ ଅନୁମୋଦନ କରିଛି । ବିଦ୍ୟମାନ ବ୍ୟବସ୍ଥା ଅନୁଯାୟୀ, ପ୍ରତ୍ୟେକ ମାସର ୨୪ ତାରିଖ ସୁଦ୍ଧା ସମାଧାନ ହୋଇଥିବା ଦାବିଗୁଡିକ ପାଇଁ କେବଳ ପୂର୍ବ ମାସର ଶେଷ ପର୍ଯ୍ୟନ୍ତ ସୁଧ ପ୍ରଦାନ କରାଯାଇଥାଏ । ବର୍ତ୍ତମାନ ସମାଧାନ ତାରିଖ ପର୍ଯ୍ୟନ୍ତ ସଦସ୍ୟଙ୍କୁ ସୁଧ ପ୍ରଦାନ କରାଯିବ । ମନ୍ତ୍ରଣାଳୟ ଅନୁଯାୟୀ ଏହା ସଦସ୍ୟଙ୍କ ପାଇଁ ଆର୍ôଥକ ଲାଭ ଆଣିବ ଏବଂ ଅଭିଯୋଗ ହ୍ରାସ କରିବ ।