ଅଦା ଖାଇଲେ କମିଯିବ ଏହି ସବୁ ରୋଗ
ଅଦା ରସରେ ଅନେକ ପ୍ରକାର ସ୍ବାସ୍ଥ୍ୟୋପକାରୀ ଗୁଣ ଭରି ରହିଛି। ଯଦି ଜଣେ ବ୍ୟକ୍ତି ପ୍ରତିଦିନ ୧୦-୨୦ ମିଲିଲିଟର ଅଦା ରସରେ ଅଳ୍ପ ଗୁଡ଼ ମିଶାଇ ପିଅନ୍ତି ତେବେ ତାହା ଆଣ୍ଠୁଗଣ୍ଠି ଦରଜରୁ ଅନେକାଂଶରେ ଉପଶମ ଦେଇଥାଏ। ଅଦାରେ କ୍ୟାଲସିୟମ, ମ୍ୟାଗ୍ନେସିୟମ, ଜିଙ୍କ୍ ଏବଂ ମିନେରାଲ ଭରି ରହିଛି । ଆପଣ ଥଣ୍ଡାଜନିତ ସମସ୍ୟାରେ ପୀଡ଼ିତ କି ? ଯଦି ହଁ, ତେବେ ଅଦା ରସ, ମହୁ, ତୁଳସୀ ପତ୍ର ମିଶ୍ରିତ ଚା' ପିଇଲେ ତାହା ଥଣ୍ଡା, ନାକରୁ ପାଣି ଗଡ଼ିବା, ମୁଣ୍ଡ ବିନ୍ଧା କମାଇବାରେ ସାହାଯ୍ୟ କରିଥାଏ। ନିୟମିତ ଅଦା ରସ ସେବନ କଲେ ତାହା ପାଚନକ୍ରିୟାକୁ ଆହୁରି ସଠିକ୍ କରିଥାଏ। ତା' ସହ ବଦହଜମି ସମସ୍ୟା ମଧ୍ୟ ଅନେକାଂଶରେ ଦୂର କରିଥାଏ। ତେବେ ଆସନ୍ତୁ ଜାଣିବା ଅଦା କେଉଁ ସବୁ ସ୍ୱାସ୍ଥ୍ୟ ସମସ୍ୟାର ସମାଧାନ କରିପାରିବ ।
ଥଣ୍ଡା ଏବଂ କାଶ: ସମସ୍ତେ ଜାଣନ୍ତି ଯେ ଅଦା, କାଶ ଏବଂ ଥଣ୍ଡାରୁ ଯଥେଷ୍ଟ ଆରାମ ଦିଏ । ଅଦାରେ ଥିବା ଆଣ୍ଟିଅକ୍ସିଡାଣ୍ଟ ଗଳାକୁ ଠିକ୍ କରେ ଏବଂ ଜମି ରହିଥିବା କଫ ବାହାର କରିବାରେ ସାହାଯ୍ୟ କରେ।
ବାନ୍ତି: ଯଦି ଆପଣଙ୍କୁ ଥଣ୍ଡା ଯୋଗୁଁ ବାନ୍ତି ହେଉଛି କିମ୍ବା ଆପଣଙ୍କୁ ଯାତ୍ରା ସମୟରେ ବାନ୍ତି ଲାଗୁଛି, ତେବେ ଅଦା ବହୁତ ପ୍ରଭାବଶାଳୀ ହୋଇପାରେ। ଆପଣ ଏହାକୁ ପାଟିରେ ରଖି ଧିରେଧିରେ ଚୋବାଇ ପାରିବେ ଯାହା ଆରାମ ଦେଇଥାଏ ।
ଗ୍ୟାସ୍ ଏବଂ ବଦହଜମୀ: ଅଦାରେ ଥିବା ତତ୍ତ୍ବଗୁଡ଼ିକ ଆପଣଙ୍କ ହଜମ ଏନଜାଇମଗୁଡ଼ିକୁ ସକ୍ରିୟ କରେ, ଯାହା ଖାଦ୍ୟ ହଜମ କରିବାରେ ସାହାଯ୍ୟ କରେ ଏବଂ ଗ୍ୟାସ୍ , ବଦହଜମୀକୁ ରୋକିଥାଏ। ଆପଣ ଅଦାକୁ ପାଣିରେ ଫୁଟାଇ ଚା'ପରି ପିଇପାରିବେ।
ଭୋକ ବଢ଼ାଏ: କିଛି ଲୋକଙ୍କ ଠାରେ ପ୍ରାୟତଃ କମ୍ ଖାଇବା କିମ୍ବା ଭୋକ ନ ଲାଗିବାର ସମସ୍ୟା ଦେଖାଯାଏ । ଅଦା ହଜମ ଶକ୍ତି ବଢାଏ ।
ରକ୍ତ ଶର୍କରା ପରିଚାଳନା: ଅଦା ମଧୁମେହ ରୋଗୀଙ୍କ ପାଇଁ ମଧ୍ୟ ଲାଭଦାୟକ, କାରଣ ଏହା ରକ୍ତ ଶର୍କରା ନିୟନ୍ତ୍ରଣ କରିବାରେ ସାହାଯ୍ୟ କରେ।
କୋଲେଷ୍ଟ୍ରଲ ନିୟନ୍ତ୍ରଣ: ଖରାପ କୋଲେଷ୍ଟ୍ରଲ (LDL) ହାର୍ଟ ପାଇଁ ଅତ୍ୟନ୍ତ କ୍ଷତିକାରକ, ତେଣୁ ଏହାର ସ୍ତର ହ୍ରାସ କରିବା ଉଚିତ ଏବଂ ଭଲ କୋଲେଷ୍ଟ୍ରଲକୁ ବଢ଼ାଇବା ଉଚିତ। ଅଦା ଖରାପ କୋଲେଷ୍ଟ୍ରଲକୁ ହ୍ରାସ କରି ହାର୍ଟକୁ ସୁସ୍ଥ ରଖେ ।
ଗଣ୍ଠି ଯନ୍ତ୍ରଣାରୁ ମୁକ୍ତି: ଅଦାରେ ଥିବା ଆଣ୍ଟି-ଇନ୍ଫ୍ଲାମେଟରୀ ଗୁଣ କେବଳ ଫୁଲା କମ୍ କରେ ନାହିଁ ବରଂ ଯନ୍ତ୍ରଣାରୁ ମଧ୍ୟ ମୁକ୍ତି ଦିଏ । ତେଣୁ ଏହା ଗଣ୍ଠି ଯନ୍ତ୍ରଣାରେ ପୀଡିତ ଲୋକଙ୍କ ପାଇଁ ଲାଭଦାୟକ।
ମାସିକ ଋତୁସ୍ରାବ ସମୟରେ ଯନ୍ତ୍ରଣା: ଅଦା ମହିଳାମାନଙ୍କ ପାଇଁ ବହୁତ ଲାଭଦାୟକ, କାରଣ ଅଦା ଚା ପିଇବା ଦ୍ୱାରା ମାସିକ ଋତୁସ୍ରାବ ସମୟରେ ଯନ୍ତ୍ରଣା ଏବଂ କ୍ରାମ୍ପରୁ ମୁକ୍ତି ମିଳିଥାଏ।
Click it and Unblock the Notifications
Sign in with Google