ଶୋଇବା ପୁର୍ବରୁ ପିଉଛନ୍ତି କି ପାଣି ? ଆଜି ହିଁ ବଦଳାନ୍ତୁ ଅଭ୍ୟାସ, ନଚେତ୍...
ପାଣି ଆମ ସ୍ୱାସ୍ଥ୍ୟ ଏବଂ ଶରୀର ଉଭୟ ପାଇଁ ଗୁରୁତ୍ୱପୂର୍ଣ୍ଣ, କିନ୍ତୁ ପ୍ରତ୍ୟେକ ଖାଦ୍ୟ ଏବଂ ପାଣି ପିଇବାର ଏକ ସଠିକ୍ ଉପାୟ ଅଛି। ସେହିପରି, ଯଦି ଆପଣ ଠିକ୍ ସମୟରେ ପାଣି ନ ପିଅନ୍ତି, ତେବେ ଏହା ଆପଣଙ୍କ ନିଦ ଉପରେ ପ୍ରଭାବ ପକାଇପାରେ। ତେବେ ଆସନ୍ତୁ ଜାଣିବା ପାଣି ପିଇବାର ସଠିକ୍ ସମୟ କ'ଣ ।
ରାତିରେ ନିଦ ନହେବା ଏକ ସାଧାରଣ ସମସ୍ୟା ହୋଇଗଲାଣି ଏବଂ ଏହାର ଅନେକ କାରଣ ହୋଇପାରେ ଯେପରିକି ଷ୍ଟ୍ରେସ, ଥକ୍କାପଣ ଏବଂ ଖରାପ ଖାଦ୍ୟର ଅଭ୍ୟାସ। ଆମ ସମସ୍ତଙ୍କର ଏକ ଗୁରୁତ୍ୱପୂର୍ଣ୍ଣ ଅଭ୍ୟାସ ହେଉଛି ପାଣି ପିଇବା। ମଣିଷ ହୁଅନ୍ତୁ କିମ୍ବା ପଶୁ, ସମସ୍ତଙ୍କ ଜୀବନ ପାଇଁ ପାଣି ଆବଶ୍ୟକ। କିନ୍ତୁ ମଣିଷର ଖାଇବା ପିଇବା ସମ୍ପର୍କରେ କିଛି ନିୟମ ଏବଂ ପଦ୍ଧତି ଅଛି। ଯଦି ଆମେ ସେହି ଅନୁସାରେ ଖାଇବା ପିଇବାର ଅଭ୍ୟାସ ଠିକ୍ ନ କରୁ, ତେବେ ଏହା ନିଦ ସମସ୍ୟା ଏବଂ ଅନେକ ରୋଗର କାରଣ ହୋଇପାରେ।
ବିଶେଷଜ୍ଞମାନେ କ'ଣ କୁହନ୍ତି?
ବିଶେଷଜ୍ଞମାନଙ୍କ ଅନୁଯାୟୀ, ପାଣି ପିଇବା ଉପରେ ନିୟନ୍ତ୍ରଣ ରଖିବା ଗୁରୁତ୍ୱପୂର୍ଣ୍ଣ । ସମସ୍ତଙ୍କର ଶୋଇବା ପୂର୍ବରୁ ପାଣି ପିଇବାର ଅଭ୍ୟାସ ଥାଏ । ଯଦି ଆପଣବି ଶୋଇବା ପୂର୍ବରୁ ଗୋଟିଏ ଗ୍ଲାସ ପାଣି ପିଉଛନ୍ତି ତେବେ ଏପରି କରିବାଠାରୁ ଦୂରେଇ ରହିବା ଉଚିତ । ଆମେ ଦିନବେଳେ ପାଣି ପିଇବା ଉପରେ ଅଧିକ ଧ୍ୟାନ ଦେବା ଉଚିତ। ଅନେକ ବିଶେଷଜ୍ଞ କହିଛନ୍ତି ଯେ କିଛି ଲୋକଙ୍କର ଦିନରେ କମ୍ ପାଣି ପିଇବାର ଅଭ୍ୟାସ ଥାଏ ଏବଂ ସେଥିପାଇଁ ସେମାନେ ରାତିରେ ପାଣି ପିଇବା ବଢ଼ାଇ ଦିଅନ୍ତି। କିନ୍ତୁ ସ୍ୱାସ୍ଥ୍ୟ ବିଶେଷଜ୍ଞମାନେ କୁହନ୍ତି ଯେ ଜଳୀୟ ଅଂଶ ପାଇଁ କେବଳ ଦିନରେ ପାଣି ପିଇବା ଉଚିତ। ରାତିରେ ଅଧିକ ପାଣି ପିଇବା ଭଲ ନୁହେଁ।
ପାଣି ପିଇବାର ସଠିକ୍ ସମୟ କେଉଁଟି?
ପାଣି ପିଇବାର କିଛି ପଦ୍ଧତି ଅଛି ଯାହା ଆମ ନିଦ ଉପରେ ପ୍ରଭାବ ପକାଇଥାଏ । ରାତିରେ ଶୋଇବା ସମୟରେ ଶରୀରରେ ଜଳୀୟ ଅଂଶ କମିଯାଏ, ତେଣୁ ସମସ୍ତେ ସକାଳେ ଉଠିବା ପରେ ପାଣି ପିଇବା ଉଚିତ। ଭଲ ନିଦରେ ଶୋଇବା ପଇଁ ଜୀବନଶୈଳୀରେ କିଛି ପରିବର୍ତ୍ତନ ଆଣିବାକୁ ପଡିଥାଏ । ସ୍ୱାସ୍ଥ୍ୟ ଠିକ୍ ରହିବା ପାଇଁ ନିଦ ମଧ୍ୟ ବହୁତ ଗୁରୁତ୍ୱପୂର୍ଣ୍ଣ। ନିଦର ଅଭାବ ଅନେକ ଗମ୍ଭୀର ଏବଂ ବଡ ବଡ ରୋଗର କାରଣ ହୋଇପାରେ, ଯେପରିକି ପୁରୁଷମାନଙ୍କ ମଧ୍ୟରେ ମଧୁମେହ, ହୃଦରୋଗ ଏବଂ ମହିଳାଙ୍କ ମଧ୍ୟରେ ଅଷ୍ଟିଓପୋରୋସିସ୍ ହେବାର ଆଶଙ୍କା ବୃଦ୍ଧି ପାଇଥାଏ।
ପାଣି ପିଇବାର ସଠିକ୍ ଉପାୟ
ଦିନରେ ଅଧିକ ପାଣି ପିଅ, ଯାହା ଦ୍ଵାରା ରାତିରେ କମ୍ ପାଣି ପିଇବାକୁ ପଡିବ
ଶୋଇବା ଗୋଟିଏ ଘଣ୍ଟା ପୂର୍ବରୁ ପାଣି ପିଇବାଠରୁ ଦୂରେଇ ରୁହନ୍ତୁ
ଶରୀରର ଜଳୀୟ ଅଂଶ ବୃଦ୍ଧି ପାଇଁ ଠିକ୍ ସମୟରେ ପାଣି ପିଅନ୍ତୁ
Click it and Unblock the Notifications
Sign in with Google