Chanakya Niti: ଏମାନଙ୍କ ଠାରୁ ସବୁବେଳେ ରୁହନ୍ତୁ ସତର୍କ, ନଚେତ୍

ମାନବ ଜୀବନ କିପରି ସୁଖୀ ହେବା ଉଚିତ୍ ସେ ବିଷୟରେ ଚାଣକ୍ୟ ପୁସ୍ତକ ଲେଖିଥିଲେ । ଏହି ପୁସ୍ତକ ପଢିବା ଆପଣଙ୍କ ଜୀବନର ଅନେକ ସମସ୍ୟାର ସମାଧାନ କରିବ । ଏହି ପୁସ୍ତକରେ ଚାନକିଆ ଅତି ସରଳ ଭାଷାରେ ନିଜର ଭାବନା ବାଣ୍ଟିଛନ୍ତି |

ଜୀବନ ସବୁଠୁ ଅଧିକ ମୂଲ୍ୟବାନ୍‌। ଏକ ଛୋଟ ଭୁଲ ଯୋଗୁ ନିଜକୁ ମୃତ୍ୟୁ ମୁହଁକୁ ଠେଲିଦେବା କିମ୍ବା ନିଜକୁ ବିପଦରେ ପକାଇବା ଆଦୌ ଉଚିତ ନୁହେଁ। ଏଣୁ ମହାନ୍‌ ବିଦ୍ୱାନ ଆଚାର୍ଯ୍ୟ ଚାଣକ୍ୟ ନିଜ ନୀତି ଶାସ୍ତ୍ରରେ ସେ ସବୁ କାମ କରିବାକୁ ବାରଣ କରିଛନ୍ତି, ଯାହା ଜୀବନକୁ ମରଣ ଆଡ଼କୁ ଟାଣି ନିଏ। ଏସବୁ କାମ କରିବା ଦ୍ୱାରା ଜୀବନର ସୁଖ ଶାନ୍ତିରେ ଗ୍ରହଣ ଲାଗିଯାଏ। ତେବେ ଆସନ୍ତୁ ଜାଣିବା କେଉଁ କେଉଁ ବିଷୟ ପ୍ରତି ସତର୍କ ରହିବା ଆବଶ୍ୟକ ।

ଆଚାର୍ଯ୍ୟ ଚାଣକ୍ୟଙ୍କ ନୀତି ଶାସ୍ତ୍ରରେ ଏଭଳି ୩ଟି ଜିନିଷ ବିଷୟରେ କୁହାଯାଇଛି, ଯାହା ପ୍ରତି ସମସ୍ତେ ସତର୍କ ରହିବା ଆବଶ୍ୟକ ।

ପ୍ରତି କଥାରେ ଜବାବ ଦେଉଥିବା ସେବକ: ଆଗକାଳରେ କେବଳ ରାଜା- ମହାରାଜା ଓ ଧନୀମାନେ ଘରେ ସେବକ ରଖୁଥିଲେ । କିନ୍ତୁ ଏବେ ସମସ୍ତେ ନିଜ ନିଜ ଘରେ ସାହାଯ୍ୟ କରିବା ପାଇଁ ଚାକର ରଖୁଛନ୍ତି । ଘରର ପ୍ରତିଟି କଥା ଜାଣିଥିବା ଏହି ସେବକ ବେଳେ ବେଳେ ଆମ ପାଇଁ ବିପଦ ସାଜି ପାରନ୍ତି। ଯଦି ଚାକର ସବୁ କଥାରେ ଜବାବ ଦେଉଥିବ ଓ କଥାକୁ ଏପଟ ସେପଟ କରୁଥିବ, ତେବେ ସେ ଆପଣଙ୍କ ପାଇଁ ବିପଦପୂର୍ଣ୍ଣ ହୋଇପାରେ। ଏଭଳି ଲୋକ ଆପଣଙ୍କ ଛବିକୁ ମାତ୍ର କିଛି ସେକେଣ୍ଡ ମଧ୍ୟରେ ନଷ୍ଟ କରିପାରନ୍ତି।

ମୁର୍ଖ ମିତ୍ର: ଉତ୍ତମ ଓ ସଚ୍ଚୋଟ ମିତ୍ର ଆପଣଙ୍କ ଜୀବନକୁ ଖୁସିରେ ଭରି ଦିଅନ୍ତି। କିନ୍ତୁ ବନ୍ଧୁ ଯଦି ଜଣେ ମୁର୍ଖ ହୋଇଥାନ୍ତି ତେବେ ଜୀବନରେ ଅନେକ ସମସ୍ୟା ଆସିପାରେ। ଏଭଳି ମୁର୍ଖ ମିତ୍ର ଆପଣଙ୍କୁ ଯେକୌଣସି ସମୟରେ ବି ଅସୁବିଧାରେ ପକାଇପାରନ୍ତି। ଏମାନଙ୍କ ଠାରୁ ଦୂରେଇ ରୁହନ୍ତୁ।

ଘରେ ରହୁଥିବା ସାପ: ଯଦି ଘରେ ସାପ ରହୁଥାଏ ଅର୍ଥାତ୍ ଆଗରେ ଭଲ ପଛରେ କହୁଥିବା ବ୍ୟକ୍ତି ... ସେମାନେ ଆପଣଙ୍କ ଜୀବନ ବିପଦ ମଧ୍ୟରେ ପକାଇପାରନ୍ତି । ଆପଣ ଯେତେ ବଡ଼ ବିଶେଷଜ୍ଞ ବି ହୋଇଥାନ୍ତୁ ନା କାହିଁକି ଆପଣଙ୍କ ପ୍ରାଣ ପ୍ରତି ସବୁ ସମୟରେ ସଙ୍କଟ ରହିଥାଏ କାହିଁକି ନା ଏହେଉଛି ମୃତ୍ୟୁ ଲୋକ । ଏଣୁ କେବେ ବି ସହଜରେ କାହାକୁ ଭରସା କରନ୍ତୁ ନାହିଁ । ମନେରଖନ୍ତୁ କେବଳ ଜଣେ ହିଁ ଯିଏ ସଦାବେଳେ ଆପଣଙ୍କ ସାଥିରେ ରହିଥାନ୍ତି 'ଭଗବାନ' ।