ସାବଧାନ ! ଡାଇବେଟିସ ରୋଗୀ ପିଉଛନ୍ତି କି ଆଖୁ ରସ, ଗବେଷଣାରୁ ଆସିଲା ଆଶ୍ଚର୍ଯ୍ୟ କଲା ପରି ରିପୋର୍ଟ

ଗ୍ରୀଷ୍ମ ଋତୁରେ ଆଖୁ ରସ ବହୁତ ଆରାମ ଦିଏ, କିନ୍ତୁ ଡାଇବେଟିସ୍‌ ବା ମଧୁମେହ ରୋଗୀମାନେ ଆଖୁରସ ପିଇ ପାରିବେ କି ନାହିଁ ଏନେଇ ଅନେକଙ୍କ ମନରେ ପ୍ରଶ୍ନ ଉଙ୍କି ମାରିଥାଏ। ଆଖୁରରରେ ଅଧିକ ପରିମାଣର ସୁଗାର ଥାଏ। କିନ୍ତୁ ଏଥିରେ ପୋଟାସିୟମ, କ୍ୟାଲସିୟମ, ମ୍ୟାଗ୍ନେସିୟମ ଏବଂ ଆଇରନ ଭଳି ପୋଷକ ତତ୍ତ୍ୱ ମଧ୍ୟ ଥାଏ।

ଯଦି ଆପଣଙ୍କର ଡାଇବେଟସ୍‌ ନାହିଁ, ତେବେ ଆଖୁରସ ଆପଣଙ୍କ ପାଇଁ ବହୁତ ଲାଭଦାୟକ। ଯଦି ରସଟି ସତେଜ ଏବଂ ସଫା ଥାଏ। ବଜାରରେ ମିଳୁଥିବା ଆଖୁରସରେ ଅନେକ କ୍ଷତିକାରକ ଉପାଦାନ ଥାଇପାରେ। ତେଣୁ କେବଳ ସଫା ଦୋକାନରୁ ଆଖୁରସ କିଣନ୍ତୁ ଏବଂ ଏଥିରେ ଲେମ୍ବୁ, ଲୁଣ ଏବଂ ପୁଦିନା ମିଶାନ୍ତୁ। ଏହା କେବଳ ଆଖୁ ରସର ସ୍ବାଦ ବଢ଼ାଇବ ନାହିଁ ବରଂ ଆପଣଙ୍କ ପାଇଁ ପୁଷ୍ଟିକର ମଧ୍ୟ ହେବ। ତଥାପି ଅଧିକ ପରିମାଣରେ ଆଖୁରସ ସେବନ କରିବା ଦ୍ୱାରା ପେଟ ସମ୍ବନ୍ଧୀୟ ରୋଗ ମଧ୍ୟ ହୋଇପାରେ।

ଡାଇବେଟିସ୍‌ ରୋଗୀମାନେ ଗ୍ରୀଷ୍ମଋତୁରେ ଆଖୁ ରସର ମଜା ନେଇପାରିବେ। ମାତ୍ର ଆଖୁରସ ପିଇବାକୁ ହେଲେ ସେମାନଙ୍କୁ କିଛି ସତର୍କତା ଅବଲମ୍ବନ କରିବାକୁ ପଡ଼ିବ। କାରଣ ଆଖୁରେ ପ୍ରଚୁର ପରିମାଣର ଫାଇବର ଥାଏ ଏବଂ ଏହାର ରସରେ ଅଧିକ ପରିମାଣର ସୁଗାର ଥାଏ। ତେଣୁ ଡାଇବେଟିସ୍‌ ରୋଗୀମାନେ ଆଖୁରସ ପିଇବା ସମୟରେ ସତର୍କ ରହିବା ଉଚିତ୍‌।

ଡାଇବେଟିସ୍‌ ପୀଡ଼ିତ ଲୋକମାନେ ଗ୍ରୀଷ୍ମଋତୁରେ ଆଖୁରସ ପ୍ରତି ଆକର୍ଷିତ ହୁଅନ୍ତି, କିନ୍ତୁ ଏହାକୁ ଖାଇବା ପୂର୍ବରୁ ଡାକ୍ତରଙ୍କ ସହିତ ପରାମର୍ଶ କରିବା ଗୁରୁତ୍ୱପୂର୍ଣ୍ଣ। ଯେଉଁମାନଙ୍କର ଡାଇବେଟିସ୍‌ ନିୟନ୍ତ୍ରଣରେ ଅଛି, ସେମାନେ ଆଖୁରସ ବହୁତ କମ୍‌ ପରିମାଣରେ ସେବନ କରିପାରିବେ। ସ୍ବାସ୍ଥ୍ୟ ବିଶେଷଜ୍ଞ କୁହନ୍ତି, ଡାଇବେଟିସ୍‌ ନିୟନ୍ତ୍ରଣ ପାଇଁ ଔଷଧ ଖାଆନ୍ତି ଏବଂ ନିୟମିତ ବ୍ୟାୟାମ ମଧ୍ୟ କରନ୍ତି, ସେମାନେ ଏହାକୁ କମ୍‌ ପରିମାଣରେ ସେବନ କରିପାରିବେ। ଆଖୁରସ ସୁଗାର ଲେବଲକୁ ଦ୍ରୁତଗତିରେ ବୃଦ୍ଧି କରେ ତେଣୁ ଡାଇବେଟିସ୍‌ ରୋଗୀମାନେ ଏହାକୁ ପିଇବା ସମୟରେ ସତର୍କ ରହିବା ଉଚିତ।