ବ୍ୟାଙ୍କ ଚାକିରୀ ପାଇଁ କରୁଛନ୍ତି କି ପ୍ରସ୍ତୁତି ? ଏହି ବ୍ୟାଙ୍କରେ ବାହାରିଛି ବଡ଼ ନିଯୁକ୍ତି, ଜାଣନ୍ତୁ କେମିତି କରିବେ ଆବେଦନ

Bank Recruitment 2024: ଆପଣ ବ୍ୟାଙ୍କ ଚାକିରୀ କରିବାକୁ ଚାହୁଁଛନ୍ତି କି ? ତେବେ ଆପଣଙ୍କ ପାଇଁ ଆସିଛି ସୁବର୍ଣ୍ଣ ସୁଯୋଗ । ପଞ୍ଜାବ ନ୍ୟାସନାଲ ବ୍ୟାଙ୍କ (ପିଏନବି)ରେ ଆପ୍ରେଣ୍ଟିସ୍ ପଦବୀ ପାଇଁ ନିଯୁକ୍ତି ଜାରି ହୋଇଛି । ଯୋଗ୍ୟ ଏବଂ ଆଗ୍ରହୀ ପ୍ରାର୍ଥୀମାନେ ଅନଲାଇନ୍ ମୋଡ୍ ମାଧ୍ୟମରେ ଆବେଦନ କରିପାରିବେ ।

ଆଶାୟୀ ପ୍ରାର୍ଥୀମାନେ 14 ଜୁଲାଇ 2024 ପର୍ଯ୍ୟନ୍ତ ଏହାର ୱେବସାଇଟ୍ pnbindia.in ରେ ଆବେଦନ କରିପାରିବେ । ଚଳିତ ବର୍ଷ ଜୁଲାଇ 28 ରେ ଅନଲାଇନ୍ ନିଯୁକ୍ତି ପରୀକ୍ଷା ହେବ ବୋଲି ଆଶା କରାଯାଉଛି । ଏହି ନିଯୁକ୍ତି ପ୍ରକ୍ରିୟାରେ 2700 ପଦବୀ ପୂରଣ ହେବ ।
ପୋଷ୍ଟ ଆବେଦନ ଫି: ଜେନେରାଲ୍ / ଓବିସି ବର୍ଗ ପାଇଁ ଆବେଦନ ଶୁଳ୍କ 944 ଟଙ୍କା, ମହିଳାମାନଙ୍କ ପାଇଁ 708 ଟଙ୍କା, ଏସସି ଏବଂ ଏସଟି ଏବଂ PWBD ପାଇଁ 472 ଟଙ୍କା ରହିଛି ।

ବୟସ ସୀମା: ଏହି ନିଯୁକ୍ତି ପ୍ରକ୍ରିୟା ପାଇଁ ବୟସ ସୀମା ଜୁନ୍ 30, 2024 ସୁଦ୍ଧା 20 ରୁ 28 ବର୍ଷ ମଧ୍ୟରେ ହେବା ଆବଶ୍ୟକ । ସଂରକ୍ଷିତ ବର୍ଗ ପ୍ରାର୍ଥୀଙ୍କ ପାଇଁ ବୟସସୀମାରେ କୋହଳ ରହିଛି ।

ଶିକ୍ଷାଗତ ଯୋଗ୍ୟତା:

UGC, AICTE କିମ୍ବା ସରକାରୀ ଏଜେନ୍ସି ଦ୍ୱାରା ସ୍ୱୀକୃତିପ୍ରାପ୍ତ ଯେକୌଣସି ବିଦ୍ୟାଳୟ, କଲେଜ କିମ୍ବା ବିଶ୍ୱବିଦ୍ୟାଳୟରୁ ପ୍ରାର୍ଥୀମାନେ ଯେକୌଣସି କ୍ଷେତ୍ରରେ ସ୍ନାତକ ଡିଗ୍ରୀ ହାସଲ କରିବା ଆବଶ୍ୟକ । 30 ଜୁନ୍ 2024 ସୁଦ୍ଧା ରେଜଲ୍ଚ ଆସିଥିବା ଆବଶ୍ୟକ । ପ୍ରାର୍ଥୀଙ୍କ ନିକଟରେ ମାର୍କସିଟ୍ ଏବଂ ବ୍ୟାଙ୍କ ଦ୍ୱାରା ନିର୍ଦ୍ଦେଶିତ ଯେକୌଣସି ଡିଗ୍ରୀ ପ୍ରମାଣପତ୍ର ଦାଖଲ କରିବେ ।

ପ୍ରାର୍ଥୀମାନେ ରାଜ୍ୟ କିମ୍ବା ଅଞ୍ଚଳର ସ୍ଥାନୀୟ ଭାଷାରେ ପାରଦର୍ଶୀ ହେବା ଆବଶ୍ୟକ ଯେଉଁଠାରେ ସେମାନେ ତାଲିମ ନେବାକୁ ଆବେଦନ କରୁଛନ୍ତି । ଏଥିରେ ଆଞ୍ଚଳିକ ଭାଷା କହିବା, ଲେଖିବା, ପଢିବା ସହ ଭଲ ବାବେ ବୁଝିବା ଆବଶ୍ୟକ ।

କିପରି କରିବେ ଆବେଦନ ?

• ଅଫିସିଆଲ୍ ୱେବସାଇଟ୍ pnbindia.in ପରିଦର୍ଶନ କରନ୍ତୁ
• ହୋମ୍ ପେଜ୍ ରେ ଥିବା "ନିଯୁକ୍ତି" ଲିଙ୍କରେ କ୍ଲିକ୍ କରନ୍ତୁ ।
• ଆପ୍ରେଣ୍ଟିସ୍ ନିଯୁକ୍ତି ବିଜ୍ଞପ୍ତି ଅଧୀନରେ ପଞ୍ଜୀକରଣ ଲିଙ୍କ୍ ଚୟନ କରନ୍ତୁ
• ଲଗ୍ ଇନ୍ କରନ୍ତୁ ଏବଂ ଆବେଦନ ପ୍ରକ୍ରିୟା ଜାରି ରଖନ୍ତୁ
• ବର୍ତ୍ତମାନ ଆବଶ୍ୟକ ଫାଇଲଗୁଡିକ ସଂଲଗ୍ନ କରନ୍ତୁ, ଆବେଦନ ଶୁଳ୍କ ଦିଅନ୍ତୁ ଏବଂ ଦାଖଲ ଉପରେ କ୍ଲିକ୍ କରନ୍ତୁ
• ଶେଷରେ ଏହାକୁ ଡାଉନଲୋଡ୍ କରନ୍ତୁ ଏବଂ ଏକ କପି ପ୍ରିଣ୍ଟ କରି ନିଜ ପାଖରେ ରଖନ୍ତୁ।