• search
For Quick Alerts
Turn On Notification  
For Daily Alerts

ମହାମାରୀ ଭିତରେ ସରକାରୀ ଚାକିରି : ଓଡ଼ିଶା ପୁଲିସରେ ଏସଆଇ ଓ କନଷ୍ଟେବଳ ନିଯୁକ୍ତି ପାଇଁ ବାହାରିଲା ବିଜ୍ଞପ୍ତି

|

କଟକ : କୋଭିଡ 19 ମହାମାରୀ ସମୟରେ ଚାକିରି ସଙ୍କଟ ମଧ୍ୟରେ ଓଡିଶା ପୁଲିସ ସବ୍-ଇନ୍ସପେକ୍ଟର (SI) ଏବଂ କନଷ୍ଟେବଳ ପଦବୀରେ ନିଯୁକ୍ତି ସୁଯୋଗ ସୃଷ୍ଟି କରିଛି । ଏଥିପାଇଁ ଅନଲାଇନ୍ ଆବେଦନକୁ କରିବା ପାଇଁ ବିଭାଗ ପକ୍ଷରୁ ବିଜ୍ଞପ୍ତି ଜାରି ହୋଇଛି ।
ନିଯୁକ୍ତି ସମ୍ପର୍କରେ ସୂଚନା ଦେଇ ଓଡିଶା ଡିଜିପି ଅଭୟ ରାଜ୍ୟର ଯୁବକମାନଙ୍କୁ ସେବା କରିବାକୁ ଓଡିଶା ପୋଲିସରେ ଯୋଗଦେବାକୁ ଆହ୍ୱାନ କରିଛନ୍ତି ।
ଡିଜିପି କହିଛନ୍ତି ଯେ ମୁଁ ସମସ୍ତ ଯୋଗ୍ୟ ପୁରୁଷ ଓ ମହିଳାଙ୍କୁ ଓଡିଶା ପୋଲିସରେ ଯୋଗଦେବାକୁ ନିମନ୍ତ୍ରଣ କରୁଛି ଯାହା ଆପଣଙ୍କୁ ବହୁତ ଭଲ କ୍ୟାରିୟର ଏବଂ ରାଜ୍ୟ ସେବା କରିବାର ସୁଯୋଗ ଦେବ । 477 SI ପଦବୀ ଏବଂ 244 କନଷ୍ଟେବଳ ପଦବୀରେ ନିଯୁକ୍ତି ପାଇଁ ଦୁଇଟି ବିଜ୍ଞାପନ ପ୍ରକାଶ ପାଇଛି ।

ଓଡିଶା ପୋଲିସ

ଅନଲାଇନ୍ ଜରିଆରେ ଆବେଦନ ପ୍ରକ୍ରିୟା ଜୁନ୍ 22 ରୁ ଆରମ୍ଭ ହୋଇ ଜୁଲାଇ 15 ପର୍ଯ୍ୟନ୍ତ ଚାଲିବ ।
ଏସଆଇ ପଦବୀ ପାଇଁ ପ୍ରାର୍ଥୀମାନେ ଗ୍ରାଜୁଏସନ ବା ସ୍ନାତକତ୍ତର ପରୀକ୍ଷା ଉର୍ତ୍ତିର୍ଣ୍ଣ କରିବା ଆବଶ୍ୟକ । ସେହିପରି କନଷ୍ଟେବଳ ପଦବୀ ପାଇଁ ଯୁକ୍ତ ଦୁଇ ଶିକ୍ଷାଗତ ଯୋଗ୍ୟତା ରହିଥିବା ବେଳେ ପ୍ରାର୍ଥୀ କମ୍ପ୍ୟୁଟର ସାଇନ୍ସରେ ଯୋଗ୍ୟତା ରଖିଥିବା ଆବଶ୍ୟକ ବୋଲି ବିଜ୍ଞପ୍ତିରେ କୁହାଯାଇଛି ।
ଚଳିତ ବର୍ଷ ପରୀକ୍ଷା ଢାଞ୍ଚାରେ ସାମାନ୍ୟ ପରିବର୍ତ୍ତନ କରାଯାଇଛି ।
ବୟସ ସୀମା: ପ୍ରାର୍ଥୀମାନେ 1.1.2021 ପର୍ଯ୍ୟନ୍ତ 21 ବର୍ଷରୁ କମ୍ ଏବଂ 25 ବର୍ଷରୁ ଅଧିକ ହେବା ଉଚିତ୍ ନୁହେଁ । ତେବେ କିଛିଟା କ୍ଷେତ୍ରରେ ବୟସରେ କୋହଳ କରାଯାଇଛି ।

ପୋଲିସ

ଶିକ୍ଷାଗତ ଯୋଗ୍ୟତା: (କ) ଏକ ସ୍ୱୀକୃତିପ୍ରାପ୍ତ ବିଶ୍ୱବିଦ୍ୟାଳୟରୁ ଯେକୌଣସି ବିଷୟରେ ସ୍ନାତକ ଡିଗ୍ରୀ ହାସଲ କରିଥିବା ଆବଶ୍ୟକ । (ଖ) ହାଇସ୍କୁଲ୍ ସାର୍ଟିଫିକେଟ୍ ପରୀକ୍ଷାରେ କିମ୍ବା ଓଡିଆ ଭାଷାରେ ଏମ.ଇ ମାନାଙ୍କ ସହିତ ସମାନ୍ତରାଳ ଭାବେ ଓଡିଆ ପାସ୍ କରିଥିବା ଆବଶ୍ୟକ ଯାହା ଓଡ଼ିଶା ସରକାରଙ୍କ ବିଦ୍ୟାଳୟ ଏବଂ ଗଣଶିକ୍ଷା ବିଭାଗ ଦ୍ୱାରା ସ୍ୱୀକୃତିପ୍ରାପ୍ତ କିମ୍ବା ପରିଚାଳିତ ହୋଇଥିବ ।
ପରୀକ୍ଷା ଢାଞ୍ଚା : ନିଯୁକ୍ତି ପ୍ରକ୍ରିୟାରେ ଲିଖିତ ପରୀକ୍ଷା ରହିବ ଯାହା ଏକାଧିକ ପସନ୍ଦ ବା ମଲଟିପୁଲ ଚୟସ ପ୍ରଶ୍ନ ରହିବ । ଏଥିସହିତ ଶାରୀରିକ ଦକ୍ଷତା ପରୀକ୍ଷା ମଧ୍ୟ କରାଯିବ ।
କନଷ୍ଟେବଳ ପଦବୀ ପାଇଁ ଯୋଗ୍ୟତା:
ବୟସ ସୀମା: 1.1.2021 ପର୍ଯ୍ୟନ୍ତ 18 ବର୍ଷରୁ କମ୍ ଏବଂ 23 ବର୍ଷରୁ ଅଧିକ ହୋଇନଥିବ । ନିୟମ ଅନୁଯାୟୀ ବୟସ କୋହଳ କରାଯିବ ।
ଶିକ୍ଷାଗତ ଯୋଗ୍ୟତା: (କ) ଉଚ୍ଚ ମାଧ୍ୟମିକ ଶିକ୍ଷା ପରିଷଦ, ଓଡିଶା କିମ୍ବା ଅନ୍ୟ କୌଣସି ସ୍ୱୀକୃତିପ୍ରାପ୍ତ ବୋର୍ଡ କିମ୍ବା ପରିଷଦ ଦ୍ୱାରା ପରିଚାଳିତ ଯୁକ୍ତ ଦୁଇ କିମ୍ବା ସମାନ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ଆବଶ୍ୟକ । (ଖ) ସରକାରଙ୍କ ଦ୍ୱାରା ଅନୁବନ୍ଧିତ ଏକ ସ୍ୱୀକୃତିପ୍ରାପ୍ତ ଅନୁଷ୍ଠାନରୁ କମ୍ପ୍ୟୁଟର କିମ୍ବା ସମାନ ପାଠ୍ୟକ୍ରମରେ ଡିପ୍ଲୋମା ପାସ୍ କରିଥିବା ଆବଶ୍ୟକ । (ଗ) ଉଚ୍ଚ ବିଦ୍ୟାଳୟ ସାର୍ଟିଫିକେଟ୍ ପରୀକ୍ଷାରେ କିମ୍ବା ଓଡିଆ ଭାଷାରେ ଏମ.ଇ ମାନାଙ୍କ ସହିତ ସମାନ୍ତରାଳ ଭାବେ ଓଡିଆ ପାସ୍ କରିଥିବା ନିଶ୍ଚିତ ଆବଶ୍ୟକ । ଏହି ଶିକ୍ଷାନୁଷ୍ଠାନ ଓଡ଼ିଶା ସରକାରଙ୍କ ବିଦ୍ୟାଳୟ ଏବଂ ଗଣଶିକ୍ଷା ବିଭାଗ ଦ୍ୱାରା ସ୍ୱିକୃତିପ୍ରାପ୍ତ କିମ୍ବା ପରିଚାଳିତ ହୋଇଥିବ ।

ନିଯୁକ୍ତି
ପରୀକ୍ଷା ଢାଞ୍ଚା: ନିଯୁକ୍ତି ପ୍ରକ୍ରିୟାରେ ଲିଖିତ ପରୀକ୍ଷା ରହିଥାଏ ଯାହା ଏକାଧିକ ମଲଟିପୁଲ ପ୍ରଶ୍ନ ରହିବ । ଶାରୀରିକ ଦକ୍ଷତା ପରୀକ୍ଷା କରାଯିବ ।

ଆମକୁ ଫୋଲୋ କରନ୍ତୁ
Instagram Youtube
English summary
Odisha Police Recruitment For 477 Sub Inspector and 244 Constables posts Check Details
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X