ଦିଲ୍ଲୀ ମେଟ୍ରୋରେ ନିଯୁକ୍ତି ନେଇ ପ୍ରକାଶ ପାଇଲା ବିଜ୍ଞପ୍ତି, ଏପରି କରନ୍ତୁ ଆବେଦନ

Delhi Metro News: ସରକାରୀ ଚାକିରି ଖୋଜୁଥିବା ପ୍ରାର୍ଥୀଙ୍କ ପାଇଁ ସୁବର୍ଣ୍ଣ ସୁଯୋଗ । ଯୋଗ୍ୟ ପ୍ରାର୍ଥୀମାନେ ନିର୍ଦ୍ଦିଷ୍ଟ ତାରିଖରେ ବିଳମ୍ବ ନକରି ଆବେଦନ କରିବା ପାଇଁ ପଡିବ ।

ଦିଲ୍ଲୀ ମେଟ୍ରୋ ରେଳ ନିଗମ (ଡିଏମଆରସି) ସୁପରଭାଇଜର (ଏସ ଆଣ୍ଡ ଟି), ଜୁନିଅର ଇଞ୍ଜିନିୟର (ଜେଇ), ଆସିଷ୍ଟାଣ୍ଟ ସେକ୍ସନ ଇଞ୍ଜିନିୟର (ASE) ଏବଂ ସିନିୟର ସେକ୍ସନ୍ ଇଞ୍ଜିନିୟର (SSE) ପଦ ପାଇଁ ନିଯୁକ୍ତି ଘୋଷଣା କରାଯାଇଛି । ମନେରଖନ୍ତୁ ଯେ ଆବେଦନ ଫର୍ମଗୁଡିକ କେବଳ ଅଫଲାଇନରେ ପୂରଣ କରାଯାଇ ପାରିବ ତେବେ ଶେଷ ତାରିଖ ପରେ ଆବେଦନଗୁଡିକ ଗ୍ରହଣ କରାଯିବ ନାହିଁ ।

ସୁପରଭାଇଜର ଇଲେକ୍ଟ୍ରିକାଲ୍ ପାଇଁ ଆବେଦନ କରିବାର ଶେଷ ତାରିଖ: 25 ଅକ୍ଟୋବର 2024
ଆସିଷ୍ଟାଣ୍ଟ ମ୍ୟାନେଜର୍ / ମ୍ୟାନେଜର୍ ପଦ ପାଇଁ ଆବେଦନ କରିବାର ଶେଷ ତାରିଖ: 1 ନଭେମ୍ବର
ଡେପୁଟି ଜେନେରାଲ୍ ମ୍ୟାନେଜର / ଟ୍ରାକ୍ / ଓ ଆଣ୍ଡ ଏମ୍ ପୋଷ୍ଟଗୁଡିକ ପାଇଁ ଆବେଦନ କରିବାର ଶେଷ ତାରିଖ: 7 ନଭେମ୍ବର
ସୁପରଭାଇଜରର ବିଭିନ୍ନ ପଦବୀ ପାଇଁ ଶେଷ ତାରିଖ: 8 ନଭେମ୍ବର

DMRC ନିଯୁକ୍ତି 2024: ଜରୁରୀ ଯୋଗ୍ୟତା
ବିସ୍ତୃତ ସୂଚନା ପାଇଁ ପ୍ରାର୍ଥୀମାନେ ସରକାରୀ ବିଜ୍ଞପ୍ତିକୁ ଅନୁସରଣ କରିବା ଉଚିତ୍ । ଶିକ୍ଷାଗତ ଯୋଗ୍ୟତା ସହିତ ପ୍ରାର୍ଥୀଙ୍କ ସର୍ବାଧିକ ବୟସ ମଧ୍ୟ ଏହି ପଦବୀ ଅନୁଯାୟୀ 55 ରୁ 62 ବର୍ଷ ମଧ୍ୟରେ ହେବା ଉଚିତ୍।

ଏହି ନିଯୁକ୍ତିରେ ମନୋନୀତ ପ୍ରାର୍ଥୀଙ୍କୁ ପଦବୀ ଅନୁସାରେ ମାସକୁ 50,000 ରୁ 72,600 ଟଙ୍କା ପର୍ଯ୍ୟନ୍ତ ଦରମା ରହିଛି । ଦରମା ଏବଂ ଅନ୍ୟାନ୍ୟ ସୁବିଧା ସମ୍ବନ୍ଧରେ ଅଧିକ ସୂଚନା ପାଇଁ ପ୍ରାର୍ଥୀମାନେ DMRC ର ଅଫିସିଆଲ୍ ୱେବସାଇଟ୍ ପରିଦର୍ଶନ କରି ଜାଣି ପାରିବେ ।