ବେଙ୍ଗାଲୁରୁ କମ୍ପାନୀରେ 'ନାପ୍ କଲଚର' ଆରମ୍ଭ, ଟୁଇଟରରେ ଇମେଲକୁ ନେଇ ଚର୍ଚ୍ଚା
ବେଙ୍ଗାଲୁରୁର 'ୱାକଫିଟ୍ 'ନାମକ ଏକ ଷ୍ଟାର୍ଟଅପ୍ କମ୍ପାନୀ ଏହି କଲ୍ଚର ଆରମ୍ଭ ନେଇ ଘୋଷଣା କରିଛି । ୱାକଫିଟର ସହ-ପ୍ରତିଷ୍ଠାତା ଚତୈନ୍ୟ ରାମଲିଙ୍ଗେଗୋଡା କର୍ମଚାରୀମାନଙ୍କୁ କାର୍ଯ୍ୟ ସମୟରେ ଆନୁଷ୍ଠାନିକ ଭାବେ ଶୋଇବା ବିଷୟରେ ଇ-ମେଲ୍ କରିବା ପରେ ଟ୍ୱିଟରରେ ଖୁବ୍ ଚର
ବେଙ୍ଗାଲୁରୁ: ସାଧାରଣତଃ କାମ କରିବା ସମୟରେ ଆମକୁ ଥକା ଲାଗିବା ସହ ନିଦ ମଧ୍ଯ ଲାଗିଥାଏ। ଅନେକ ଏହାକୁ ଅସ୍ୱୀକାର କଲେ ମଧ୍ୟ ଏହା ସତ। ଜାପାନରେ ସମସ୍ତ କର୍ମଚାରୀଙ୍କ ପାଇଁ ରହିଛି ' ନାପ୍ କଲଚର' । ତେବେ ଜାପାନ ତୁଳନାରେ ଭାରତରେ ଏତେ ଜଣାଶୁଣା ନୁହେଁ ଏହି କଲଚର।
ତେବେ ବେଙ୍ଗାଲୁରୁର 'ୱାକଫିଟ୍ 'ନାମକ ଏକ ଷ୍ଟାର୍ଟଅପ୍ କମ୍ପାନୀ ଏହି କଲ୍ଚର ଆରମ୍ଭ ନେଇ ଘୋଷଣା କରିଛି । ୱାକଫିଟର ସହ-ପ୍ରତିଷ୍ଠାତା ଚତୈନ୍ୟ ରାମଲିଙ୍ଗେଗୋଡା କର୍ମଚାରୀମାନଙ୍କୁ କାର୍ଯ୍ୟ ସମୟରେ ଆନୁଷ୍ଠାନିକ ଭାବେ ଶୋଇବା ବିଷୟରେ ଇ-ମେଲ୍ କରିବା ପରେ ଟ୍ୱିଟରରେ ଖୁବ୍ ଚର୍ଚ୍ଚା ହେଉଛି । ୱାକଫିଟ୍ ଦ୍ୱାରା ସେୟାର କରାଯାଇଥିବା ଏକ ଟ୍ୱିଟର ପୋଷ୍ଟରେ ଇମେଲର ବିଷୟବସ୍ତୁ ମଧ୍ୟ ଦର୍ଶାଯାଇଛି ।
"ଆମେ କାର୍ଯ୍ୟକ୍ଷେତ୍ରରେ ଦିନ ୨ ରୁ ୨.୩୦ ପର୍ଯ୍ୟନ୍ତ ୩୦ ମିନିଟ ଆମର ସମସ୍ତ କର୍ମଚାରୀଙ୍କ ପାଇଁ ଶୋଇବା ସମୟ ବୋଲି ଘୋଷଣା କରିଛୁ । ଆଜିଠାରୁ ଏହି ନାପ ଟାଇମରେ ଆପଣ ଆରାମ କରିପାରିବେ । ଅଫିସିଆଲ୍ ନାପ୍ ଟାଇମ୍ ଭାବରେ ଆପଣଙ୍କୁ ଏନେଇ ଏକ କ୍ୟାଲେଣ୍ଡର ଦିଆଯିବ। ଇ-ମେଲ୍ ପଢିବା ପାଇଁ ଏବେ ଆମେ ଆରାମଦାୟକ ନାପ୍ ପୋଡ୍ ତିଆରି କରିବା ଦିଗରେ ମଧ୍ୟ କାର୍ଯ୍ୟ କରୁଛୁ "ବୋଲି ଇମେଲରେ ଲେଖା ଯାଇଛି ।