ବର୍ଷର ସବୁଠୁ ଉତ୍ତପ୍ତ ମାସ ଜୁଲାଇ, ୨୦୨୪କୁ ଆହୁରି ବିଗିଡି଼ବ ସ୍ଥିତି: ଚେତାବନୀ ଦେଲେ ନାସା ବୈଜ୍ଞାନିକ

Published: Friday, July 21, 2023, 17:53 [IST]

ୱାଶିଂଟନ: ଏ ବର୍ଷ ଜୁଲାଇ ମାସ ହେବ ବିଶ୍ୱର ସବୁଠାରୁ ଉତ୍ତପ୍ତ ମାସ । ୨୦୨୩ ବର୍ଷ ସାମ୍ପ୍ରତିକ ବର୍ଷ ଗୁଡିକର ସବୁଠାରୁ ଉତ୍ତପ୍ତ ବର୍ଷ ହୋଇପାରେ । ତେଣୁ ଆଗାମୀ ବର୍ଷ ଅର୍ଥାତ ୨୦୨୪କୁ ପରିସ୍ଥିତି ଆହୁରି ଖରାପ ହୋଇପାରେ ବୋଲି ଚେତାବନୀ ଦେଇଛନ୍ତି ନାସା ବୈଜ୍ଞାନିକ ।

ନାସାର ଜଳବାୟୁ ବିଶେଷଜ୍ଞ ଗାଭିନ ଶିମିଟ ଦାବି କରିଛନ୍ତି ଯେ, ଗତ ଶହେ ବର୍ଷ ମଧ୍ୟରେ ଜୁଲାଇ ମାସ ସବୁଠାରୁ ଉତ୍ତପ୍ତ ଥିଲା । ୟୁରୋପୀୟ ୟୁନିଅନ ଏବଂ ମେନ ୟୁନିଭରସିଟିର ଗ୍ରାଉଣ୍ଡ ଏବଂ ସାଟେଲାଇଟ ତଥ୍ୟ ବିଶ୍ଳେଷଣ କରି ପ୍ରାପ୍ତ ତଥ୍ୟକୁ ଆଧାର କରି ନାସା ବିଶେଷଜ୍ଞମାନେ ଏହି ଦାବି କରିଛନ୍ତି ।

ନାସାର ବିଶେଷଜ୍ଞ ଶିମିଟ କହିଛନ୍ତି ଯେ ଆମେ ସାରା ବିଶ୍ୱରେ ଅଦୃଶ୍ୟ ପରିବର୍ତ୍ତନ ଦେଖୁଛୁ । ଆମେରିକା, ୟୁରୋପ ଏବଂ ଚାଇନାରେ ପ୍ରବଳ ଗରମ ପବନ ପ୍ରତିଦିନ ରେକର୍ଡ ଭାଙ୍ଗୁଛି । ସେ ଆହୁରି ମଧ୍ୟ କହିଛନ୍ତି ଯେ ବିଶ୍ୱର ତାପମାତ୍ରା ବୃଦ୍ଧି ପାଇଁ ଏଲ ନିନୋ ପ୍ରଭାବ ଏକମାତ୍ର କାରଣ ନୁହେଁ । କିନ୍ତୁ ଏହାର ମୁଖ୍ୟ କାରଣ ହେଉଛି ପରିବେଶରେ ଗ୍ରୀନ ହାଉସ ଗ୍ୟାସ ନିର୍ଗତ ହେବା ଏବଂ ସେମାନଙ୍କର ହ୍ରାସର ଅଭାବ ।

ଗୋୱିନ ଶିମେଟଙ୍କ ମତରେ ଆଗାମୀ ଦିନରେ ତାପମାତ୍ରା ବଢ଼ିବାରେ ଲାଗିବ । ୨୦୨୪ର ଏହାର ପ୍ରଭାବ ସିଧାସଳଖ ମନୁଷ୍ୟଙ୍କ ଉପରେ ପଡିବ । ତେଣୁ ୨୦୨୪ରେ ପରିସ୍ଥିତି ଆହୁରି ଖରାପ ହୋଇପାରେ ବୋଲି ଗାଭିନ ଶିମିଟ ଚେତାବନୀ ଦେଇଛନ୍ତି। ସେ କହିଛନ୍ତି ଯେ ଏଲ ନିନୋ ପ୍ରଭାବ ବର୍ତ୍ତମାନ ଉଭା ହୋଇଛି ଏବଂ ଚଳିତ ବର୍ଷ ଶେଷ ସୁଦ୍ଧା ଏହା ଶିଖର ଛୁଇଁବ । ଏଲ ନିନୋର ପ୍ରଭାବ ହେତୁ ୨୦୨୪ରେ ଗରମ ଅଧିକ ହେବାର ସମ୍ଭାବନା ଅଛି ।

Published On July 21, 2023