ଦୁନିଆର ସବୁଠାରୁ ଛୋଟ ଟିଭି, ଦେଖିବାକୁ ଠିକ୍ ଡାକ ଟିକଟ ପରି

ଦୁନିଆ ଯେଉଁଠାରେ ଆମର ଡିଭାଇସ୍ ବଡ଼ ଏବଂ ବଡ ପରଦା ରେ ପରିଣତ ହେଉଥିବା ପରି ମନେହୁଏ। ଏହି ସମୟରେ ଏକ କମ୍ପାନୀ ଦୁନିଆର ସବୁଠାରୁ ଛୋଟ ଟିଭି ତିଆରି କରି ରେକର୍ଡ ସୃଷ୍ଟି କରିଛି ।

Published: Sunday, October 30, 2022, 13:23 [IST]

ୱାଶିଂଟନ: ବର୍ତ୍ତମାନ ବିଶ୍ବରେ ବିଭିନ୍ନ ପ୍ରକାର ଇଲୋକ୍ଟ୍ରନିକ୍ସ ଡିଭାଇସ ନିର୍ମାଣ କରାଯାଉଛି । ତେବେ ନିକଟରେ ଏକ କମ୍ପାନୀ ନିର୍ମାଣ କରିଛି ଦୁଇଟି ବିଶ୍ବର ସବୁଠୁ ଛୋଟ ଟେଲିଭିଜନ । ଆମେରିକାର ଓହାଇଓ ଠାରେ ଏହାକୁ ନିର୍ମାଣ କରିଛନ୍ତି, ଟିନି ସର୍କିଟ୍ସର ପ୍ରତିଷ୍ଠାତା ଓ ଅଧ୍ୟକ୍ଷ କେନ୍ ବର୍ନସ ।

ଏହି ଟେଲିଭିଜନର ପରଦା 0.6 ଇଞ୍ଚ ହୋଇଥିବା ବେଳେ ଡିସପ୍ଲେ 1.0 ଇଞ୍ଚ ରହିଛି । ଏଥିସହିତ ଟିଭିର ସାମନାରେ ରହିଛି ସ୍ପିକର । ପୁରୁଣା ଡିଜାଇନ ଅନୁସାରେ ଚ୍ୟାନେଲ ବଦଳାଇବା ପାଇଁ ରହିଛି ଚାବି । ଯାହାକୁ ଆପଣ ହାତରେ ଘୁରାଇ ବ୍ୟବହାର କରିପାରିବେ। ଟିଭିର ଆକାର ଡାକ ଟିକଟ ଭଲି ରହିଛି । ଥରେ ଚାର୍ଜ କରିବା ପରେ ଗୋଟିଏ ଘଣ୍ଟା ବିନା ରହି ଏହା ଆପଣଙ୍କୁ ମନୋରଞ୍ଜନ ଦେଇ ପାରିବ । ପ୍ରଥମ ଟିଭିର ନାମ ଟିନି ଟିଭି -2 ଏବଂ ଅନ୍ୟଟି ଟିନି ଟିଭି ମିନି । ଏହି ଟିଭି ନିର୍ମାଣ ପାଇଁ ବର୍ତ୍ତମାନ ସୁଦ୍ଧା 128,640 ଡଲାର ସଂଗ୍ରହ ହୋଇପାରିଛି । ଉଭୟ ଟିଭିରେ 8 ଜିବି ମାଇକ୍ରୋ ଏସଡି କାର୍ଡ ଲଗାଯାଇଥିବା ବେଳେ ଏହା 10ରୁ 40 ଘଣ୍ଟାର ଫୁଟେଜ ଧରିବାର କ୍ଷମତା ରଖିଛି । ଏହାକୁ ଆପଣଙ୍କ ସାଙ୍ଗରେ ନେଇ ବାହାରକୁ ମଧ୍ୟ ନେଇ ପାରିବେ ।

ଆପଣ ଏଥିରେ ନିଜ ଇଚ୍ଛା ଅନୁସାରେ, ଫିଲ୍ମ , ଭିଡିଓ ଏବଂ ସିରିଏଲ ଆଦି ଲୋଡ କରି ଦେଖିପାରିବେ। ନିଜ କମ୍ପ୍ୟୁଟରରେ କନେକ୍ଟ କରି ଏହାର ମଜା ଉଠାଇ ପାରିବେ। ଏନେଇ କମ୍ପାନୀ ଫ୍ରୀ ସଫ୍ଟୱେର ଦେଉଛି । କେବଳ ଟିଭି ସ୍ବିଚ ନୁହେଁ ଏହାକୁ ଚାଲୁ କରିବା ପାଇଁ ଆପଣ ଛୋଟ ରିମୋର୍ଟ ମଧ୍ୟ ବ୍ୟବହାର କରିପାରିବେ । ଏହି ଟିଭି ପୂର୍ବରୁ ଏହି କମ୍ପାନୀ 2012 ମସିହାରେ ଟିନି ଡୁଇନୋ ପ୍ରୋଜେକ୍ଟ ନାମକ ଏକ ଛୋଟ କମ୍ପ୍ୟୁଟର ପ୍ରୋସେସର ରୂପେ ନିଜର ପ୍ରଥମ ପ୍ରୋଜକ୍ଟ ଲଞ୍ଚ କରିଥିଲା ।

Published On October 30, 2022