ଆଜି ବିଶ୍ବ ଖାଦ୍ୟ ଦିବସ: ଖାଦ୍ୟ ନଷ୍ଟ ଉପରେ ରଖନ୍ତୁ ନିୟନ୍ତ୍ରଣ, ଭୋକିଲା ପେଟକୁ ମିଳୁ ଦାନା

ପ୍ରତିବର୍ଷ ଅକ୍ଟୋବର 16 ତାରିଖ ଦିନ ସାରା ବିଶ୍ୱରେ ବିଶ୍ୱ ଖାଦ୍ୟ ଦିବସ ପାଳନ କରାଯାଏ । ମିଳିତ ଜାତିସଂଘଦ୍ୱାରା 1945 ମସିହାରେ ଖାଦ୍ୟ ଏବଂ କୃଷି ସଂଗଠନର ସ୍ଥାପନା ଦିବସକୁ ସମ୍ମାନ ଜଣାଇ ଏହି ଦିନକୁ ବିଶ୍ୱ ଖାଦ୍ୟ ଦିବସ ରୂପେ ଘୋଷଣା କରାଯାଇଛି ।

Published: Sunday, October 16, 2022, 17:00 [IST]

ୱାଶିଂଟନ: ପ୍ରତିବର୍ଷ ଅକ୍ଟୋବର 16 ତାରିଖ ଦିନ ସାରା ବିଶ୍ୱରେ ବିଶ୍ୱ ଖାଦ୍ୟ ଦିବସ ପାଳନ କରାଯାଏ । ମିଳିତ ଜାତିସଂଘଦ୍ୱାରା 1945 ମସିହାରେ ଖାଦ୍ୟ ଏବଂ କୃଷି ସଂଗଠନର ସ୍ଥାପନା ଦିବସକୁ ସମ୍ମାନ ଜଣାଇ ଏହି ଦିନକୁ ବିଶ୍ୱ ଖାଦ୍ୟ ଦିବସ ରୂପେ ଘୋଷଣା କରାଯାଇଛି । 1979 ନଭେମ୍ବର ମାସରେ ଖାଦ୍ୟ ଏବଂ କୃଷି ସଂଗଠନର ସଦସ୍ୟ ରାଷ୍ଟ୍ରମାନଙ୍କଦ୍ୱାରା ଏହି ସଂଗଠନର 20ତମ ସମ୍ମିଳନୀରେ ଏହି ଦିବସ ପାଳନ ନେଇ ନିଷ୍ପତ୍ତି ନିଆଯାଇଥିଲା ।

ହଙ୍ଗେରିଆନ କୃଷି ଏବଂ ଖାଦ୍ୟ ମନ୍ତ୍ରୀ ଡଃ ପାଲ ରମାନୀଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳୀ ଏଥିରେ ଏକ ସକ୍ରୀୟ ଭୂମିକା ଗ୍ରହଣ କରିଥିଲେ । ଏନେଇ ବିଚାର ପ୍ରକାଶ କରିଥିଲେ । ଏହାପରେ ବିଶ୍ୱର 150ରୁ ଅଧିକ ଦେଶ ପ୍ରତିବର୍ଷ ଅକ୍ଟୋବର 16 ତାରିଖକୁ ବିଶ୍ୱ ଖାଦ୍ୟ ଦିବସ ରୁପେ ପାଳନ କରୁଛନ୍ତି । ଖାଦ୍ୟାଭାବ ଏବଂ ଦାରିଦ୍ର‍୍ୟ ଜନିତ ସମସ୍ୟା ଓ ଏହାର ନିରାକରଣ ବିଷୟରେ ବିଶ୍ବବାସୀଙ୍କ ଦୃଷ୍ଟି ଆକର୍ଷଣ କରିବା ଏହି ଦିବସ ପାଳନର ଲକ୍ଷ୍ୟ । ପ୍ରତି ବର୍ଷ ଏହି ଦିନ ପାଳନ ନେଇ ଥିମ ରଖାଯାଇଥାଏ । ତେବେ ଚଳିତ ବର୍ଷର ଥିମ୍ ହେଉଛି , ଲିଭ୍ ନୋ ଓ୍ବାନ୍ ବିହାଇଣ୍ତ ।

ମନୁଷ୍ୟର ସାଧାରଣ ଆବଶ୍ୟକତା ବା ମୌଳିକ ଅଧିକାର ହେଉଛି ଖାଦ୍ୟ,ବସ୍ତ୍ର, ବାସଗୃହ। କିନ୍ତୁ ଏବେ ବି ସାରା ବିଶ୍ୱରେ ଅନେକ ଲୋକଙ୍କ ମିଳେନାହିଁ ଆବଶ୍ୟକତା ଅନୁସାରେ ଖାଦ୍ୟ। ଭଲ ଖାଦ୍ୟ ନେଇ ଅନେକ ସ୍ଥାନରେ ସରକାରୀ ଏବଂ ବେସରକାରୀ ଯୋଜନାମାନ ମଧ୍ୟ ରହିଛି । କିନ୍ତୁ ଏହା ସତ୍ତ୍ବେ ମଧ୍ୟ ଅନେକ ଭୋକରେ ରହୁଛନ୍ତି। ସେଥିପାଇଁ ଭୋକିଲାକୁ ସୁସ୍ଥ ଖାଦ୍ୟ ଯୋଗାଇବା, ଖାଦ୍ୟ ବର୍ଜ୍ୟବସ୍ତୁ ହ୍ରାସ କରିବା ଏବଂ ଖାଦ୍ୟ ଉତ୍ପାଦନ ଏବଂ କୃଷିକୁ ପ୍ରୋତ୍ସାହିତ କରିବା ନେଇ ଆଜିର ଦିନରେ ଲୋକଙ୍କୁ ସଚେତନ କରାଯାଇଥାଏ ।

Published On October 16, 2022