ଟ୍ବିଟର ବିକି ଦେବେ କି ଏଲନ ମସ୍କ ? କହିଲେ, କିଣିକି ଏବେ ପସ୍ତାଉଛି

Will Elon Musk sell Twitter : ଟ୍ୱିଟର ଚଳାଇବା ଭାରି କଷ୍ଟଦାୟକ ବୋଲି କହିଛନ୍ତି ଲୋକପ୍ରିୟ ମାଇକ୍ରୋବ୍ଲଗିଂ ଆପର ମାଲିକ ତଥା ବିଲିୟନେୟାର ଏଲୋନ୍ ମସ୍କ । ଯଦି ସେ ସଠିକ୍ ବ୍ୟକ୍ତି ପାଇବେ ତେବେ ସେ କମ୍ପାନୀ ବିକ୍ରୟ କରିବେ ବୋଲି କହିଛନ୍ତି ।

ସାକ୍ଷାତକାର ସମୟରେ ଟ୍ୱିଟରକୁ ନିଜ ଅଧୀନକୁ ନେଇ ଅନୁତାପ କରୁଛନ୍ତି କି ପ୍ରଶ୍ନର ଉତ୍ତରରେ ମସ୍କ କହିଛନ୍ତି ଯେ, "ଯନ୍ତ୍ରଣା ସ୍ତର ଖୁବ୍ ଅଧିକ, ଏହା କୌଣସି ପାର୍ଟି ନୁହେଁ ।" ସେହିପରି ସାକ୍ଷାତକାର ସମୟରେ ଯେତେବେଳେ ତାଙ୍କ କାର୍ଯ୍ୟକାଳ ବିଷୟରେ ପ୍ରଶ୍ନ କରାଯାଇଥିଲା, ସେ କହିଛନ୍ତି ଯେ, "ଏହା ବିରକ୍ତିକର ନୁହେଁ । କିନ୍ତୁ ଏକ ରୋଲର୍‌କୋଷ୍ଟର(ଏକ ସମୟରେ ହଠାତ୍ ପରିବର୍ତ୍ତନ) ଭଳି । ବାସ୍ତବରେ ଗତ କିଛି ମାସ ଚାପପୂର୍ଣ୍ଣ ପରିସ୍ଥିତି ଥିଲା । ବେଳେବେଳେ ମୁଁ କାର୍ଯ୍ୟ ବ୍ୟସ୍ତରେ ଅଫିସରେ ଶୋଇପଡିଛି ।" ତେବେ କମ୍ପାନୀ କିଣିବା ଠିକ୍ ନିଷ୍ପତ୍ତି ବୋଲି ଏଲନ ମସ୍କ କହିଛନ୍ତି ।

ତେବେ ନିକଟରେ ଏଲନ୍‌, ଟ୍ୱିଟରରୁ ଫ୍ରି ବ୍ଲୁ-ଟିକ୍‌ ହଟେଇବା ନେଇ ଘୋଷଣା କରିଥିଲେ। ଆଉ ସେବେଠୁ ତାଙ୍କୁ ଅନେକ ସମାଲୋଚନାର ଶିକାର ହେବାକୁ ପଡ଼ୁଛି । ସେହିପରି ସାକ୍ଷାତକାରରେ ସେ ଆହୁରି କହିଛନ୍ତି ଯେ, ଟ୍ୱିଟରରେ ଅନେକ ଟେକ୍ନିକାଲ ସମସ୍ୟା ଦେଖା ଦେଇଥିଲା । ଯାହା ଫଳରେ କିଛି ସମୟ ପାଇଁ ଟ୍ୱିଟର ବନ୍ଦ ମଧ୍ୟ ପଡ଼ି ଯାଇଥିଲା । ଏହି ସମସ୍ୟା ଦୀଘ ସମୟ ପାଇଁ ନ ଥିଲା, ଏବେ ସବୁ କିଛି ଠିକ୍ ଚାଲିଛି ।

ଉଲ୍ଲେଖଥାଉ କି, ଗତ ବର୍ଷ ଅକ୍ଟୋବରରେ ମସ୍କ 44 ବିଲିୟନ ଡଲାରରେ ଟ୍ୱିଟର କିଣିଥିଲେ । ଏହାପରେ ସେ କମ୍ପାନୀରେ ବ୍ୟାପକ ପରିବର୍ତ୍ତନ ଆଣିଥିଲେ । ଅଧିକାଂଶ ସମୟରେ ସେ ତାଙ୍କର ନିଷ୍ପତ୍ତିକୁ ନେଇ ୟୁଜର୍ସଙ୍କ ସମାଲୋଚନାର ଶିକାର ହୋଇଛନ୍ତି । ଟ୍ବିଟରରୁ କର୍ମଚାରୀଙ୍କୁ ଛଟେଇ କରିବା ହେଉ କି ଲୋଗୋ ପରିବର୍ତ୍ତନ ଅନେକ ସମୟରେ ସେ ଟ୍ରୋଲର ଶିକାର ହୋଇଛନ୍ତି ।

English summary

Will Elon Musk sell Twitter ?