ମଞ୍ଚରେ ପଡ଼ିଗଲେ ଆମେରିକା ରାଷ୍ଟ୍ରପତି ଜୋ.ବାଇଡେନ୍

US President Joe Biden:ମଞ୍ଚରେ ପଡ଼ିଗଲେ ଆମେରିକା ରାଷ୍ଟ୍ରପତି ଜୋ.ବାଇଡେନ୍ । କଲୋରାଡୋରେ ବାୟୁସେନାର କାର୍ଯ୍ୟକ୍ରମ ବେଳେ ଅଭିଭାଷଣ ସାରି ଫେରିବା ବେଳେ ଗୋଡ଼ ଖସିଯିବାରୁ ପଡିଗଲେ । ସୁରକ୍ଷାକର୍ମୀଙ୍କ ସହାୟତାରେ ତୁରନ୍ତ ଉଠିପଡିଥିଲେ ବାଇଡେନ୍ । ତେବେ ବାଇଡେନ୍ ସୁରକ୍ଷିତ ଥିବା ନେଇ ହ୍ୱାଇଟ୍ ହାଉସ୍ ପକ୍ଷରୁ ସୂଚନା ଦିଆଯାଇଛି ।

ସୂଚନା ଅନୁସାରେ, ଗୁରୁବାର ଦିନ ଆମେରିକାର ବାୟୁସେନା ଏକାଡେମୀ ସମାରୋହରେ ଯୋଗଦେବା ପରେ ଆମେରିକାର ରାଷ୍ଟ୍ରପତି ଜୋ ବାଇଡେନ ଫେରୁଥିବା ସମୟରେ ଷ୍ଟେଜ୍ ଉପରେ ତାଙ୍କ ଗୋଡ଼ ଖସି ଯାଇଥିଲା ଏବଂ ୮୦ ବର୍ଷୀୟ ବାଇଡେନ ପଡିଯାଇଥିଲେ ।

BREAKING: Biden takes a big fall on stage just now at the U.S. Air Force Academy graduation pic.twitter.com/GxkMbpyoNo

— Jake Schneider (@jacobkschneider) June 1, 2023

ବାଇଡେନଙ୍କୁ ତୁରନ୍ତ ଆମେରିକା ବାୟୁସେନା ଅଧିକାରୀମାନେ ଉଠାଇବାରେ ସହାଯ୍ୟ କରିଥିଲେ । ଅନ୍ୟପଟେ ବାଇଡେନ ମଞ୍ଚ ଉପରେ ପଡ଼ିବା ପରେ ସୋସିଆଲ ମିଡିଆରେ ଫଟୋ ଓ ଭିଡିଓ ଭାଇରାଲ ହେବାରେ ଲାଗିଛି ଏବଂ ଲୋକଙ୍କର ବିଭିନ୍ନ ପ୍ରତିକ୍ରିୟା ମଧ୍ୟ ଦେଖିବା ପାଇଁ ମିଳୁଛି ।

ସୂଚନାଥାଉ ଯେ, ୨୦୨୪ ରାଷ୍ଟ୍ରପତି ନିର୍ବାଚନରେ ବାଇଡେନ୍ ​​ପୁନର୍ବାର ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି। ଜାପାନର ହିରୋସିମାଠାରେ ଅନୁଷ୍ଠିତ G7 ଶିଖର ସମ୍ମିଳନୀରେ ମଧ୍ୟ ଜୋ ବାଇଡେନ୍ ତଳେ ପଡିଯିବାରୁ ଅଳ୍ପକେ ବର୍ତ୍ତି ଯାଇଥିଲେ ।

ଚଳିତ ବର୍ଷ ତାଙ୍କ ସରକାରୀ ଡାକ୍ତର ତାଙ୍କୁ ଶାରୀରିକ ଭାବେ ସୁସ୍ଥ ବୋଲି, ଘୋଷଣା କରିଥିଲେ । ବାଇଡେନ୍ ନିୟମିତ ବ୍ୟାୟାମ କରନ୍ତି । 2020 ରେ ଆମେରିକାର ପୂର୍ବତନ ରାଷ୍ଟ୍ରପତି ଟ୍ରମ୍ପଙ୍କ ବିରୋଧରେ ନିର୍ବାଚନରେ ​​ଜିତିବା ପରେ ବାଇଡେନ୍ ପୋଷା କୁକୁର ସହିତ ଖେଳିବା ସମୟରେ ମଧ୍ୟ ତାଙ୍କ ଗୋଡ ଭାଙ୍ଗି ଯାଇଥିଲା ।

English summary

US President Joe Biden Fall On Stage At U.S Air Force Academy Graduation Program.