ଜେଲ୍ ଯାଇପାରନ୍ତି ଆମେରିକା ରାଷ୍ଟ୍ରପତି ବାଇଡେନଙ୍କ ପୁଅ ହଣ୍ଟର

ଆମେରିକା: ଆମେରିକା ରାଷ୍ଟ୍ରପତି ଜୋ. ବାଇଡେନଙ୍କ ପୁଅ ହୋଇପାରନ୍ତି ଗିରଫ । ବେଆଇନ୍ ଭାବେ ବନ୍ଧୁକ ରଖିବା ଏବଂ ବନ୍ଧୁକ କିଣିବା ସମୟରେ ଭୁଲ୍ ତଥ୍ୟ ଦେବା, ଟ୍ୟାକ୍ସ ଫାଙ୍କିବା ଡ୍ରଗ୍ସ ଅଭ୍ୟାସ ପରି ଅନେକ ଅଭିଯୋଗରେ ଏବେ ଆଇନ ଘେରର ଆମେରିକା ରାଷ୍ଟ୍ରପତିଙ୍କ ପୁଅ ହଣ୍ଟର ବାଇଡେନ୍ ।

ଗଣମାଧ୍ୟମ ସୂଚନା ଅନୁସାରେ, ହଣ୍ଟର ୧୦୧୮ରେ ଡେଲାବେୟର କଲ୍ଟ କୋବ୍ରା ସ୍ପେଶାଲ ଷ୍ଟୋରରୁ ବନ୍ଧୁକ କିଣିବା ବେଳେ ତାଙ୍କୁ ଏକ ଫର୍ମ ପୂରଣ କରିବା ପାଇଁ ଦିଆଯାଇଥିଲା । ସେଥିରେ ଭୁଲ୍ ତଥ୍ୟ ଦିଆଯାଇଥିବା ନେଇ ଅଭିଯୋଗ ହୋଇଛି । ଉକ୍ତ ଫର୍ମରେ ସେ ଡ୍ରେଗ୍ସ ନେଉ ନଥିବା କଥା ଲେଖିଥିଲେ ହେଲେ ସେହି ସମୟରେ ସେ ଡ୍ରଗ୍ସ ଅଭ୍ୟାସରେ ଥିବା ଜଣାପଡିଛି ।

ସେହିପରି ନିଜ ବିଜନେସ୍ ଡିଲକୁ ନେଇ ମଧ୍ୟ ହଣ୍ଟର ଆଇନ ଘେରକୁ ଆସିଛନ୍ତି । ସେ ଆବଶ୍ୟକ ଟ୍ୟାକ୍ସ ଭରିନଥିବାର ଅଭିଯୋଗ ହୋଇଛି । ଏନେଇ ତାଙ୍କ ବିରୋଧରେ ୱାଶିଂଟନ୍ କିମ୍ବା କାର୍ଲିଫର୍ଣ୍ଣିଆରେ ଖୁବଶୀଘ୍ର ମାମଲା ରୁଜୁ କରାଯାଇପାରେ ବୋଲି ସୂଚନା ରହିଛି ।

ହଣ୍ଟର୍ ବାଇଡେନଙ୍କ ବିରୋଧରେ ଏହି ମାମଲା ପରେ, ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ସମସ୍ୟା 2024 ନିର୍ବାଚନ ସମୟରେ ବଢିପାରେ । ରାଷ୍ଟ୍ରପତି ନିର୍ବାଚନ ପ୍ରଚାରରେ ଜୋ ବାଇଡେନଙ୍କ ପଥରେ ହଣ୍ଟର୍ ବାଇଡେନଙ୍କ ମାମଲା ଏକ ବଡ଼ ପ୍ରତିବନ୍ଧକ ସୃଷ୍ଟି କରିପାରେ। ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୂର୍ବରୁ ଚାରିଟି ଅପରାଧିକ ମାମଲାର ସମ୍ମୁଖୀନ ହୋଇଛନ୍ତି ।

ରିପୋର୍ଟ ଅନୁସାରେ, ଜୋ ବାଇଡେନଙ୍କ ପୁଅ ହଣ୍ଟର୍ ବାଇଡେନ ବେଆଇନ ଅସ୍ତ୍ରଶସ୍ତ୍ର ଏବଂ ଡ୍ରଗ୍ସ ସମେତ ତିନିଟି ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି । ଏହି ମାମଲାରେ ହଣ୍ଟର ବାଇଡେନ୍ ୨୫ ବର୍ଷ ପାଇଁ ଜେଲ୍ ଯାଇପାରନ୍ତି ।

ସୂଚନାଯୋଗ୍ୟ ଯେ, ହଣ୍ଟର୍ ବାଇଡେନଙ୍କୁ 53 ବର୍ଷ ବୟସ । 2018ରେ ସେ ଏକ ଡ୍ରଗ୍ସ ମାମଲାରେ ମିଛ କହିଥିବା ଅଭିଯୋଗ ହୋଇଥିଲା । ହଣ୍ଟର୍ ବେଆଇନ ଭାବେ ଏକ ରିଭଲଭର କିଣିଥିଲେ । ଡ୍ରଗ୍ସ ବ୍ୟବହାର କରୁଥିବା ନେଇ ହଣ୍ଟର୍ ବାଇଡେନ ନିଜେ ସ୍ୱୀକାର କରିଛନ୍ତି ।

English summary

Will US President's Son Be Jailed