ଇରାନର ସବୁଠୁ ଶକ୍ତିଶାଳୀ ମୁଖ୍ୟାଳୟକୁ ଧ୍ୱଂସ କଲା ଆମେରିକା ସେନା
ମଧ୍ୟପ୍ରାଚ୍ୟରେ ଜାରି ରହିଛି ଭୟଙ୍କର ଯୁଦ୍ଧ । ଇରାନ ଉପରେ ଘନଘନ ମିସାଇଲ ଆକ୍ରମଣ କରୁଛନ୍ତି ଇସ୍ରାଏଲ ଏବଂ ଆମେରିକା । ଇରାନ ମଧ୍ୟ ପାଲଟା ଜବାବ ଦେଇ ବିଭିନ୍ନ ଦେଶରେ ଥିବା ୟୁଏସ ସେନା ବେସକୁ ଟାର୍ଗେଟ୍ କରୁଛି । ଏହାରି ଭିତରେ ଆମେରିକା ସେନା ବଡ ଦାବି କରିଛି । ସେମାନେ ଇରାନର ରିଭଲ୍ୟୁସନାରୀ ଗାର୍ଡର ମୁଖ୍ୟାଳୟକୁ ଧ୍ୱଂସ କରି ଦେଇଛନ୍ତି । ଆଇଆରିସିର ଏବେ କୌଣସି ମୁଖ୍ୟାଳୟ ନଥିବା ୟୁଏସ ମିଲିଟାରୀ ଫୋର୍ସ କହିଛି ।
ୟୁଏସ ସେନା ଦାବି କରିଛି ଯେ, ଇରାନ ଇସଲାମିକ ରିଭଲ୍ୟୁସନାରୀ ଗାର୍ଡ ହଜାରେରୁ ଅଧିକ ଆମେରିକୀୟୀ ସୈନ୍ୟଙ୍କୁ ହତ୍ୟା କରିଛି । ଦୀର୍ଘ ୪୭ ବର୍ଷ ହେଲା ଇରାନ ଏପରି କାଣ୍ଡ ଘଟାଇ ଆସୁଛି । କିନ୍ତୁ ଏବେ ସାପର ମୁଣ୍ଡ କଟିଯାଇଛି । ଅର୍ଥାତ ଆଇଆରଜିର ମୁଖ୍ୟାଳୟକୁ ସେମାନେ ଧ୍ୱଂସ କରିଦେଇଛନ୍ତି ।
ଖାମେନିଙ୍କୁ ହତ୍ୟା
ଯୁଦ୍ଧର ଦ୍ୱିତୀୟ ଦିନରେ ଆମେରିକା ଏବଂ ଇସ୍ରାଏଲ ଅଧିକ ଆକ୍ରମଣ କରିଥିଲେ । ଭୟଙ୍କର ବୋମା ଏବଂ ମିସାଇଲରେ ତେହେରାନ ଥରି ଉଠିଥିଲା । ଏଥିରେ ଇରାନର ସର୍ବୋଚ୍ଚ ନେତା ଖାମେନି ପ୍ରାଣ ହରାଇଥିଲେ । ଅନ୍ୟ ଟପ୍ ନେତା ମଧ୍ୟ ନିହତ ହୋଇଛନ୍ତି ।
ଅନ୍ୟ ଦିଗରେ ଯୁଦ୍ଧ ୨୮ ଦିନ ଚାଲିବ ବୋଲି କହିଛନ୍ତି ୟୁଏସ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ । ଆଗରୁ ଏପରି ଯୁଦ୍ଧ ହୋଇଛି । ଆମେରିକା ୨୮ ଦିନ କିମ୍ବା ତା ପୂର୍ବରୁ ଯୁଦ୍ଧ ଶେଷ କରିଛି । ଏବେ ସମାନ ଘଟଣାର ପୁନରାବୃତ୍ତି ହେବ । ଇରାନର ନେତୃତ୍ୱକୁ ଧ୍ୱଂସ କରାଯିବ ବୋଲି ସେ ପ୍ରକାଶ କରିଛନ୍ତି ।
Click it and Unblock the Notifications
Sign in with Google