ବ୍ରିଟେନରେ ଆମେରିକା ମୁତୟନ କଲା ପରମାଣୁ ଅସ୍ତ୍ର, ପୁଟିନଙ୍କର ବଢ଼ିଲା.....

୨୦୦୮ ପରେ ପ୍ରଥମ ଥର ପାଇଁ ଆମେରିକା ବ୍ରିଟେନରେ ପରମାଣୁ ଅସ୍ତ୍ର ମୁତୟନ କରିଛି, ଯାହା ରୁଷ୍‌ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ସଙ୍କେତ ଦେଇଛି ଯେ ସେମାନେ ୟୁରୋପୀୟ ସୁରକ୍ଷା ପ୍ରତି ପ୍ରତିଶ୍ରୁତିବଦ୍ଧ। ପ୍ରତିରକ୍ଷା ବିଶ୍ଳେଷକ ଓ ଓପନ୍ ସୋର୍ସ ତଥ୍ୟ ଅନୁଯାୟୀ, ଜୁଲାଇ ୧୬ ତାରିଖରେ ଆମେରିକାର ଏକ ସାମରିକ ବିମାନ ନ୍ୟୁ ମେକ୍ସିକୋର ଆଲବୁକର୍କ-ସ୍ଥିତ କିର୍ଟଲ୍ୟାଣ୍ଡ ଏୟାରଫୋର୍ସ ବେସ୍‌ରେ ଥିବା ଆମେରିକାର ପରମାଣୁ ଅସ୍ତ୍ରଶସ୍ତ୍ର ଡିପୋରୁ ବ୍ରିଟେନର ଲେକେନହିଥ୍ ସହରର ଏକ ଏୟାର୍‌ବେସ୍‌କୁ ଯାଇଥିଲା।

ପ୍ରଶାନ୍ତ ମହାସାଗରୀୟ ଫୋରମ୍‌ର ୟୁରୋପ ସ୍ଥିତ ବରିଷ୍ଠ ଫେଲୋ ୱିଲିୟମ ଆଲବେର୍କଙ୍କ କହିବା ଅନୁସାରେ, ସି-୧୭ ବିମାନରେ ପରମାଣୁ ଅସ୍ତ୍ର ପରିବହନ କରିବା ପାଇଁ ଆମେରିକୀୟ ବାୟୁସେନାର ପ୍ରାଇମ୍ ନ୍ୟୁକ୍ଲିୟର ଏୟାର୍‌ଲିଫ୍ଟ ଫୋର୍ସ ସାମିଲ ଥିଲା ଏବଂ ଏହା ଅନ୍ୟ କୌଣସି ଦେଶର ଅଞ୍ଚଳରେ ଉଡ଼ିନଥିଲା।

ତେ‌ବେ ଆମେରିକା ଓ ବ୍ରିଟେନ ସରକାର ସେମାନଙ୍କର ପରମାଣୁ ଅସ୍ତ୍ରର ସ୍ଥିତି ଉପରେ କୌଣସି ମନ୍ତବ୍ୟ ନ ଦେବାର ଦୀର୍ଘଦିନର ନୀତି ଜାରି ରଖିଛନ୍ତି। ଆଲବେର୍କ କହିଛନ୍ତି, ଆମେରିକା ରୁଷ୍‌କୁ ଦେଖାଇବାକୁ ଚାହୁଛି ଯେ ସେମାନେ ୟୁରୋପରେ ନିଜର ପରମାଣୁ କ୍ଷମତା ହ୍ରାସ କରୁନାହାନ୍ତି। ନାଟୋ ଅଧିକାରୀମାନେ ତୁରନ୍ତ ମନ୍ତବ୍ୟ ଦେବାକୁ ମନା କରିଦେଇଛନ୍ତି। ଅନ୍ୟପକ୍ଷରେ ରୁଷ୍‌ ଭବିଷ୍ୟତର ଯେ କୌଣସି ସୁରକ୍ଷା ସଙ୍କଟକୁ ମୁକାବିଲା କରିବା ପାଇଁ ପ୍ରସ୍ତୁତି ଆରମ୍ଭ କରିଦେଇଛି।