ରୁଷର ସବୁଠାରୁ ବଡ଼ ତୈଳ ବିଶୋଧନାଗାରକୁ ଧ୍ବଂସ କଲା ୟୁକ୍ରେନ

ବିଶ୍ବର ସବୁଠାରୁ ବଡ଼ ତୈଳ ରପ୍ତାନୀକାରୀ ରୁଷର ଦୁଇଟି ପ୍ରମୁଖ ରିଫାଇନାରୀ ଉପରେ ଉପରେ ୟୁକ୍ରେନ୍‌ର ବଡ଼ ଧରଣର ଡ୍ରୋନ୍ ଆକ୍ରମଣ। ରୁଷ ତୈଳ ବିଶୋଧନାଗାର ଏବଂ ପାଇପଲାଇନଗୁଡ଼ିକୁ ଟାର୍ଗେଟ କରି ଏହି ଡ୍ରୋନ ଆକ୍ରମଣ କରାଯାଇଥିଲା। ରୁଷ ଅଧିକାରୀମାନେ ରବିବାର ସୂଚନା ଦେଇଛନ୍ତି ଯେ, ୟୁକ୍ରେନ ଶନିବାର ରାତିରେ ୩୬୧ ଟି ଡ୍ରୋନ ମାଡ଼ କରିଛି।

ଏହି ଡ୍ରୋନଗୁଡ଼ିକ ମଧ୍ୟରୁ କିଛି ରୁଷର ଉତ୍ତର-ପଶ୍ଚିମରେ ଅବସ୍ଥିତ ବିଶାଳ କିରିଶି ତୈଳ ବିଶୋଧନାଗାରର ଏକ ଅଂଶରେ ନିଆଁ ଲଗାଇ ଦେଇଥିଲା। ତଥାପି, ଡ୍ରୋନ ଆକ୍ରମଣ କିମ୍ବା ଅଗ୍ନିକାଣ୍ଡ ଘଟଣାରେ କୌଣସି ମୃତାହତର ଖବର ନାହିଁ। ବର୍ତ୍ତମାନ ସମୟରେ ୟୁକ୍ରେନ ଦ୍ୱାରା ରୁଷ ଉପରେ ଏହାକୁ ସବୁଠାରୁ ବଡ଼ ଆକ୍ରମଣ ବୋଲି ବିବେଚନା କରାଯାଉଛି।

ୟୁକ୍ରେନ ଦ୍ୱାରା ଟାର୍ଗେଟ କରାଯାଇଥିବା ରିଫାଇନାରୀଟି ରୁଷର ଉତ୍ତର-ପଶ୍ଚିମ ଲେନିନଗ୍ରାଡ ଅଞ୍ଚଳରେ ଅବସ୍ଥିତ। ଏହାକୁ କିରିଶି ରିଫାଇନାରୀ ଭାବରେ ଜଣାଶୁଣା। ୟୁକ୍ରେନ ଶନିବାର ରାତିରେ ଡ୍ରୋନ ସାହାଯ୍ୟରେ ଏହାକୁ ଟାର୍ଗେଟ କରିଥିଲା। ଏହାର ସପ୍ତାହ ପୂର୍ବରୁ ୟୁକ୍ରେନ ମଧ୍ୟ ରୁଷର ତୈଳ ଭିତ୍ତିଭୂମିକୁ ଟାର୍ଗେଟ କରିଥିଲା।

ଏହି ରିଫାଇନାରୀ ପ୍ରତିବର୍ଷ ପ୍ରାୟ ୧୭.୭ ନିୟୁତ ମେଟ୍ରିକ୍ ଟନ୍ ଅଶୋଧିତ ତୈଳ ଉତ୍ପାଦନ କରେ କିମ୍ବା ପ୍ରତିଦିନ ୩,୫୫,୦୦୦ ବ୍ୟାରେଲ। ୟୁକ୍ରେନର ଜେନେରାଲ ଷ୍ଟାଫଙ୍କ ଅନୁଯାୟୀ, ଏହି ସ୍ଥାନରେ ବିସ୍ଫୋରଣ ଏବଂ ଅଗ୍ନିକାଣ୍ଡ ଘଟିଥିବା ରିପୋର୍ଟ କରାଯାଇଛି। ସେମାନେ ଏକ ଫଟୋ ମଧ୍ୟ ପୋଷ୍ଟ କରିଛନ୍ତି, ଯେଉଁଥିରେ ରାତି ଆକାଶରେ ଉଚ୍ଚ ଅଗ୍ନିଶିଖା ଏବଂ ଧୂଆଁର ମେଘ ଦେଖାଯାଉଛି।